متى تكونين رسمية مع اهل ريلج ؟ واللي اتبعت هالاسلوب تقول لنا النتيجة

مايراعونج ووجودج زي عدمة اشلون تتعاملين معاهم بالله ؟؟؟؟؟؟؟؟؟

اعاملهم نفس ما يعاملوني وانا رسميه معاهم و يحترموني وما يقولون عني كلمه وتقبلي مروري

عامليهم مثل مايعاملونج ؟؟؟؟؟؟؟؟؟
اهم ماعليج زوجج ……..وانتى شنو بتسوين اذا طبعهم جذى مااتعب عمرى معهم طااااااااااااااااااااف يبا طاااااااااااااف

عادي حبيبتي … عامليهم مثل يعاملونج مثل ما قالوا البنات

احترميهم وحبيبهم بس خلج رسمية او علاقتج سطحية

والله مافيه احلى من الرسميه….

:

سوي الواجب ياقلبي ..

وخلج انتي اللي دوم محترمة .. ورافعه راسج وراس اهلج

بتصرفاتج الطيبة .. وخلج رسمية وياهم .

عشان لاينتفح لهم باب يدخلون منه .. بأسلوبهم

والله يعنيج ياعمري

قولي الحمدالله مطنشين ولا لازقين فيج وين رحتي شنو سويتي…..خليج رسميه وطاف يمكن طبعهم جذي ويمكن مايبون يطيحون الميانه متعمدين

أحلى شي تكونين رسمية مع أهل زوجج أنا حدي رسمية معاهم والله والله ما عمري رحت زوارتهم أصلا أتجنبهم أحسهم يحبون المشاكل وأنا أخلي صورتي حلوة جدامهم جذي وايد أحسن أنا مرتاحة الحمدالله وأهمه مرتاحين مني عمرهم ما ذموا فيني الحمدالله

صح كلامها ميه بالميه

انتي سوي الواجب واعملي باصلج

واهم كيفهم

والرسميات احلى شي بالحياة

والله يوفقج

شلون مايراعونج مافهمت ؟؟ شنو تبين يسون لج
خلي علاقتج معاهم سطحيه واهم شي زوجج ولا الباقي شكو فيهم ان جوج ياهلا ويامرحبااا وان ماجو مايشوفون شر اهم ماعليج امه وابوة بس ماياخذ من وقتج نص ساعه ولا ساعه سلام وكان الله غفور رحيم
وانتي لاتقاطعينهم هذي صلت رحم بالعجوز والشايب انشدي عنهم مري ععليهم ولا تطيحين الميانه مع الباقي ومو شرط انج تكوننين قريبه منهم حيل وميانه ولاتقطين نفسج عليهم

خلج رسميه معاهم مايعملولج حساب طنشي مو لازم

اشكر كل من شاركت ، الرسمية والسطحية مثل ماذكروا الخوات فوق هم سلاح نفسي شديد بس القصد اشلون
نستخدم هذا السلاح النفسي عدل وبذكاء وحنكة ( منقطعة النظير ) لان اذا الادوات جاهزة واستخدمناها غلط شالفايدة ؟؟؟؟؟؟
انتظركم خواتي