محتاره بين تدريس الايتدائي والمتوسطه ابي راي سديد قبل لا اكلها

السلام عليكم

انا تخرجت ولله الحمد من التربيه الاساسيه تخصصي علوم

موضوعي هو

ان محتااااااااااااااااره بين تدريس ابتدائي او متوسطه

لا تقولون ما يصير انا سألت وقالوا في نقص بالمتوسطه وصايرين ياخذون اجباري بنات الاساسيه لتدريس المتوسطه

وقالوا لو رحتي وقلتي ابي متوسطه راح يرحبوووون فيج

المهم

انا ميداني كانوا صبيان وحدي تعقدت مابي ادرس صبيان كلش ابي انحاش بعمري وبنفسيتي وصحتي

طبعا ابتدائي بنات فل وخلاص الحين كل التعيين بكون صبيان

مااااااااااااااااااااااااااااااااااااااااااااااااا اابي صبيان

مشكلتي هي :

محتاره

بين تدريس المراهقات المتوسطه

وبين الاطفال الابتدائي سواء كانوا صبيان او بنات

انا احس احب ادرس الكبار واحب هالاعمار اللي بين 11 و15

ماحب الاطفال اللي من 6 لي 10

صراحه منهج الابتدائي سهله دروسه بس المشكله يبون ادوات ووسائل بهرجه وجذب للتلميذ بدرجة مبالغ فيها يعني تدشين المختبر معاج جناط خخخخخخخ وضروري اصير مهرج وارقوز ولا اكون ابله فاشله

اما المتوسطه ( حسب كلام وحده ) يبونج تشرحين بس ماله داعي وسائل وبهرجه نفس الابتدائي
بس يبيله تقرين الدرس عدل وتفهمينه جنه كل مره تدرسين لأمتحان..

تكفون يا ابلات المتوسطه فيدوني شلون تدريس البنات المراهقات بغض النظر عن التخصص اذا كنتي مو علوم……..

خايفه ادرس بنات متوسطه واتحسف لان ماعرف اتصرف معاهم ولانه سن خطر

واخاف ادرس ابتدائي واتحسف لاني ماحب الاطفال احس اني سخيفه وانا اصغر عقلي

ابي تجاربكم…………………………

ضروري ردودكم عشان قبل ما التعيين

والله ولي التوفيق

اب
اب

انا اول ما تعينت خيروني بين متوسط وابتدائي بصراحه اخترت ابتدائي وقالوا لي مافيه وقعدت بالبيت سنة كاملة بس عشان الابتدائي
بصراحه انصحج بالابتدائي مادتهم خفيفه صج التدريس تعب شوي بس اهون من التعامل مع بنات المتوسط المراهقات

متوسطة وانتي مغمضة..
الابتدائي مناهجهم سهلة بس شلاع قلب..

الله يكتب لج اللي فيه خيرلج

يا ريت حبيبتي توضحين اكثر من خلال تدريسج لهل مرحله؟؟

شنو الصعوبات اللي واجهتيها بتدريس المراهقات؟

شنو الاشياء اللي حببتج بتدرسينهم؟

واكون لج شاكره

ماعندي فكرة

انا ابله روضه

يعني ما عندي خبره عن الابتدائي ولا عن المتوسط

بس وجهة نظري اشوف انه المتوسط احسن

و ان شاءالله ابلات المتوسط يفيدونج

متوسططططططططططططط

واللي يعافيكم بنات ابي تقوليلي ليش قلتي متوسط احسن هذا مو اختاري الاجابه الصحيحه ابي سبب كتبي لي من خلال تجربتج

بليز ابلات المتوسطه اهم اللي يقررون اذا تدريس المتوسط زين او لا او عالاقل تذكرلي الايجابيات والسلبيات … مابي وحده مو مدرسه تقولي متوسطه احسن عن عدم خبره واللي يعافيكم

اب اب اب

آنا ما أنصح بالابتدائي للمواد الأساسية. بنات يجونج عالزيرو حتى القلم ما يعرفون يقضبونه, و كل وحده تبجي من صوب. و وسائل كثر شعر راسج.
هذا بعد إذا ما حطوج صبيان, و ما أدراج ما الصبيان إذا كنتي بمحافظة مبارك الكبير

