متى تسجيل الباي فورس ؟؟؟

الــــــــــــــــــــسلام عليكم

بنات متى تسجيل الباي فورس

,,, انبطت جبدي من تسجيل النت كل المواد اللي ابيها شعبتها مغلقة أو غير مستوفي لشروط الشعبة <<< مع إني مستوفية للشروط!!!

فــــــــــــــــــــا ياريت أحد يفيدني بشي

وتسجيل الباي فورس يكون بكليتي و إلا بالشويخ بصالة التسجيل

وشــــــــــــــــــــــــاكرتلكم مقدما

هلا حبووبه الباي فورس من 24 لي 29 – 9 , انا انشالله الاثنين بروح لهم شويخ بشوف شسالفتهم على غير مستوفي الشروط حتى انا يطلعلي نفس الشي

مشكورة مريووومة ما قصرتي
وحبيبتي كلمة إن شاء الله تكتب جذي لأن الإنشاء تعني الخلق و الإيجاد من العدم اســـــــــــتغفر الله <<< عشان ما تنسين وتتذكرين 🙂
ونرد لمحور حديثنا هههههههههههههه
وعفيه إذا رحتي الشويخ وسألتيهم عن سالفة غير مستوفي لشروط الشعبة وقالولج السبب ياريت تكتبينه هني <<< ناطرتج 🙂

اي اي والله يامريومه <<<< لقافه ..
ابي اعرف سالفه غير مستوفي الشروط والشعب المسكره اللي ماادري متى تتبطل ..

بناااات ابس اسألكم يسير اسجل باي فوري اذا انا مسجله 12 وحده

بلييييز ردوا عليي

لازم 9 وحدات أو أقل ،، ما يصير 4 مواد

ايييييييييي انا بعد انبطت جبدي ماعندي بجدولي الا ماده مسجلتها من قبل موعد تسجيلي القديم وماده توهقت اخذها الا بالخادليه ,,,وموعابجني التعني من شويخ للخالديه,,,,فبعرق بالضبط الباي فورس متى؟.وولازم كل يوم اروح او يوم معين حسب الوحدات.؟وواهو كله بشويخ عندنا,,

انا عمري ماشفت الباي فورس بس اذكر العام يوم كنت مستجده خذوني فره بالكليه(علوم اجتماعيه)وشفت الزحمه واللوعه والمعاناه عند التوجيه والارشاد..؟؟

هناك لازم اروح..؟ولا نروح صاله ام تي سي ؟.؟ ومن الساعه جم يعني وووشلون طريقتهم اسمع انه عذاب وومالي خلق بس مجبورين مالنا الا جذي عشان نسجل موادنا,,

ياريت فهموني الطريقه والوقت .,؟

هلا حبيبتي الباي فورس 249 وهناك تشوفين انتي اي يوم لان اتوقع في ايام مخصصة على حسب الوحدات واذا انتي بالاجتماعية روحي
التوجيه والارشاد الي بالشويخ اذا كلية 2 والله ماعندي علم..

ولازم تروحين مبجر عشان تاخذين رقم عن الزحمة..

البنات اللي يسألون عن الباي الفورس وهل بيسجلونج اكثر من 12 وحده انتي وحظج واذا كان معدلج عالي يسجلونج

[b]

[/b

ماكنتوشه كل ماده تبع الكليه حقتها او القسم مالها فهمتي