متى تبدون تعزلون الياهل بغرفه بروحه؟؟

السلام عليييكم امهات

متى تبدوون تعزلوون الياهل بغرفه برووحه ؟؟

وشلون الوضع اول ماتعزلين يقعد يصيييح تالي الليل بروحه يستاحش ولا عادي؟

ودي اعزل بنتي عمرها الحين سنه ونص ؟ بس اهيا ساعات اتفزز بليل ادورنا هذا واحنا عندها بالغرفه ؟

هل اهوا تو الناس انطر عليها شوي؟ ولا بس خلاص؟

شنو الاسباب الي خلتج تعزلين او خلتج للحين عندج ماتعزلينهم

هل الموضووع سهل ولا صعب قاعد احاتي ؟

احس غلط انطر عليها لين تكبر اكثر واتعووود ؟ ووو اخاف هم استعيل ؟

انتوو شرايكم ياليت تشاركوونا بتجاركم

…….

لا حرام تعزلينها توها صغيرة بحزة النوم بالليل
انا احس جذي بس هم وهي موجودة ديري بالج تسوون شي جدامها لان ترى هالعمر يفهم
ويخاف وترسخ الشغلة وممكن تسبب له عقدة عرفتي ديري بالج حبيبتي
اذا كلش كلش عزليها بغرفة يمج تكون بينج وبينها بس باب عرفتي

سنه ونص احس صغيره بس هم الواحد يخاف يكبرون زياده عاد يتعودون وتصير طلعتهم من الدار صعبه بعدين :s
ياليت اتقولون على جم اعمارهم عيالكم لمن عزلتوهم عنكم حزة النوم

والله انا عزلت بنتي من عمرها 6 أشهر لا تستاحش ولا شي تعودت وعادي اهي نايمة و اذا قامت حاطة الجهاز اسمعها واروحلها و ثاني شي عشان اخذ راحتي شوي فاهمين قصدي وترا سنة ونص كبيرة ما يمنع اذا مثلا مرة بالاسبوع بس يوميا لا لا تعودينها كلما تفهم تتعود أكثر

(( ابنك على ما تربيه و زوجك على ما تعوديه ))

والله آنا عندي نفس المشكلة بالضبط ياريت لو يفيدونا البنات………….. آنا أساسا من حطيت هالفكرة ببالي وبنتي جنه قلبها حاس زادت بالتفزز بالليل و تلزق فيني حيل جنه قلبها حاس مادري شسوي ؟! ياربي ما أأمن عليها بغرفة بروحها حتى لو الباب يم الباب سبحان الله بالليل مرات ترجع الحليب من غير ما أحس فيها ولا أتقلب وتتكشف مادري أحس ودي بطريقة وسط………. هم ما بي الخدامة تنام وياها طول الليل …يعني آنا شمهنتي إذا تفززت بالليل ولا شي تروح بحضن الخدامة ؟!! والله محتارة صج ودي أسمع تجاربكم أكثر وأكثر …

انا ناويه قبل السنه اعزلها

لما اطول بنومها وما اتقووم بالليل للرضعه

انا عزلت عيالى لما كبروا واحس غلط الانهم ماتعودوا ….الحين اول ماينامون احطهم بدورهم ونص الليل ايون ينامون معاى وارد اشيل وهذا حلى لى الصبح
حطيتلهم الجهاز عشان اسمعهم جم يوم اشزينهم نايمين وجم يوم يخورونها وينخشون بفراشى
نومت الخدامة عندهم وكللللش صاروا مايفكرون ينامون عندى بس لاحظت انة خدامتى تتشكى لكل شخص تشوفة انا مانام بيبى كلة على راسى مع انة والله عيالى كبار والصغير عمرة ماقامتلة انا اى اشربة حليبتة اذا بجى ويرد ينام واغيرلة الساعة 5 الفجر البامبرز وارد انام والله خفت لاتسوى فيهم شى وطلعتها وردينا مثل ماكنا
انا انصحج عوديهم من اهم صغار احسن

صاجييين مفروووض يتعود الياهل من اهوا اصغيييير

بس اذا الابو مو مقتنع شتسوييين ؟؟؟ يحاتي وايد اخاف يصير شي او اطلع انا الام الشريرة !!!!

انا عزلت حيدر على عمرسنة و 8 شهور لما ولدت ولدي الثاني ونومت خدامتي عنده وكل ما افز بالليل اروح اطل عليه
لا يكلف الله نفسا الاوسعها وهذي حدود طاقتي

وجهة نظررر ام حيدر بس قلبي مايطاوعني انوم خدامه عن ولدي ؟ جنه صعبه شوي

بعدين شالفايده انا ابي الياهل يتعلم الاعتماد على النفس كون الخدامه عنده يعني بحس بامان؟؟؟ مادري

اذا الطفل معاه اخوانه اوكي بس اذا بروحه ..حرام احس تو الناس ..

انا عزلت بنتي من كان عمرها ست شهور اما ولي من طلعت من الاربعين خليته مع اخته وحاطه عندي الجهاز من مركز سلطان شاريته اسمعهم فيه

اول يهل عقب السنتين .. اصغر من جذيه حرام يستاحش ..

ثاني بيبي دام ينام مع اخوانه عقب السنة

اول الياهل حق التجارب مسكين

يالله الباجي نبي تجاربكم ؟