مدرسات العربي للصف الرابع ابتدائي

مساكم ورد

ياابلات والله متوهقة
انا تعيين جديد
يبوني احضر واشرح علي طول من يوم الاحد

وانا ماعرف احضر ولا اعرف خطوات الشرح
طالبين مني اشرح لصفين
طبعا الصف الواحد حصتين في اليوم
وكل ماحبيت اكلم المدرسة الاولي مالقاها او مو فاضيه
وتقول سألي زميلاتج وراح يساعدونج
والمدرسات طاف مايبون يساعدوني
الحين متوهقة بالحصة الاولي والثانيه والدرس راح يكون " بر الوالدين مع تهنئة وتهيئة"
ابلات ياليت تساعدوووووووووووووووووووووووووووني
مالي غيركم

والله خوش رئيسة قسم !! وين الضمير استغفر الله … ليتك عندي انا سويت ورشة بعد وعطيتهم كل شي ..

أولا : (بر الوالدين) ليش ومنو قالك ؟ المنهج يبدأ بتدريبات الصف الرابع الحكايات القصص مو من الكتاب المدرسي بكتاب بروحها او اوراق تصور حسب المدرسة اذا خذوا الكتاب او لا …

ثانيا اجتماع التوجيه يوم الاثنين يبين اذا راح يحذفون التدريبات ونبلش بالدرس الاول >> انتبهي الدرس الاول وليس التدريب راح ابلغكم
شكلي بصير رئيسة قسم حق الكل

ثالثا : انتي ماخذيتي ميداني ؟؟؟ نفس الطريقة ونفس التحضير ..

راسليني على الخاص اذا في شي معين منتي عارفته وبساعدك من عيوني ابي الاجر والله …

انا رئيسة قسم عربي ولا بغيتي تستفسرين عن شي لا يردك الخجل يا غالية