محتاره مو عارفه التصرف الصح

السلام عليكم

شهر 9 اكمل سنه من زواجي .. زوجي باين عليه خلوق وماعنده خرابيط الحمدلله بس صار موقفين وبصراحه بديت اوسوس ويمكن اشك .. الموقفين مابينهم مده طويله تقريبا اقل من شهر واخرهم من يومين

الاول كلمني ريلي وقالي وصله برايفت تويتر قالي لا تقرينه دليت ع طول هذا واحد من ربع وكات كلام وصخ ماحب تقرينه لان انا ادش تويتر من اكاونت ريلي وعادي عنده المهم قريت المسج من الفضول لان نك بنت وهذي مو اول مره تدز له بنت بس مايرد عليهم ويقولي .. الكلام جدا جريء توقعت رفيجه والكلام سب بس هذا شي ثاني اسمحلي ع الكلمه بس متعلق بالجنس اللي خلاني امشي السالفه واصدق ان قالت لقبه بين ربعه واهو قالي بعد ماسالته ان هذا فلان ويسوي مقالب بالربع شكيت شوي بالبنت موفيه لان كاتبه بالبروفايل وين تدرس .. طوف ونسيت السالفه

الثاني من يومين انا متعوده ادز له صور بالواتس اب واغير خلفيه الفون من غير مايدري دشيت الواتس اب لقيت كاتب لواحد "وينج يا حيوانه" (السموحه ع الكلمه) استغربت الجات كله ملغي بس اللي كاتبه ورفيجه مارد عليه تعوذت من ابليس وخليت الفون ولايدري ان شفته من الصدمه ماعرفت اتصرف كنت بكلمه بس خفت يقلب السالفه علي ويطلعني غلطانه .. اليوم دشيت الواتس اب اتطمن واشوف شنو رد عليه عشان اعرف منو لقيته ملغي الجات

محتاره مو عارفه شنو التصرف الصح ماقدر اتكلم الحين لان ماعندي اي دليل ولو طلع الموضوع صج راح اوصلها للطلاق لان الثقه لو تهزت في يوم صعب ترد وراح اظل عايشه بشك وعدم ثقه

تصرفاته كلها تقول ان ماعنده خرابيط او يمكن حركه ذكيه منه .. دايم ينتقد اللي يخربطون خصوصا المتزوجين ودايم يقول اللي يخربط اكيد زوجته مثله لـدرجه يدعي الله يفضحهم لانهم خانوا ثقه اهلهم

السموحه الموضوع طويل بس حبيت اوضح لكم الصوره كامله لان ابي رايكم

حبيبتي الله يسخره لج
اب لعبونج

رايي

طول ما هو زين لا تخلين الشيطان يدخل بينكم

ولكن اي ملاحظه عندج عليه

لا تترددي انك تسالينه من باب حسن الظن

من تقصد بالمسج؟؟؟

هل هي صديقه قديمه ومازالت تزعجك<<<وغالبا هذا الصح

عزيزتي باختصار

هناك شباب تزوجوا ….واستقروا …وحبوا زوجاتهم….وهم مخلصين مثل الشخصيه اللي عندج

بالمقابل هناك بنات ابليس …يحبون الشر وزرع الفتن ….ويدورون خراااب البيوت ……

فلاتعطين هالاشكال فرصه تغضبك

هو يعرف يتخلص منهم بطريقته

خليج بعيد ….طول ما هو مشاركج بتوتر وبجهازه فهذا انظف وانقى من الشك فيه

فوفو

حبيبتي صارحيه وكوني واثقه فيه لو شو ما صار والله يبعد هالوساوس الي ببالج
ويسخركم ويهنيكم العمر كله يارب^___________^

كلميه باسلوب حلو وطريقه ذكيه منج لاتخلين الموضوع يتحول لهوشه لان لو مافاتحتيه بتعيشين بشششك ووسواس فاتحيه وارتاحي الله يسخره لج

هلا بيوره
شلونكم ي عرايس سبتمبر

ع العموم بخصوص ريلج لاتخلين للشيطان طريج بينكم

اهو لو فيه بلا جان ماخلاج تمسكين تلفونه … او تدخلين للتوتر

بس يمكن هذا ماضي او وحدة تتحرش فيه … او واحد من ربعه داز له وحدة يبي يبلشه ويمشكله وواايد اعذار والدليل كاتب لها ( حيوانة ) عزكم الله

اللي عليج تحسسينه بالثقة دايما وبنفس الوقت تخلينه يحس بتانيب الضمير بمجرد انه يفكر يسوي شي غلط

ممكن تكلمينه عن قصص او سوالف صارت للريايل خانوا حريمهم او ان الريال حرام يدخل التوتر ويضيف بنات وجذي

عسى الله يسهل اموركم ي رب

دام ماكو دليل واضح ماله داعي انتي ادخلين الشك فيج فعلا راح يوصلج للهلوسه وطريج ماله اول وتالي . .

الله يسخره لج يااااااااااارب

واحاى اب لعيونج
ومثل ماقالوا البنات لا تخلين يوسوس لج ابليس

مشكورين وجزاكم الله خير

اليوم فاتحته بالموضوع كنت متردده .. كنا نتكلم عن الحب والثقه وقلت له الزمن ماله امان استغرب كلمتي وصارحته بسالفه المسج قالي هذا فلان نفس اللي دز لي برايفت بتوتر ( انا ماذكرته بتوتر كلش ) و قالي شوفي كلامي معاه بيبي ام

الحمدلله تطمنت لان كنت خايفه اخسر الثقه اللي بينا

كلاااام سلييييم ميه بالميه

الحمدلله انج تطمنتي
الله يخليه لك ويبعد عنك وعنا عيال الحرام

لا حببتى اياك ان تهدمى بيتك وحياتك
استعيذى بالله اولا
ثم تكلمى معه
شوفى ان كنتى مقصرة بشئ مثلا
او هو مقصر

وصدقينى ما هتشوفى الا وجع القلب لو استمريتى تراقبينة

الحمد لله حببتى وعيد سغيد

..

الحمدلله يااارب ..

دايما ادعي ربج يسخره لج ويبعد عنكم المشاكل ..

وكلي أمرج لله ولا تحاتين شي واتدخلين بينكم الشيطان خااصة إنه زوجج امبين عليه محترم ..

الله يوفقكم ويهنيكم ..

..

صراااحه فوفو ينطبق عليها خير الكلام ماقل ودل ماشالله عليها
مع فوفو طبعاً