المتوسطة مناهجهم حلوة ومو ذاك الصعوبة

المتوسطة مراهقات يعني تقدرين تشكلينهم بإيدج وتاخذينهم بالمسايس عكس الابتدائي الي ما تضمنين حتى الهدوء بالصف لأنهم يهال

انا مدرسة ابتدائي (بنات) بس مو علوم, انجليزي
الصراحة تدريسهم نفسه سهل ما كو شي, بس يبون وسائل لي الراس.
الهدوء بس اولي و ثانية راح تعانين اول شي لانهم صغار (بس يهبلون والله براءة )
بس مادري ليش تقولين تصغرين عقلج ما فهمت هالشي , شرحج مفروض مبسط و بطريقة يستوعبونها و راح تلقين الموضوع سهل
انا اداب مو تربية يعني ما خذيت تربية عملية و درست من اول اسبوع , انتي يتراوالي بيكون وضعج احسن

و على فكرة – للأسف -الطلبة على حسب المحافظة (اقصد الشطانة)

و لا تخافين – استخيري و اختاري
قود لك

يعطيكم العافيه كلمكم

اب اب اب

ابي اراء بعد واللي يعافيكم

انا اللي جاذبني بالمتوسط مايبون وسائل وبهرجه وشغل واجد

والي جاذبني بالابتدائي مناهج سهله ودروس قصيره

مادري صراحه

السلام حبيبتي ..
عشان أساعدج تقررين ، لازم تعرفين الفرق بين الطالب بالمرحلة الابتدائية ، و الطالب بالمرحلة المتوسطة.

بالنسبة لطالب الابتدائي :

انتباهه قصير بالحصة – ذاكرته بمرحلة التطور لكن تزول بشكل دوري – القدرة على التركيز تختلف من طالب لآخر – الشغل يجب أن يكون له معنى و سبب بالنسبة للطالب – يحب الطالب التكرار – يحب المشاركة – لا يتشجع في حال كان النشاط صعب – سهل تحفيز الطالب حيث يستمتع بالاكتشاف و البحث – يحب الموسيقى – خيالي و يحب التمثيل المسرحي – يفتقر للخوف من ناحية السلامة و الأخطار المحتملة – دائماً يسأل "لماذا؟" – يحب الكلام.

تأثير اللي قلته فوق على التديس :

لازم يكون في تنويع بأنشطة الفصل – التدريس خطوة بخطوة – أنشطة جماعية

بالنسبة لمادتك (العلوم) ، أتوقع راح تستمتعين مع الطلبة في نقطة الاكتشاف و البحث

بالنسبة لطالب المتوسطة :

القدرة على الانتباه في ازدياد – لديه فضول و يحب أن يسأل كثيراً – الرغبة باستعمال اللغة و المنطق للتعبير عن نفسه – تفكيره مشغول بالتغييرات التي تطرأ من الناحية الجسدية – يمكنه استيعاب مفاهيم صعبة – اقل انانية – اكثر استقلالية – يشعر بالحباط سريعاً و لديه حاجة للشعور بالنجاح – أحيانا يبين العدائية حيث انه يعاني لكي يحدد شخصيته – يحب المنافسة – يحب ان يشعر بالقبول – يكون جماعات groups – مرحلة تطور مفاهيمه من ناحية الصح و الخطأ

تأثير ذلك على التدريس :

نشاطات اكثر صعوبة – تشجيع الحصول على معلومات مفيدة – استخدام المنطق – تشجيع العمل الجماعي – تشجيع القيادة leadership – استخدام انشطة تجعلهم يشعرون بانهم ناجحون – تشجيع المنافسة – تشجيع على مهارات الحياة مثل اتخاذ القرار ، حل المشاكل ، و هكذا .

اذا تحبين تفيدين الطلبة من ناحية النشاطات اللي تكون تنافسية ، ف راح تستمتعين بالمتوسط

ان شاء الله اكون فدتج