|
|
السلام عليكم اخواتي كويتيات
انا من اشد المعجبين بهذا المنتدى ومسجله فيه من فتره طويله بس مشاركاتي قليله ومتابعه له وايد وبالآخص منتدى الحياة الزوجيه
حبيباتي انا عندي مشكله ماادري والله هي مبيره ولا ماادري شنو اسميها
انا متزوجه من 6 سنوات وعندي 3 اطفال زوجي الحمد الله رجال بمعنى الكلمه يحبني ويحترمني واحلى المعامله اشوفها منه الحمد الله طبعا لازم المشاكل بين الزوجين تصير بس طبيعيه بيننا
اول شي هو على طول حاط في باله اني للحين صغيره بحكم فارق السن اللي بننا اكبر مني ب10 سنوات تزوجني وانا عمري 16 سنه وهو 27 سنه والمشكله هنا ان مابيننا حوار كلش كلش بنتكلم ولا بنتناقش في مشكله عند اهله هو بس اهلي مايحب طاريهم او يغار منهم ماادري والله او الموضوع عن العيال وبس انا ودي اسولف له عن مشاعري واعبر له عن حبي له بس استحي واذا قررت بتكلم معاه بموضع يحصنا من اشوفه اسكت ويرنبط لسان وطبعا اذا شافني زعلانه ولا متضايقه يسئلني وش فيك ا قوله مافيني شي طبعا هذا الرد على طول معي
ثانيا انا اللحين من لقافتي وياليت مانظفت درجه الخاص فيه شفت دفتر حلو عجبني اخذته وجلست اتصفح فيه الرجال كاتب كل ذكرياته فيه طبعا زوجي الحمد الله ماعنده خرابيط ولا علاقات من ضمن اللي قريته صفحه مكتوب فيه (سري للغايه )تقريبا 13 صفحه قريتها كاتب فيها قصته بزواجي منه اول صفحتين طرت من الفرحه على ان هو طلبني بالاسم وانه يحنبي ومن وانا صغيره
وكاتب مواقف كانت معاي وانا عمري 10 و9 سنين بس بعدها قريت انه تزوجني علشان عمي وخالتي ورضاهم وذكر موقف حلو لامي وابوي كان معاه وبعدها كتب اني امشي ورى كلام امي وخواتي وان امي تشيشني عليه بان مااعطيه مصروفي من ابوي وان امي تقول ان هو لعب علي وباع ذهبي مع ان انا من نفسي بعت الذهب له هو وطبعا هذا الكلام كله كذب والله والله والله ان امي تمووووووووت فيه وتعزه اكثر من ازواج خواتي وتداريه لانه هو ولد اختها واذا جابيت اهلي طلباته اوامر حتى انا اغار منه اذا راح معي هناك ماادري ليه كاتب كذا على امي والله انهو ظاالمها ظلم وظالمني انا بعد ذكر صفات اصلا اهي مو فيني وربي شاهد علي
اللحين ابي منكم تنصحوني ارسله رساله اعترف له اني شفت الدفتر وقريته ولا لا
طبعا مستحيييييل اواجهة وجه لوجه واقول له لاتحطون ببالكم انه ممكن يضربني ولا يهاوشني لان مايسويها اعرفه بس ممكن يزعل ويحقرني ويطنشني
ساعدوني وربي مااشتكي لاحد انا مو جايني نوم ومقهوره من كلامه علي وعلى امي
جان ما اقوله اني شفت الدفتر ،، يمكن يوزني ابليس واستغل هالدليل لشي واحد بس
اني اطل عليه واقراه من فترة لفترة عشان اقرا شنو اهي اخطائي واصلحها وما اضل مثل ما انا
انا قلت يوزني ابليس
لسبب
انه هالشي من خصوصياته ومالي حق اقرى مذكرتاه
بس اذا فيه فايده لمعرفة أخطائي وتصحيح مسار حياتي الزوجية
ممكن استفيد من هالوسيلة لصالحنا احنا ال 2
الاول والأهم رااح يقووولج ليش تفتشيييين ومن هالكلام ويمكن تسير مشااكل لاسمح الله ,,
الثاني : مثل ماقالت مي عشااان بعدين لما تقرينه تعرفين مشاااعره أو أخطااائج *_*
والله يسخره لج ويهنيكم
خلي الدفتر وصلحي اخطايج وقولي ان امج تمدحه دووم وتحبك وجذي من هالحجي عشان يغير فكرته وربي بيصير النوت عامل ايجابي بيحاتج وشكله ريلج يحب الكتابه يعني اذا بتعبرين له عن حبج كتبي له ورقه بلي بخاطرج وحطيها بالسياره او مكان يقعد فيه بروحه عشان يشووفه وبسسس والله يوفقج وويسر اموورج
لاتفكرين تقوليله عن الدفتر
وهذا شي يمكن الله يبيج تعرفين شنو نضره زوجج لج
كل منا فيه عيوب
بس نصيحه لوجه الله حاولي انج ماتجبين طاري اهلج لاامج ولاابوج
والكــــــــتاب صدقيني صج انه الكلام اللي فيه يعور بس احمدي ربج انج عرفتي شنو في بال رجلج بدوون مايدري وهذا شي حلو
والرجال يبي البنت اللي تسمعه حتى لو كاان شي عادي حاولي تكونين مستمعه له اكثر من
بس حاولي من طرفك انج تغيرين نظرته عن امج
وان امج دايم تمدحه وانه تعزه وتثق بكلامه
يعني انت حط نفسك في مكانه وان اهو قرا مذكراتج ما راح تتضايقين خصوصا اذا انت كاتبة شي عن احد من اهله على سبيل المثال
بس ماادري انا مثل المصدومه فيه كان في بالي انه يحبهم زي مااهم يحبهم لان تعامله معهم غير
وبنفس الوقت لمااجيب طاريهم يتغير شكله واصلا مايرد على ولا بكلمه
انا ودي يعرف اني عرفت شعوره اتجاههم ويعرف بعد انه يفكر فيني بهذي الصفات
مدري مدري والله مقهوره
وحاولي تعدلين صورة اهلج جدامه لان لو اعترفتي انج شفتي الدفتر ما راح يصدق ان اهلج يحبونه بقول بتعدل صورة اهلها عشان شافت اللي كاتبه
والله يهنيكم
عدلي من الصفات الشينه وسوي عكسها
قولي لمن كنت عند اهلي امي تمدحك حيل وتقول لخواتي فلان احسن نسايبي
وشوفي ردة فعله!
ياخبر اليوم بفلوس باجر يصير ببلاش.
تعالي صج اذا الدفتر مو مخشوش عدل شدراج يمكن يبيج تقرينه وبالتالي يبيج تتغيرين أول بأول !
تهقين!
حبيبتي لا تقولين له اي شئ وعادي اهم شئ انه يحبج