|
|
انا زوجة الولد الكبير و من بعدي أربع من حريم الحموان المهم حمولتي جيدة نوعا ما و زلقت و ايرات و سببو لي مشاكل بس على كثر ماسببو عمرههم ما اسمعو صوتي و لا أطول الساني يعني اذا شفت شي كدر خاطري اصك علي بابي المهم مرة قطعتهم حول 7 شهور و من كثر التفكير في الحمولة و الخوات و انا يتيمة ام و اب عرفت ان الحمولة و الخوات مافيهم خير و ان الدنيا مصالح المهم يوم مرضت و فترة ماشفت الحمولة يوم اسمعو من الناس اني مريضة جوني و قالوا الدنيا مافيها خير المهم رجعت لهم بس يارب ما احس مثل أول عقب اللي شفتة عرفت ان مافية حب فية فقط مواجيب الحين احس لما اروح وايد اضحك و اسولف و اتكشخ و صار لساني حلو بس الي احاتية هل انا صرت منافقة و لا الحياة تبي جذي انك تدوسين على القلب و صيرين قوية
وهذا الشي الزين … والله الحين نادر تلقين اللي فيه خيرر وصج على قد ماتعطين تحصلين شر ماينفع بعين احد ابد
ودام انهم جوج خلاص خليج على وضعج ومثل ماقالتي لسانج الحلوو استمري فيه ياقلبي بالعكس لاانتي منافقه ولا شي
بس ها الوقت ما يشمي مع الناس الا جذي
انا اعرف وحده مثل حالتج بضبط والله طنشت الكل ياهلا ومرحبا وبس
وياهم وسولفي وضحكي ولادشين بتفاصيل حياتهم عشان
لايتجرئون عليج هذي الدنيا حبوبة ماشية جذي
موحلو القطاعة وعشان تكبرين بعين ريلج
وطلعي كلشي من قلبج تري الدنيا ماتسوي
وعامل الناس كما تحب ان يعاملوك
لاتقربين حيل وتطيحين الميانه
ولا تقطعين مره واحده
هذيلا حمولتج صج
بس اهل لبناتج وعيالج
منو يفكر انه ياخذ بنتج ان قطعتي باهلها
اذا اهلها قاطعتهم اكيد بتقطعنا من ولدنا << هذا تفكير المنطق
عاد مو نفاق بس حاولي تكسبين اهلج ( حمولتج )
لا تقوليلي فيهم وفيهم
خلاص ياماما
هذيلا اهلج ومالج الا خشمج لو انه اعوج
يعني مو بكيفج تبدلينهم
وصيري احسن كنه
وترى الكنه السنعه هي اللي تكسب خالتها
لا هنتي يالغاليه
ودامج سالتي معناته ودج بالزينه
الله يوفقج لما به الخير والصلاح
وانصحج بكثره الاستغفار والتسبيح ترى توسع الصدر
وتستاهلين السلامه حبيبتي
شدعوة اللي طايحة عنداهل زوجها ضحك وغشمرة يعني تحبهم وتموت فيهم
واللي توجب اهل زوجها تسوي هالشي لانها سنعة مو لانها تحبهم
يعني على شان عين …….. على شان زوجج وعيالج احترميهم ووجبيهم
ترا مالج الا الاهل يعني انتي تقولين يتيما
يعني مالج الا الحمولا