محتاجه لنصائحكم بخصوص الخطبه بليززز it’s my first time"

قوه بنات
انا محتاجه لنصائحكم بخصوص الخطبه
الانه انا مااعرف شنو الشي الي مفروض والي مو مفروض اسوي في وقت خطبه لما اقعد مع الولد الي بيخطبني شنو تنصحوني الانه اول مره ايون ناس يخطبوني وانا حدي خايفه وقلقه ومرتبكه؟

يالغاليه والله ماعرف بس ماحبيت امر مرور الكرام خخخخخخخخخ ان شاء الله البنات يفيدونج

والله يوفقج

حبيبتي الله يكتب الي فيه الخير انشاءلله اول شيء استخيري ربج ودايما ادعي يارب اذا هذا الريال فيه خير اجعلة من نصيبي واذا مافيه خير ابعده عني . ثاني شيء باليوم الي بيون فيه نامي عدل عشان ويهج يصير مرتاح ويفضل تلبسيين تنورة وحطي ميكب حيييل حيييل خفيف واذا سألج الريال جاوبي على قد السؤال لا تكثرين وصيري على طبيعتج لا تتصنعين كلش انتي بالاساس بتكونين مستحية والحيا حلو بهالوقت واذا سألج جاوبي بكل صراحة بينيله انتي شنو يعني مثلا يقولج تطلعين ويا رفيجاتج اذا صج تطلعين لا تخافين جاوبي وقوليله اي اطلع يعني كوني مثل ما انتي تبين وانا افضل عشان ماترتبكين لما تسولفين لا تحطين عينج بعينة واذا ودج تخزينة وتفصلينة هيهيهيهيهيهيهيهي شوفيه بالوقت الي يكوون لاهي فيه مثلا واهو يشرب الشاي هممممم ىوبس والله هذا الي طرى على بالي موفقة حبيبتي

الله يوفقج حبيبتي
شوفي اول ما ايي بنزل عليج حيا مو طبيعي ومثل ما قالت الاخت اهو اكيد اللي بيبادر بالسؤال وانتي جاوبيه على قد سؤاله واذا قالج انتي ببالج تساليني عن شي معين ساليه لاتستحين وخلج مزهبه اسئلتج كلها يعني اهو وين حاب يسكن اذا تزوج وشلون يقضي يومه واذا يروح دواوين ولا لا واذا انتي تطلعين مع رفيجاتج واهو ما سالج انتي قوليله انج تطلعين لان هذي اشياء اجتماعية الانسان ما يقدر يتخلى عن صداقاته وبينيله انه لازم يشجع اللي بيتزوجها على هالشي لانها ماراح تعيش طول عمرها وحيه بروحها لكن كل شي بحدود يعني بينيله انج مو 24 ساعه هايته مع رفيجاتج لان بعدين زوجج بيكون له حق عليج كبير
والله يوفقج ويتمم عليج ان شاء الله

سنفور كسول مشكور على المرور
بنت الأرسنال و 90020 مشكورين على نصائحكم بس صج شنو اسئله لما اقعد معاه ؟

مثل ما قلتلج ساليه اهو وين حاب يسكن شلون دوامه شفتات او لا وساليه شلون يقضي يومه اذا يروح ديوانية او لا هذي ساليه شنو حاب يسوي بمستقبله اذا مثلا ناوي يكمل دراسته او لا ، هذي الاسئلة اللي ذكرتها لج تبين لج طريقة تفكيره وتبين الاساسيات اللي تتفقون عليها او لا انتي الحين بينج وبين نفسج حطيلج ورقه وشوفي انتي شنو حابه تعرفين عنه وشنو الاشياء اللي تحسين اذا اتفقتي عليها مع زوجج بتريحج و بتكونين اسعد انسانه
والله يوفقج

مشكوووووووره ويعطيج العافيه حبيبتي ولله بدعي لج انشالله تتزوجين اذا مومتزوجه واذا متزوجه لله يهنيج بحياتج زوجيه ويرزقج ذريه صالحه ويحفظ لج ريلج يارب

حبيبتي في موضوع

اتوقع للعضوه

كنديه

ملف اسأله للخطاب بس انا مادري اذا الاسأله الي موجوده بالموضوع جديه او لأ

خوش موضوع انا بعد حابه استفيد من تجارب العضوات معاج

ام مضاوي صج مشكوره بلقي عليه نظره
جوك احلى جو حياج لله وانشالله تستفيدين معاي

شوفي حبيبتي

من واقع خبرتي بهالسوالف

اول شي لازم تكشخين و تحطين ميك اب بس مو وايد و لا اللي يغيرج

يعني خلج ناعمة بكل شي .. لان اذا الله كتب لج انشالله اهو ما راح ينسى شكلج باول مرة شافج فيها

بعدين طبيعي جدا انج بتكونين ميتة خوف و راح تتيبس ريولج " مابي اخرعج لوووووووووووووووووووووول "

بس اذا انتي حياوية بيصير لج جذي ..

