مدرسات البنيييييييييييييييييييين في الابتدائي هيييييلب!! شلون تسيطرين عليهم؟؟؟؟؟؟

السالفة و مافيها……………….

إني انتقلت حق مدرسة بنين..
وباجر بباشر عندهم..

و أبي منكم تفيدوني بطرق التعامل معاهم .. اشلون اضبط الصف ؟ بدون ما يرتفع ضغطي او تحوشني جلطة !!!!!!!!!!!!

صدقوني أي نصيحة لو بسيطة راح تفيدني و راح تفيد اللي مثل حالتي

والله يجعلها في ميزان حسناتكم

الله يعينج اختي.. انا ابلة روضة وااعرف معاناة الصبيان عكس البنات.. بس الصبي ترى اذكى بواجد من البنت اذا صار فلتة فهو عبقرررررري.. الصبيان تجين معاهم بالحزم لا يمين ولا يسار .. واهم شي الحرمان يعني تحرمينه من هدية او اذا عندج لوحة حوافز تشيلين صورته والله يتحطم او انج تخلين شخصية محبوبة للاطفال بالصف مثل بارني وتخلينه يزعل من الطفل الشيطان ومايكلمه.. واستخدمي بعد التحفيز للطفل المؤدب ..

شوفى عن خبرة ماكو شيء ينفع معاهم لا طق و لا غيره الا انج تكافئين الزين و تحرمين الشين

يعنى تكلمى عادى لا صراخ و لا شيء و ابدى عادى لبدوا شطانه قولى لهم اللى بيقعد هادى و ينتبه للدرس يوم الخميس بعطيه هدية و شوفيهم بيقعدون سيده و اذا بدى واحد بشطانه كلميه بحزم مو صراخ لا بحزم خليه يعرف انتى اللى مصيطره على الموقف مو هو و شطانته و قوليله تشيطن مرة ثانية و خلاص مالك هدية و اللى ما يسمع الكلام عقبها مالج شغل فيه بس بنهاية الاسبوع عطى اللى سمعوا الكلام هدايا و هو لأ و قوليله انت ما سمعت الكلام و تشيطنت علشان جذى مالك هدية بس الاسبوع الياي اذا صرت شار مثلهم باخر الاسبوع بعطيك هدية و كافئيه اذا سمع الكلام عقبها

طبعا اذا اولى ابتدائي او ثانية لازم الفترة تقليلنها يعنى كل يومين تعطينهم شيء اوانج تحطين لوحة جدامهم و بنهاية كل حصة تحطين وجه يضحك حق العاجل و ويه زعلان من الشيطان يعنى لازم شيء ملموس جدامهم و الهدية نفس الطريقه طبعا

اول نصيحة: لا تصرخين لان محد بيتأذى غيرج واحبالج الصوتية تقطع
ثاني نصيحة:
عوديهم على نبرة صوت حازمة ولا تكثرين منها علشان ما يملونها وبعدين لما تعصبين ما يتأثرون
ثالث نصيحة:
حطي في بالج انهم اطفال ولازم تضحكين في ويههم بين فترة وثانية
رابع نصيحة والاهم:
اذا لقيتي واسطة انتقلي حق مدرسة بنات ولا تنقردين مثلي

ومبارك عليكم الشهر

من اول يوم دشي عليهم نفسيه

وخل يعرفون انج عصبيه واتخرعين

والله الصبيان اذا ما صرتي معاهم جذي اصعدوا على راسج

خليهم يخافون منج

خزيهم عطينهم النظرات الي اهيا

بس اول اسبوع لا تخلينهم حتى يتنفسون

ولما اتحسين انهم قاموا يخافون منج عاد ابدي شوي شوي اتخففين من هالاسلوب

==

طبعا انا اعطيج نصيحه و وودي اطبقها على نفسي قبل بس ويهي ما يساعد و صوتي بعد

انا مع انسام الربيع في كل كلمه قالتها

والله يوفقج

اول ماتدشين عليهم لاتعطينهم ويه وابدي معاهم بأسلوب الاوامر خل يعرفون انج عصبيه ولاتتساهلين معاهم والله يعيننا ويعينج

ماقصرتوا بنات

و الله يعطيكم العافية ..

آزرتوني .. و حسيتوا بمعاناتي ..

و ان شاء الله بطبق هالنصايح ..

و ان شاء الله تنفع .. و اللي عندها نصايح ثانية تزيدني