|
|
السلام عليكم ورحمة الله وبركاته
شلونكم يا امهات ؟؟؟
كل عام وانتو بألف خير
والله يخليكم ويخلي كل حبايبكم 
طبعا المكتوب واضح من عنوانه
بغيت اسم كتاب مفيد بخصوص تربية الطفل
من عمر سنة ونص
لان عندي بنت عسسسسسرة وعنيييييدة 
وراسها يابس واهي توها عمرها سنة ونص
وبصراحة انا متوهقة معاها وماني عارفة شلون اتعامل وياها 
ودي اقرا كتاب يفيدني بطرق تربية صحيحة عشان ما تكبر على هالاطباع
ومشكورين مقدما
بس احسن وسيلة للتعامل مع الطفل العنيد انج تحاورينه و تكسبينه و تكافئينه ..عشان لما يسوى الشى الغلط تحرمينه ..فيفهم انه هالشى غلط وفيه حرمان …و سنة و نص مو مقياس للعناد !! ترى ما راح تفهم شالسالفة توها 
كله لعبى معاها ..و سبحيها بنفسج مو الخادمة ..و طلعى معاها ..وعلى طول لميها ووقت النوم مسحى على شعرها و اقرى عليها .. يمكن الى قاعدة تسويه ردة فعل بس مو اكثر …
المشكلة ان بنتي تشوف عيال اخوي وحماتي شلون يتصرفون ويصرخون ويحنون واحسها صايرة نفسهم
كله تصارخ وتحن اذا بدلنا ملابسها بس تحب السباحة الحمدلله
بتبع طريقتج وهم بشتري كتاب وان شاء الله تهدا شوي والله يهديها
لان الكتب وااااااااايد
ابي اسم كتاب قارينه ومجربين طرقه
ومشكورين مقدما
انا بنتي عمــرها سنه وشهرين
وعنيدة حييل وتصارخ وحنانه …
ببساطـة اسفها واكمل شغلي
التربية تبدا من عمـر 3 سنين قبلها الطفل
ماتنفع معاه اساليب التربية …
احنا ملينا من هالكتاب واهيا تقول والله لو تقرونه تعرفون تسيطرون على عيالكم
وفي كتب وايد لو بتروحين جرير حولي بارك تحتارين شنو تاخذين من الكتب
صراحة خوووش كتاب انا ولدي عمره سنتين وعنيد وقاعده اقراه بس للحين ما خلصته
و في متاب موسعة الامهات و الاباء اتاكد من الاسم و اقولج
انصحج بكتاب Doctor Spoke في منه مترجم بالعربي وايد ممتاز
وبالتوفيييق
اهو نفسه مؤلف كتاب الخرائط الذهنيه للاطفال00
صدقيني اني استفد استفاده مو طبيعيه من هالكتاب 00 لا وبعد مو انه يعطيج حلول بس للامور السلبيه الي بالطفل انما يعرفج على تكوين مخ هالطفل وطريقة تفكيره بكل دقه لدرجة انج تكونين عارفه سبب كل فعل سلبي يصدر منه من شنو صار وتتلافين الاسباب00
انا جبته حقي وصرت اهدي حق كل رفيجه لي عندها عيال 00راح تلاقين فيه مخططات حتى لنشاطات تخليج تقسمين وقتج وقت الطفل بعد بكل سلاسه 00حاولت انزل صورة الغلاف بس ماصارة للاسف بحاول مره ثانيه وبنزلها لج 00 اتمنى اكون ساعدة 00