|
|
السلام عليكم ورحمة الله وبركاته ..
انا تخرجت هالكورس وبتوظف بشهادة بكلريوس " تربية " يعني مدرسة
عاجبني تخصصي ولو انه متعب لكن راضيه عنه بس انا من زمان طموحي مو وظيفة وراتب ودي ادرس بعد بس بتخصص ثاني لانه تخصصي عندهم اكتفاء وانا اصلاً مابي أكمل فيه 
ياليت تنصحوني اي واحد له مستقبل اكثر اذا بكمل دراستي مابيه حق وظيفة
الإنجليزي وهو اكثر واحد اميل له لانه كان من قبل ودي أدرس انجليزي واحس لو ادرسه ماراح اتعب لاني حابته ومستواي زين فيه بس ودي بشهادة بس السؤال اللي يطرح نفسه ايه احس تربية انجليزي او آداب ؟ ابي المطلوب والنادر مو الأسهل يعني لو ابي اكمل ماستر ودكتوراه شنو يبون تربية انجليزي ولا آداب ؟ وهل اقدر اعادل مواد التربية لاني انا خريجة تربية اصلا ً ؟ اللي يعرف بهالخصوص ياليت يقولي
التخصص الثاني اللي بالي الكمبيوتر لانه اشوف نفسي اعطي فيه حييل .. لي خبرة بالصيانة والبرمجة لكن مو تخصص فقلت لو اتخصص فيه وادرس ماراح يتعبني لكن المشكلة انا ادبي وميولي ادبيه حتى النخاااع … واللي اعرفه بالبرمجة لازم يعطونا كالكولس ومواد رياضيات وانا اكره الرياضيات كلش ما امشي فيه .. بعرف الحين اللي تخصصها كان برمجة او نظم معلومات تقولي شنو مستوى الرياضيات عندهم ؟
الثالث طرا على بالي لانه له علاقة بتخصصي انا تخصصي رياض اطفال فقلت لو اتخصص علم نفس راح يعادلولي مواد التربية ومواد من الرياض اتوقع .. شرايكم بعلم النفس في مجال اكمل فيه لو معدلي 4 نقاط ؟
بنات شوروا علي بليز والله محتاره 
ماعمري احترت بشغلة
|
المشاركة الأصلية كتبت بواسطة عالي مستواها
 الإنجليزي وهو اكثر واحد اميل له لانه كان من قبل ودي أدرس انجليزي واحس لو ادرسه ماراح اتعب لاني حابته ومستواي زين فيه بس ودي بشهادة بس السؤال اللي يطرح نفسه ايه احس تربية انجليزي او آداب ؟ ابي المطلوب والنادر مو الأسهل يعني لو ابي اكمل ماستر ودكتوراه شنو يبون تربية انجليزي ولا آداب ؟ وهل اقدر اعادل مواد التربية لاني انا خريجة تربية اصلا ً ؟ اللي يعرف بهالخصوص ياليت يقولي
|
الإنجليزي بالتربيـه وآيد أحســــن وأسهـل من الآدآب
ودي آجـآوب عالبـآجي بس هذا اللي أعـرفه والله
إن شآء الله البنـات بفيدوونــــــــــج .gif "Eh S(6)")
انا بعد كان خاطري فيه
انتي تخصصج انجليزي ؟
وصج نسيت اقولج ع البركه التخرج والفال لنا<<قولي امين
شوفي حبووووووووووبه كل التخصصات اللي اخترتيهم كل واحد احلى من الثاني
بس بما اني احب الانقلش<<بس مالي نصيب ادشه
ق انصحج فيه
لان واايد حلووووووووووو من كل الاتجهات
يعني مميزاته اكثر من عيوبه
وانا صراحه حاطه في بالي بعد التخرج اني مشتهيه اكمل ترجمه<<واااااااااااو احلى شي بالنسبه لي
وبالنسبه للحاسب اهو صح حلو بس ميوووووووله حق العلمي اكثر فممكن تزهقين منه بعد جم كورس
وبالنهايه الخيار لج وان شالله اني فدتج من غيبر عوار راس
مره كنت اسولف مع رفيجتي واهي تربيه عربي عن الدراسات العليا تقول اذا خريجه تربيه تتخصصين للماستر سوالف التربيه مناهج و مجالات التربيه..
اما اذا كانت عربي اداب فتخصص بنحو ومبمجالات العربي..
اتوقع الانجليزي ينطبق عليه مثل السالفه..
والله يوفقج يارب..
الله يبارك فيج عئبالج ان شالله
مرسي الجوري .. ورونه يعطيج العافية
كلكم اتفقتوا على الإنجليزي .. ان شالله الله يكتب اللي فيه خير .. وأخيرًا بحقق حلمي 
انا برايي تكملين بالاداب احسن
بالاداب راح يكون انجلش 100% يعني تكملين بمجال الانجليزي جذي يعني
واتمنى تكونين فهمتي علي لاني احس خربطت بالحجي
وسؤال اخير : انتي خريجة تربيه اساسيه ولا تربيه (جامعة الكويت) ؟؟
وموفقه حبيبتي
اما علم النفس ماانصحج في لان احس انه مومرغوب كثر الانجليزي
واخر شي اهوا الكمبيوتر بصراحه وايد معقد انا تخصصي رياضيات متوسط وثانوي بالجامعه وكان مطلوب مني ماده بالحاسوب ومستوى 100بعد واسهل ماده عندهم طلعت روحي يالله خلصتها من صعوبتها واخت رفيجتي كان تخصصها حاسوب بالعلوم واطلعت من الجامعه من صعوبته العلمي موماشيين في شلون انتي بتمشين في وانتي ادبي والحين الناس لي بغت تدرس حاسوب تروح التكنولوجيا لان واايد سهل وبعدين يكملون بالجامعه المفتوحه وياخذون شهاده
مدام انج زينه بالانجليزي روحي انجليزي اما بالنسبه حق الاداب ولا التربيه انا اقول تربيه لان لما تكملين ماستر ودكتوراه تقدرين تكملين بالتربيه والاداب بعد صلي استخاره والله يسهل ان شاء الله
اللي فهمته من كلامج إذا كنت خريجة تربية " سواء عربي او انجليزي " مالي مجال اكمل إلا باصول التربية والمناهج ، وإذا بتخصص باللغة لازم أكون خريجة آداب .. صح ؟
جذي ماراح استفيد شي لو اتخصص تربية انجليزي ماراح اقدر اكمل بالانجليزي
لوقن .. شكرًا على النصيحة .. صفيت على الإنجليزي الحين واميل للآداب أكثر لاني احب الروايات والقصص الانجليزية
انا مو مستعجلة ماراح اسوي شي الحين بسجل مع العام الدراسي الجاي لكن قلت احدد اللي ابيه
يعطيكم العافية بنات ميرسي بكوو
والفال لنا ان شاء الله انتخرج ولو انهم يقولون الجامعه افضل من
انج تخرجين؟؟؟؟؟؟؟
لكن هم بعد نبي انتخرج هههههههههه