متى يبين نبض الجنين ؟؟

بنات اخر دوره ما اذكر متى بس تقريبا أخر رمضان و قبل جم يوم حسيت بألمها وما طلع شي رحت وحللت حمل و طلعت حامل .. امس راجعت عند الدكتوره و قالت كيس الحمل موجود بس مافي نبض .. و عطتني موعد 20/10 /2011 تقول انشالله يبين .. اللي عندها خبره متى يبين نبض البيبي والله احااتي .. وانا هالمره مااحس بلوعه جبد نفس كل مره هالمره خفيف .. فيدووني

عادي مو لازم تحسين باللوعة والوحام من البداية في ناس يبدأ معاها الشهر الخامس وفي السابع الله يثبتة ياقلبي لاتحاتين

وانا بعد مثلج بالضبط عندي موعديوم السبت ١٠/١

وانشاءلله اتطمن واطمنج لاني احاتي واايد

الله يسهلها علينا يارب

انا كل مره اجيك بالاسبوع السابع و الله يطمن قلوبكم

تقريبا بالشهر الثاني يبن وان شاء الله خير اختي

حبيبتي تو الناس نطري شويه وان شالله تسمعينه هو علي التبويضج اذا متأخر مارح تسمعينه مبجر

يبين النبض من الاسبوع السادس الي التاسع
و الله يطمن قبلج يارب

انا مابين معاي الا بنهاية الاسبوع التاسع

الله يطمن قلبج
ويارب تسمعين النبض
وتوولدين بالسلامه

النبض يبين من 5 الى 7 اسابيع
الله يتمم عليج ويقر عينج بشوفته

مشكووووورين وماقصرتوا حبايبي والله يسمع منكم انشالله

مثل ماقالوا البنات بالاسبوع الثامن او التاسع و الله يثبته لج يارب ويرزقني ويرزق كل محرومه

انا بين بالاسبوع السادس

عادي انا بحمالي هذاا قالولي مافيه نبض لااا وبعد قالولي لازم تنزلينه مو زين تنطرين
بسس امي وخواتي قالولي انطري ما عليج منهم وسبحان الله نطرت اسبوع وبعدها سمعت النبض ترا مو كل شي يقولونه صح ما عليج منهم اهم شي لا تستعجلين على عمرج ..
والله يطمنكم ع خير

لا تقلقو يا اخواتي ان شاء الله يبان وكل شئ خير انا حامل من اول رمضان تقريبا وعملت سونار النهارده وبان نبض الجنين يعني اخر الشهر الثاني وبعرف واحده بان بعد الشهر الثالث وان شاء الله ربنا يقومنا بالسلامه