بنات ودي أعرف متى في تقديم حق الديوان الحين؟
أنا سمعت أن الديوان بطل 31أغسطس بس بتأكد من هالمعلومه
ومشكووورين
اي التسجيل مفتووح من يوم الاثنين اللي فاااااات
وآخر يوووم هو 9 / 9 يوم الاربعاا الجااي
سجللي الحين
وهذا موقع الديوان
www.csc.net.kw
وفيه بعد فترة ثانية يوم 25 / 9 راح يفتح التسجيل بعد
بالتوفيق
مشكوووره حبيبتي بس أشلون أعرف تخصصي يبونه بأي وزاره لأن دشيت موقعهم ماكوو شي
الحين ماكو الا التقديم على وزارة التربية بس
الفترة الجاية في 25 / 9 تشمل كل الوزارات وكل التخصصات
أما بالنسبة لتخصصج وأي وزاارة تقبله ماعندي فكررة شلون تعرفين بس سألي البنات هني ماراح يقصروون
قولي تخصصج ومن وين متخرجة ومحد راح يقصر
مشكوووووره على ردج عل العموم لازم أنطر 25 من الشهر لأن مابي التربيه
طيب لغير الكويتيات متى؟؟؟ انا سعووديه تخصصي بكالريوس ترجمه
انا رحتلهم قالوالغيرالكويتيات في شهر 9 بينزل اعلان عن التخصصات…
ياليت اللي تعرف عن الموضوع تنورني الله يجزاكم خير ..
اي بنات حتى انا ساعدوني ماعرف شلون بس اللي اعرفه ان ندش الموقع فيه تسجيل بس الحين كل ما ادش مو مبين شي
انزين بنات بعد لما نقدم من الانترنت لازم نكون مستلمين شهاداتنا؟؟؟
بنات اذا الديوان فتح تاريخ 25 متى يسكرا
ولازم شهادتى تكون معاى الانه انا خريجه بس نتايجنا ما تطلع الا شهر 10 فبعرف شلون
يسكر 4 اكتوبر على ما اظن
حبايب قلبي التسجيل حق كل التخصصات من 25/9 و يخلص التسجيل 9/10 لأني داشة على موقعهم و كاتبين جذي
و الشهايد يا قلبي مو انتي تييبينها من اتخرجين أوراقج و شهادتج يوصلون دايركت من المعهد أو الكلية لي الديوان و انتي ما عليج الا انج تقدمين بالديوان أوراقج عندهم
آنا اخوي صارله سنتين تقريبا مشتغل قال سوولنا جذي بس قدمنا
صح كلامج متخرج جديد اسمه والبيانات تروح لهم طبعا جامعات الحكومية والمعاهد التطبيقي فقط بس لازم تدقي علي الخدمة الهاتفية وتدخلي رقمج المدني وتسجلي والفترة مفتوحة فقط المدرسين
طيب يابنات متى تقديم غير الكويتيات؟؟
بنات انا توني متخرجه شلون اسجل ابي اسجل بوزارة التربيه اداريه لاني متخرجه من التطبيقي دبلوم شلون اسجل بالتربيه والله مااعرف فيدوني الله يجزاكم خييييير