هالشعور راح يحوشج اول ما تدخلين بس

بعدين بيصير كل شي عادي

لا تسكتين حاولي انج تسالينه كل شي بخاطرج

و اكييد اهو اللي راح يبدي بالكلام و الاسئلة

و اكيد واحد من الاسئلة بيكون " تعرفين تطبخين ؟؟!! "

و اذا اهو اللي الله كاتبه سبحان الله راح تحسين ان هذا اللي بتاخذينه

و بعدين على طول نفس الليلة صلي استخارة

و الله يوفقج يا رب و يسهل عليييج و يرزقج الزوج الصالح اللي تتمنينه

لا تخرعينــــــي ..أخاف اول ما ادخل عليهم و يطالعوني اعطيهم ظهري واروح غرفتي هاهاهاها
لله يستر ومشكوووووووووووووووووووووووووووووووووره ويعطيج العافيه على نصائح وانشالله لله يسمع منج

كل شي سهالة حبيبتي لمن يكون على طبيعتة.. انا مثلج إبهالفترة كنت خايفة.. لبسي شي حلو و ألوانة تفرح و حطي مك آب و فلي شعرج و إذا متحجبة فـ لحجابات الناعمة متروووسة, لمن إيون سلمي على أمة يعني مصافحة + بوستين عالخد رحبي و هللي فيها (هلا خالتي حياج الله …إلخ) وخليج مبتسمة على ضاحكة شوي و إهوا سلمي علي مجرد كلمة السلام عليكم حياك الله (والمفروض إهو إسلم قبل) لووول ف ردي إبطريقة ذربة مع ضحكة حلوة, قعدي و خليج ريلاااااااااااكس و إستغفري إبقلبج ترا انا واايد هديت لمن إستغفرت و راح التوتر مع إن كانت أول خطبة لي و ماكنت انام من لمحاتات .. و أكيد أمة بتبلش سوالف قبل سولفو و خليج بشوشة عاد إهو راح يبدي سوالف (شلونج؟ ماشي الحال؟ شلون الدراسة؟ أي سنة؟ تخصصج شنو؟ وين تشتغلين؟ …..إلخ) جوابي بنعومة مع إبتسامة حلوة و حاولي لما إجاوبين تكونين عفوية وحسي إن إهوا جنة صديق فراح تاخذين راحتج(وحطي إبالج ترا حتى إهو بكون متوتر بس ترا مايبين عليهم الرياييل).. لا تصيرين نوعج سؤال وجواب و بس تسكتين كأن إبمقابلة !! إنتي زودي كلام إضافي على إجاباتج إن كان عند طموح (دراسة او مشروع ) دشي فية من ضمن جوابج حق أسئلتة .. لا إتعلجين أثناء الخطبة !!! ديري بالج ترا وااايد في ريايل ينقدون على هالحركة و تلقينا إحنا من التوتر إنقط علج إبحلجنا ونتعلج سريع جدامهم!! ممنوع العلج+ حاولي ماتحطين ريل على ريل لأان (بعض) الرياييل عندهم هذي جرئة فـ إبعد عن الشر ياعمري وغنيلوه و بس صدقيني أنا كنت أطقطق من الخرعة بس قبل لا إيون قلت (( اللهم إشرح لي صدري و يسر لي أمري وإحلل العقدتة من لساني يفقه قولي)) + الإستغفار قبل لا إيون وهم لما إهم كانو عندنا والله و سهاااااله تحسين إن كصديق و بس.. و من أول جلسة صدقيني بتحسين سبحان الله إذا دخل قلبج ولا لا.. و مثل ما قتلج أهم نفقطة (الدعاء و الإستغفار وصلاة الإستخارة قبل لا إيون وبعد مايون وبعد إعلان الخطبة و لي قبل الملجة بعد) عشان تظمنين.. ودعيلي ياعروستنا الحلوة و هللا هللا بالسنع و العدال و الإبتسامة الساحرة

مشكووووووووووووره على النصايح حبيبتي ويعطيج العافيه

عاد قوليلنا شيصير مو تنسينا