محاضراااات الصبح ومحاضرات الليل

قوة بنات الجامعه الحلوات اللطيفات شلونكم وشلون العطله معاكم ♡♡♡♡

بغيت كل وحده اخذت ماده الفجر اقصد الصبح الساعه 8 تكتب شلون كانت الماده وهالوقت ناسبها والا تحسفت اخذت بهالوقت وهل تنصح البنات ياخذون بهالوقت

ونفس الشي البنات الي ماخذين مواد بعد منتصف الليل ~~~ يعني الساعه 6 وورا هل تحسفت والا راح تعيد التجربه

وشكرا مقدماً

في وايد بنت يشتكون الصبح انا عندي محاظره الساعه 9 و 10 و مااااااالي خلق .. اقعد 8 و بالغصب !! .. و لبسي لا كشخه ولا هم يحزنون يعني بالغصب اروح ,, هالمره 8 !! متى أقعد و متى يمديني أبدل و ما يمدي الطريج !!

إذا كان بيتج قريب يم الكليه الموضوع هين بس إذا بعيييد اصلا تعب !

انا عندي أقعد بالكليه لي وقت متأخر لي 6 و 7 .. ولا أقعد قعدت الصبح ! هذا برايي ,

8
8
8

اي والله ذابحتنا النومه ولازم الكشخه بس اذا الوحده مالقت الا هالماده الله يعين :&

ماااظن في وحده تحب محاضراتها الساعه 8

مثل ماقالت gala q8 محاضرات الساعه 10 غصب نقوم

و بصراحه حتى محاضرات المغرب ( بعد منتصف الليل ) لوووول ماافضلها , يعني لي الساعه 6 كافي مو لي عقب

لكن رااح نعيد التجربه مرات عديده , لان احنا لاقين مواد عشان نقدر ننسق جدولنا حسب الوقت اللي يعجبنا ؟!

اذا لقينا شعبه مبطله الساعه 8 نتهاوش عليهاا المهم مااده مببطلله اهئ مأسااه

انا عندي محاضره الساعه 8
واتوقع عادي بما اني مستجده لان كانج تقعدين حق المدرسه
وعندي محاظره تخلص 5 او 6 فما ادري اذا متاخر مريح ولا لا

بنسبة لي

افضل الساعه 8

لان انا متخرجه من كلية
وكنت احط جدولي دايما من 8 الي 2 الظهر او 3 اذا تأخرت
اخر كورس اخذت من الساعه 11 الي 2 الظهر زهقت وع ماحب الرباده قمت اسهر اروح للكليه وانام من 3 الظهر الي الفجر واقعد نومي تخربط كورس كاااملل
ااما الصبح كنت حدي الساعه 11 بليل اكون نايمه الحمدالله انا منظمه

انا دايما موادي تبدي من 10
اول مره اخذ هالكورس 8
ان شاءالله تكون سهالات

مشكلة الساعة 8 مو القعدة مبجر المشكلة في زحمة الصبح وبالذات لو جاية من منطقة بعيدة انا كنت اطلع من البيت الساعة 6ونص علشان اوصل الكلية 8 الا ربع

انا اخذت مادة ساعه 9 ونص تاريخ الكويت وناسبني هالوقت واحلا شيء الصبح الجو غير ويناسب المحاظرات والدراسه

انا انصحكم بوقت المحاظرات من صبح لي ساعه 3 لانه بعد الثلاث العصر خلاااص تكونين طااافيه ومالج خلق لشييء
الا اذا كنتي اجباري تسجلين الماده حتى الداكتره مالهم خلق من العصر وراء

واخذت مادة ثقافه اسلاميه ساعه 6 ونص المغرب تخيلي انا احضر محاظرات وبهالوقت خواتي يطلعون يستانسون ويتجمعون بيتنا وضحك وانا جم مره اسحب عالمحاظره لانه هالوقت مايناسب درااسه كللش لانه وقت طلعات ونااسه مو درااسه
وخصوصا المغرب صج وييييع كرهت كيفان كلها بهالوقت بس انطر الكورس يعدي على خير
ما انصحكم بالمحاظرات بعد العصر لاتاخذون حتى لو توج قاعدة من النوم انتي اساسا مالج خلق

ههههههههه اي والله صااجه بمزااجهم اهم مو بمزاجنا عاد كل وحده وحظا بوقت المحاظرات

احسن شي تاخذين محاظراتج كلها الساعه ٨ ليش عشان يكون لج وقت وما يخترب يومج
وتتعودين على هذا ويكون حلو وتقدرين تحاولين تخلين يوم ما عندج دوام اجازه لان ماخذتها الساعه ٨ وحاولى تخلصين قبل الساعه ٢ او ١٢ او ١
انتى وحظج اما العصر كللللش ما انصح ما يمديج تدرسين نومج مقلوب ومشاكل وعوار راس حلاتها الصبح انا اقوم الساعه ٥ وربع وتعودت والحمد لله
ومنطقتى حيل بعيده واروح مع باص خاص وسريع

انا دايم انحاش من اللي السااعه 8
انا زين اقعد 8 لمحاضره اللي الساعه 9 واصل حده حدا

افضل محاضرات تكون من 9 او 10 نكون صحصحنا اكثر
ولحد الساعه 3
اخذ محاضرات جربت بالصيفي اخذ من 4 الى 6 المغرب
ابد ماراح اعيدها
احلا شي محاضرات من 9 الى 2 او 3 العصر وبس

تقريبا افضل المحاضرات اللي الصبح من 9

الصبح اكيد اونس..

بس مستحيل اخذ مادة قبل الساعة 12 !

لازم ارووح شبعانة نوم و لي مزاج البس وبيتي قريب الحمدلله .. وهالحزة تبدي الزحمة لطريج الردة
بس طريج الروحة سالك ..

ومجربة جدول يبلش 3:30 العصر لي 8 بليل حيل حبيته .. لاني ما غبت ولا يوم و لا حر ولا شمس ولا لوية بالكلية

وبالنسبة للساعة 8 الصبح خذيت مرة مادة و صدعت .. داومتها يومين بس
ونفس الحال لة كان الساعة 9 او 10 او 11 ..

وبالنهاية يعتمد على ظروف كل شخص