|
|
قال تعالى: وَوَصَّيْنَا الإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ [لقمان:14]
الرضاعة في الاسلام عامين….
ولكن قد تضطر الأم أن تفطم ولدها أو بينتها قبل العامين…
شاركينا تجربتج…
متى فطمتي ولدج/بنتج من الرضاع الطبيعية؟ وشنو كان السبب؟
والأمهات اللي استمروا إلى عامين…شنو النصايح اللي تقدمونها حق خواتكم عشان يستفيدون من تجربتكم؟
افيدونا
وشاركونا تجربتكم…
ليش قررتوا تفطمونهم؟ وشلون؟ و شنو تنصحون خواتكم؟
الثانية فطمتها سنة و شهرين
نصيحتي عشان تستمر الرضاعة الطبيعية ان ما تدخلين حليب صناعي نهائياً قبل عمر السنة
و انا موظفة اخذ اجازة امومة و استأذان للرضاعه عشان ما احرم عيالي من الحنان و نعمة الله سبحانه
و الفطام صار بعد ما دخلت الحليب البديل بعد عمر السنه خلال شهر او شهرين يصير الفطام بشكل طبيعي و بدون مشاكل
للاسف قليل اللي يرضعون طبيعي هالايام مع توفر الخدم و الحليب الصناعي
انا الحمدلله امي و زوجي من اكثر الناس اللي يشجعوني عالرضاعة الطبيعية و شفت فوايدها على عيالي و جسمي الحمدلله على النعمة
و بعدين ينشف للاسف *
|
المشاركة الأصلية كتبت بواسطة _pure_
 بنتي الاولى فطمتها و عمرها سنة و 3 شهور
الثانية فطمتها سنة و شهرين نصيحتي عشان تستمر الرضاعة الطبيعية ان ما تدخلين حليب صناعي نهائياً قبل عمر السنة و الفطام صار بعد ما دخلت الحليب البديل بعد عمر السنه خلال شهر او شهرين يصير الفطام بشكل طبيعي و بدون مشاكل للاسف قليل اللي يرضعون طبيعي هالايام مع توفر الخدم و الحليب الصناعي |
ما شاء الله عليج
و صح كلامج…لما تشوفين تشجيع من ناس قراب منج ما تستسلمين
بس عندي سؤال…
شلون الفطام يصير طبيعي؟
ولدي عمره 6 أشهر ورديت الدوام…وأخليهم يعطونه رضعة حليب صناعي وخضار
بس ما زلت أعطيه طبيعي…وصارلي شهر على هالروتين
هل يعني راح أضطر أفطمه؟
ودي أستمر بالرضاعة الطبيعية لين يكمل 9 أشهر على الأقل
|
المشاركة الأصلية كتبت بواسطة shak!shoka
فترة نفاسي بس ولان امي الي تحن رضعيها رضعيها
و بعدين ينشف للاسف * |
|
المشاركة الأصلية كتبت بواسطة mama-dodo
انا رضعت بنتي اسبوع بس ونشف الحليب لاني كنت تعبانه وفيني فقر دم وضعف عام بجسمي
|
التغذية وايد مهمة للرضاعة الطبيعية
وحتى لو تحسين إن الحليب نشف…إذا خليتي الياهل يمص سبحان الله شوي شوي يرد الحليب
الله يعطيكم العافية ومشكورين على المشاركة الحلوة
للاسف لاني قيصريه ونفسيتي زيروووووووووو ماخلوني ارضعه اول يومين بالمستشفى يابولي ياه ثالث يوم اسم الله عليه سسترتين وانا وريلي ماسكينه عشان يرضع مايرضى يبجي ويصرخ صار ازرررررررق
قلنا يمكن من الحلمه شريت حلمه بيجون سليكون نفس الفلم موراضي بعدين قالولي لمن يكبر راح يعرف يمص ويرضع
اشكثر احاول فيه ماكو فايده مره وحده رضع 10 دقايق وكمل بجي وصراااااخ والحين مافيني ولا قطره حليب
الله كريم
لازم اسويلها ممية قبل النوم
واتمنى ان ربي يقدرني اكمل رضاعتها لعمر السنتين