|
|
الله يعافيكم طالبتكم
اللي يعرفها اول مدخل عياله يقول
مستوى المدرسات
الادارة و القوانين
الطالبات
لاني ناويه انقل بناتي
هلا حبوبه ..
انا توني مسجله بنتي فيها وانا اخترتها لان ثنتين من اهلنا مدخلين بناتهم اهناك ووايد يمدحونها ..
ادارتهم قويه انا شفت ناظرتهم "تخرع" لووول حيل شديده بس احسن لانها مدرسة بنات ومدرسينهم الغالبيه بريطانيات
وسألت وليات امر ياخذون بناتهم من المدرسه وايد امدحوها لي وتوكلت على الله وسجلت بنتي
والله يوفق عيالنا اللهم امين
شلون الحين انا باسجل بناتي
ارجوكم اللي عنده معلومات عن المدرسة يدلي بدلوه
ابي فزعتكم
المكان أمان ولا لا حق بناتي
ما في احد يعرفها او مجربها
فرق السعر تقريبا 300 دك مع انهم اداره وحده وبينهم باب مشترك
انصدمت لما شفت المدرسات اشكال والوان …….مافى الا 3 او 4 مدرسات اجانب ولا الباجى عدى وخربطى :مصريه -عراقيه-تونسيه-اثيوبيه-جنوب افريقيا ……كويتياات ……….شالسالفه ؟؟
لو ابى كويتيه تدرس عيالى ولا مصريه كنت بوديهم حكومه ….مو طعنا في هالجنسيات …لكن مدخلتهم مدرسه بريطانيه لان ابى هالنظام والمنهج مو عشان تصير كانها مدرسه اهليه
ووقتها كنت مقدمه فى المدرسه على وظيفه ووافقوا على ورحت للمقابله …..انا كن فبالى اشتغل فى الاداره ……تدرون شنو عرضوا على؟؟؟
اصير مدرسه …….وانا تخصصى صيانه اجهزة الكترونيه !!!!!!!!!!!!! متخيليييين؟؟؟؟؟
انا رفضت و3 معاى اشتغلو …….وولا وحده منهم تربيه
طولت عليج ادرى …….بس الصراحه اللى قاعد ندفعه مو شويه وبالمقابل المدرسه لوووووووعه ……حتى حمام السباحه مشترك؟؟
بالنشاط اللى بعد المدرسه الصبيان يسبحون …..والصبح البنات ؟؟
وحتى زميل بنتى باكسفورد خواته 3 بالانجليزيه بنات ……نقلتهم الكويت الانجليزيه اللى بسلوى ق 11 ………تقول بناتها كانوا من الروضه بهالمدرسه ويموتوون على مدرساتهم ……..بس الحين كلهم صاروا عرب …..حتى لهجتهم اختربت
يا بنات منو بعد عنده تعليق هذا مستقبل يعني اللي عنده اي معلومة يقولها و اكون شاكرة
عساكم عالقوة
|
المشاركة الأصلية كتبت بواسطة sondos
 وحتى زميل بنتى باكسفورد خواته 3 بالانجليزيه بنات ……نقلتهم الكويت الانجليزيه اللى بسلوى ق 11 ………تقول بناتها كانوا من الروضه بهالمدرسه ويموتوون على مدرساتهم ……..بس الحين كلهم صاروا عرب …..حتى لهجتهم اختربت
|
كلامج صح بنات اختي كانوا بالانكليزية بنات بسلوى وكانت روعة كنت اروح احضر معاهم لما يسوون مسرحيات اشوف كل المدرسات انكليزيات حتى بنات اختي لكنتهم انكليزية بحتة بس الحين يقولي ابوهم والله لو عندي بنت ما ارجع احطها بهالمدرسة لأنها اختربت وكل المدرسات صاروا عربيات يعني بالاسم انكليزية.
السلام انا قبل علقت على هالمدرسه وبارد الحين اعلق على بعض الردود ..
شوفي اختي انا كنت مثلج حدي محتاره وخايفه من المدرسه .. ومابقى احد ما سألته عنها .. عندي ثنتين من اهلنا مدخلين بناتهم فيها الاولى كانت مدخله بناتها وبعد المتوسط نقلتهم حكومه ..
ولظروف ماديه مادخلت الصغار فيها والعام يت تبي تنقلهم على سنه ثانيه ابتدائي للمدرسه الانجليزيه بنات وماقبلوا بناتها الصغار فدخلتهم كيمبريدج وهالسنه بترد تنقلهم الانجليزيه بنات لانها وايد تمدحها وتمدح ادارتها والمدرسات
وعندي وحده ثانيه صارلها 3 سنوات مدخله بنتها وتقول اول سنتين تمام بس هالسنه يايبيلهم مدرسات عربيات وراحت كلمت الاداره قالولها لا الحين من يير1 بيدرسونها كله بريطانيات
بس تقول انها مرتاحه من المدرسه لانها اول شي مو مختلطه "وهذا اللي نبيه" وثاني شي تمدح بالناظره تقول "قشره شويه وماتغشمر" بس افضل لانها مدرسه بنات وناظرتهم انا شفتها بريطانيه
بالنسبه لاكسفورد "من عمر ومستواها مو شي" محد يمدحها مع انها مثل ماقلتي نفس اداره الانجليزيه بنات والاكاديميه العالميه .. كلهم للشايع المالك واحد بس طبعا الادارات مختلفه "اقصد بالادارات الناظره والستاف المشرف على المدرسه"
واكسفورد انزل مستوى فيهم كلهم وارخص شي والمدرسين اغلبهم عربيات
وانا بصراحه كلمت الاداره في الانجليزيه بنات وقلتلهم عن اللي بخاطري كله وقالتلي لا اللي بيدرسونها اجانب 100% على كلامها ومثل ماقلتوا احنا مو دافعين شويه وانا والله لو بنتي ماينزلونها سنه المدرسه الامريكيه جان نقلتها
وانا وايد امدحولي الغلف الانجليزيه وخذيت موعد ادخل بنتي مع انها ارخص لي وافضلي وسمعت ان مستواها زين بس العيب الاول اختلاط
العيب الثاني الصف بينفجر عدد الطلبه بالصف من 33-40 طالب too much واحس الاهتمام بيقل
واريحلي انا اذا باخليها اتكمل للثانويه اخليها من البدايه في مدرسة بنات .. ماكو غيرها الا وحده يديده بالفحيحيل ومادري شنو مستواها وبعيده عن بيتي
واذا على الاخلاق والسوالف البطاليه فموجوده بكل مكاااااااان وبكل المدارس وعسى ربي يحفظ عيالنا ويقدرنا على تربيتهم تربيه صالحه فيها منفعه لنفسهم ومهابه من ربهم وانشالله مع التقرب منهم وحبهم وعدم الانشغال عنهم انشالله باذن الله يطلعون صالحين وربي يبعد عنهم رفقه السوء وانشالله مني لين يوصلون لذاك العمر الخطر يكونون اكبر وافهم انشالله والله يحفظهم