|
|
السلام عليكم
عندي سؤال مهم: وهو الي كتبتة لكم بالعنوان
يعني انا الحين بفترة الملجة واحس اني للحين ماصرت مغرمة فيه يعني بصراحة اشوفه حليو وطيب بس مو اكثر واحس انه شكلة مو عاجبني وهالشي مبعد قلبي عنة
بتقولون ما شفتية يوم يخطبج
بقول لكم كنت اقول اهم شي الاخلاق … وهم نصيب سبحان الله
انا صليت استخارة وايد وعندي ثقة بربي وانه قدر لي الخير واكيد بتكون حياتنا حلوة بالمستقبل بس انا بالوقت الحالي صراحة احس قلبي بعيد عنة
فهل هذا شي طبيعي
احيانا اطلع معاه واستانس واحس اني كنت اتمنى اعيش هالحياه وهالتجربة وعشتها وبنفس الوقت احيانا ايني شعور انه مو اهو الانسان الي كنت احلم فيه من ناحية الشكل
اتمنى القا اجوبة
وجزاكم الله خير
واخيرا ادعولي ان الله يخليني اشوفة حلوووووووووو بعيني واحبة بقلبي ولا اتمنى ريال غيرة وما حس بالنقص او اطالع ريايل غيري واتحسر
ثاني شي
مافي شي اسمه حب من النظره الاولي الا بالافلام والا القصص مع احترامي لرايج ميومه
يمكن اعجبتي فيه حيييييييييييييييل حييييييييييييل
بس حب وغرام لا ماظنتي
الحب يبله ووووووقت (علي قوله عبد حسين يبله شغغغغغغغغل شغغغغغغغغغل) يبله اول تعرفين الشخص وتعرفين اطباعه وعيوبه وتتعودين عليه بعديييييييين تبتدين تحبييينه
بنات صج وخرو فكره الحب من المسلسلات ولا القصص وفكرو بالواقع وبحياتنا الصجيه
انا اقولج
قمضي عينج وتخيلي حياتج بدونه؟ تقدرين تعيشين بتمشي مثل ما اهي ؟ بتصير احسن وايد؟ والا بتصير حياتج ناقصها شي اساسي؟ والا ماتقدرين حتا تتصورينها بدونه !
اهني اتعرفين جان حبيتيه والا لأ والا انتي باديه تحبيه والا جانج تكرهينه
الحب بعد الزواج اعمق وارسخ واقوا وطعمه الذ
انا وحده من ايام الملجه ولان الوضع يحتم لان الكل المفروض يحبون بعض بالملجه ولانها فتره الغراميات قلتله اني احبه وقالي انه يحبني يمكن يمكن عقب اسبوع ولا كنا عند الاشاره اللي اتدخل علي بيتنا سالته فلان انت ماحبتييني؟؟ (بتحبيني بتحبيني ياهددددددددددي؟)
قالي اي انا احبج وانتي قلته اي احبك ولا كنا ماسكين ايد بعض واييييييي ابيه فشله صج صج صج ملاقه وجذب
المهم
وتصرفنا عادي كول
عقب الزواج وعقب ماعتركتنا الحياه وعقب المشاكل والبلاوي عرفت بالضبط شنوي عني احبه وشكثر معزته بقلبي وان حجي الملجه كان خرابيط
والحمدالله بعد الملجه اكثر واكثر وبعد الزواج الحمدالله
تخيلي انا معاه 4 سنين عمره ماكان يقول حجي الحب وعمري وانا اموت من غيرج وحجي الي مايوكل خبز والي يخوف
بس كان يسوي افعال رياييل يخاف علي وحتي طلعه مانطلع بس نشوف بعض بحدود الكليه بس وحتي لمن ازور اخته
والله ماكان يقعد كان يطلع
ويااختي العشره انشالله بتخليج تحبينه دام تقولين انه زين والله يتمم عليج يارب
انج ماتحبينه ..وقت الملجة
أغلب البنات جذي ..عادي مو بس انتي بروحج
بعد العشرة ….يجي الحب
بس عاد شنو ؟؟؟؟؟ يجي الحب وما يوهلج ….حاااااااااار
وياويلج من هالحب ..بعد العشرة …ما تشوفين إلا هو
الله يعين لو على حب جان شنسوي ،،،
ومشكورة يا قهوة عربية وفعلا ممكن يكون اغلب البنات جذيه بس يظهرون عكس الي يحسون فيه
ورفرف اشكرج وااااااااايد لان ردج طمني اني باذن الله بحبة عقب العشرة
واخيرا بنت كويت ان يو اس اي مشكورة على الرد والدعاء
ولا تنسوني بالدعاء مو شرط تكتبونة عالشاشة انتو بينكم وبين نفسكم والله يجزاكم كل خير
والسلام عليكم
افعااال الرياال اهي اللي تحكم عليج تحبينه ولا تكرهينه لا سمح الله
صج تحسين بارتباط معاه ايام الخطبة والملجة ….بس بعد الزواج والعشرة وكل واحد يبخص الثاني عدل مدل ذيج الساعة..
