|
|
،
السلام عليكم ورحمة الله وبركاته
ربي يجزاكم الجنه بنات ويخليلكم عيالكم ويفرح قلبكم فيهم
عندي استفسارات كثيره وربي يجزاها الجنه ووالدينها اللي تقدر تساعدني بجم استفسار
اول استفسار عن مدرسة دسمان …. هل هي مختلط ؟
وشلون تعليم اللغه العربيه فيها ؟
انا بنتي اسم الله عليها السنه اليايه بالمرحله الثانويه باذن الله
ومن الابتدائي وهي في المدرسه الامريكيه الاكاديميه للبنات بسلوى
بسسسسس مستوى المدرسه للاسف بالنازل وما اقدر اخلي بنتي تستمر معاهام بصراحه مدرسات العربي والدين حدث ولا حرج البنت ماتفهم شي بالقواعد مع ان بنتي ربي يحميها شاطره
انا اتكلم لكم عن خبره يعني بنتي مو صغيره الحين … من اولى ابتدائي وهي فيها يعني تقريبا صارت لي خبره بهالمدرسه وما اتكلم من فراغ
التدريس عندهم ×
ولاحول ولاقوة الا بالله
في ناس مدحولي مدرسة دسمان وحبيت اعرف مستواها؟ …. وهل هي مختلط؟ … ورسومها شلون؟
للعلم ان بنتي باجر عندها امتحان قدرات [ قبول ] في مدرسة الابداع الامريكيه
لكن امس سمعت ان مدرسة الابداع بدا مستواها ينزل وبصرااااااحه خفت حيل
مادري شسوي ابي مدرسة يكون تدريس العربي والاسلاميه قوي بقوة الانجليزي !
والله بنتي شاطره اسم الله عليها وخايفه على مستواها خصوصا انها باخر مرحله وهي الثانويه ابي معدلها زين وتتخرج من مدرسه زينه
ساعدوني بنات والله انا مشتطه حدي ومعدتي شبت علي ماعرف شسوي ووين اروح اسجل بنتي بأي مدرسه
لاتلوموني ماعندي غيرها وطامعه بدعواتكم ومساعدتكم حبيباتي
.
مدرسة الرؤيا ما اعتقد مختلط ويهتمون بالجانب الدينى
مدرسة روض الصالحين مو مختلط
اختى مدرسة دسمان مختلط وما عندى فكره عن المراحل المتقدمه
وربي يسهل ان شاء الله
و ان شاء الله البنات يفيدونج
بس رفيجتها مو ذاك المستوى ….بس يمكن تكون مو شاطره
احسن تروحين المدرسه وتشوفين المناهج ورئيسة الدراسات العربيه
والله يوفقج