مدارس الاحتياجات الخاصه

السلام عليكم …

قلت نسوي موضوع نكتب فيه عن المدارس و الحضانات مميزاتها و مساوئها ..

ولدي فيه صفات توحد كان في مدرسه هوب ..المدرسه اول سنه كانت وايد ممتازه و فيها امكانيات مع انها توها فاتحه …بس ثاني سنه اختربت و صار اهم شيء عندهم الفلوس ..مو بس اهم كل المدارس الخاصه عموما..

هالسنه دخلته التربيه النموذجيه و لله الحمد اول مره اشوف هوم وورك حق ولي و انشكه و اشياء تبرد القلب ..و قاعده الاحظ تطور على ولدي

اتمنى كل ام تكتب لنا عن تجربتها مع المدارس و الاخبار عن النوادي الصيفيه و الدورات و المعالجيين…علشان نفيد و نستفيد

و عسانا كلنا على القوه لخدمه اعيالنا

بظهر مدرسه هوب ..اسمها بالانجليزي ايديل سكوا

بظهر مدرسه هوب ..اسمها بالانجليزي ايديل سكول

انا ولدي الله يشفيه ويعافيه عنده شلل نصفي يعني ما يتحكم في نفسه ويستخدم الكرسي المتحرك والحمدلله الحين هو
يدرس في مدارس التربية الخاصة مدرسة الرجاء وبصراحة المدرسة زينه ويعطونه حصتين في الاسبوع علاج طبيعي
وعندهم طبيب اسنان في المدرسة يعالجهم بدل ما يروحون الصحة المدرسية والخدامة تقعد معاه بالمدرسة

عدسات ملونة – المدرسة شلون ادارتها في التعامل مع اولياء الامور وهل عندهم اخصائيات نفسيات شلونهم مع الطلبة كتعامل

السلام عليكم .. انا اختي بالتربيه النموذجيه صارلها حول ال 12 سنه معاهم من الروضه يعني ماشاء الله المدرسه ممتازه والاداره احلى والمدرسين تمام مو حاطين اي ناس

وبالنسبه حق النوادي يتلها فتره يشركونها عند عبير2 بس هالسنه والي قبلها لا قمنا ندخلها نادي المدرسه نفسها لانها كبرت ومانبي نخليها عند اي احد ولا ان تختلط ويا الشبابب التوحديين وبعد تكرمين بالنسبه حق الحمام وهالشغلات عالاقل بالمدرسه هذيل اهم نفسها الي وياها بالدوام العادي

والحمدالله بالنسبه للتطور الله كريم اهي صج فرقت علينا والحين قامت تعتمد على نفسها اكثر يمكن بعد العمر يأثر وبدت اشوي تخف شطانة المراهقه بس للحين نخاف عليها لانها قبل كانت هاديه الحين بسم الله عليها نشاطها زاد وعلى بو كلشي تبي اتسويه بروحها تجازف بنفسها مره جاكينها داخله المطبخ وماخذه السجين الكبيره مالت اللحم وتبي تقص فيها سلطه
الله حفظها

الحين البيت كلشي عندنا مقفل نمشي وانبطل هالباب نقفل هالباب كلشي بأجره

احس قرقت وايد وطلعت عن الموضوع بس انشالله اكون فدتكم بشي

الله يشافيهم ويصلحهم ويهديهم

مافيه مثل مدرسة خليفة للاحتياجات الخاصة

رووووعة
خامس سنه ولدي عندهم

شنو ستاف ورعاية

الله يشافي عيالنا وعيالكم..

اناولدي اول سنه له بالمدرسه النموذجيه, ماشاء الله عليهم صج يهبلون ولدي الحين تغير علي باشياء وايد صج يهتمون بالطالب عدل, الحين شوي شوي قام يكتب بروحهوقام يتكلم ويتحاور معاي اكثر من قبل, حتى اهو اول ما يحب المدرسه وما يبي يركب الباص عشان بروح لها, الحين ينطر الباص مناطر الصبح عشان يروح مدرسته..

حبيبتي كلمينا عن مدرسته اكثر, نبي معلومات عنها يعني اهي حكميه ولا خاصه, عربيه ولا انجليزيه ببلاش ولا المجلس يدفع لها..

up up

اختي farawla الادارة انا اشوفها زينه وبعدين المدرسة ثانوي ومتوسط وابتدائي كلهم مع بعض بس كل مرحلة لها جناح خاص
والابتدائي عندهم الناظرة والمدرسات والمتوسط والثانوي عنهم الناظر والمدرسين وفيها باصات للتوصيل لكل مناطق الكويت انا اودي الشغالة
مع ولدي تدزه بالعربانة وفي امهات يقعدون مع عيالهم طول اليوم طبعا بالحصص لا في غرفة خاصة للامهات والدوام ينتهي الساعة 12ونص
لكل المراحل واذا ابي اي شي اروح للاخصائية الاجتماعية متعاونة ومتفهمة

مشكورة عدسات بس المناهج شنو مخففة ولا نفس المدارس العادية وهمن يعالجون مشاكل سلوكية للطلبة او لا

خواتي المدرسة حكومية ويسمونهم مدارس التربية الخاصة والمناهج نفس المدارس العادية بالنسبة لمشاكل الطلاب بصراحة ما ادري بس اكيد الاخصائين يحلونها

مشكورة علي الموضوع الرائع ..

انا ولدي بمدرسة التربية النموذجية للاحتياجات الخاصة في الفحيحيل

مستواها تحت الصفر اقسم بالله لما دشيتها حسيت اني مو بالكويت كأني بحي في مصر !

شيء مو طبيعي مستوي اي شيء ودراسة خربوطة صراحة لازم تتصكر لانها دون المستوي

واضطريت احط ولدي فيها لانه صكر التسجيل في المدارس الثانية وما حبيته يقعد في البيت عالاقل لو يغير جو

الحالة حالة الله وحده يعلم فيها

وعسي الله يشافي وليدي واعيالكم والجميع اللهم امين