يا إما تقولين ::::واااي بعد عمري وينك عني هالسنين حسافة عمري اللي قضيته بلياك
ولا
الله يقطع الساعة اللي عرفتك فيها …جاان زين ما تزوجت لي الحين
يعني تتضح الرؤية بعد الزواج
واحبه..وصدقينى الحب ما يجي الا بعد الزواج ..وان شاء الله نسمع الاخبار الحلوة منج والله يهنيج
انتى وزوجج..
كنت افكر بيني وبين نفسي ياربي وين الي يقولون ان ايام الملجه احلى ايام العمر؟؟؟؟؟؟؟
ليش انا مو حاسه بهالشي؟؟؟؟؟؟؟
كنت احسب ان انا فيني شي غلط لاني ما احس بشي اتجاه زوجي وحتى الكلام الي بيننا احس كله جذب وزماااااط وخرابيط……….بصراحه كنت وايد متضايقه ليش انا جذي؟؟؟؟؟؟
بس مع مرور الوقت والعشره وعقب ما يبت العيال عرفت الشعور الحقيقي سبحان الله
يعني انبنى شعور المحبه والالفه والراحه حبه حبه وعلى هدوء مع الايام والسنين والعشره
عسى الله يوفقج حبوبه ويتمم عليج بالخير
وبعد الزواج والعشرة وعيالي صار حب حقيقي وماأستغنى عنه..الله يخليه لنا.. أمــــــــين..
الحب الحقيقي يأتي بعد الزواج أمـــا حب قبل الـــزواج كـــله خـــرابيط..
انا كنت ما ابى اتزوجة .. اتخيلو انه لما خطبنى قعدت ابجى (لانى ما ابية) و عييت ورفضتة بس اهلى كلهم كانو يبونة و يحبونة لانه دين و ملتزم و يخاف ربه .. وهو كان يبينى يعنى خطبنى اكثرمن مرة و كان يجى بيتنا واجد … مع الضغط من الاهل و خاصة امى رضيت قلت امى اكيد ما تبيلى الا الخير .و الاكثر من جذى شفت اشلون مصر انة يتزوجنى يعنى مو خطبة عادية لا . و كان يكلم اخوى و امى و خواتة علشان يقنعونى و توكلت على الله و ملجنا …ايام الملجة كنا نطلع و نتمشى و نتعشى برا بس صدقونى ما كنت احبة (يعنى ما بينتلة انى ما احبة.. لأ) كنت عادى اضحك و اسولف و هو كان دمة خفيف يعنى مستحيل ما اضحك لما كان يسولف.. و هو كان ذكى حيل و ماشالله عليية نبيه يعنى شوى شوى قمت اعجب فية (يعنى ما حبيتة تونى) لدرجة قالى مرة احس ان انا احبج اكثر من ما انتى تحبينى) والله ما عرفت شقول صج فشلة
بس عقب العرس لا والله الا احبة و اموت فية بعد … والحمدللة طلع رجال بمعنى الكلمة .. واهلى كلهم يموتون فية حتى خواتى الصغار يحبونة و امى قالت كلمة عن رجلى حيل حلوة و استانست منها حيل قالت رجلج (رجل اليتيمة) يعنى معناتها الحنون و الى يخاف عليج مثل لمن الواحد يحن على اليتيمة عرفتو شلون (ما ادري اذا فهمتو و لا لا؟؟
و عسى الله يخلية لى و لا يحرمنى منه.
كل واحد ياي من بيت غير ومن بيئه غير
فلازم على ما تاخذون على بعض طبعا كل واحد راسم شي اباله غير عن الي يشووووووفه
انا عقب الزواج والعشره حبيت زوجي وابصراحه ما استغنى عنه الحين
الله يرحمه.
والله يوفقج