متى اقطع الحليب عن ولدي ؟

السلام عليكم

شلونكم بنات … شخباركم

ولدي عمره سنه وشهر وودي اقطع الحليب البودره ( بروجس ) عنه لانه ردت عليه الحساسيه وحده قالتلي عادي قطعيه من الحين وابتدي شربيه بداله الحليب اللي على فراوله وكاكاو او الازرق العادي

مادري اشرايككم ؟

سلام
حرام اتقطعين الحليب عنه لانه في هالسن ماياكل عدل والحليب يعوضه
والحليب البودر يعوض الياهل بالفتامين والحديد اكثر من الحليب العادي
انا ولدي عمره سنه ونص وافكر اني مااقطعه عنه لانه ماياكل شئ
والحليب قاعد يعوضه
هذا رايي

انا بعد رأي من رأي أم سليمان حرام تقطعين عنه بهالسن توه .. على الأقل الحليب يعوضه عن الكالسيوم والفيتامينات. أنا أقووول إنتظري على الأقل سنه و8 شهور أو 9 شهور أو سنتين وإذا على الحساسيه غيري الحليب..

نفس راي جكورة وام سليمان

الحليب العادي كلش مو نفس فايدة البودر

البودر مدعم بفيتامينات وفي أحماض دهنية تساعد على هضم الحليب عكس الحليب العادي دسم وثقيل وما ينهضم للصغار

سمعت مرة من دكتور يحذر من حليب بالموز أو الفراولة ويقول أنها نكهات صناعية وتضر

انا رايي من رايهم حرام تقطعين المميه من الحين على الاقل تضمنين شي يغذيه لان الياهل بس يفهم يقعد يعاند على الاكل ويصير على مزاجه واذا كلش كلش غيريله الحليب انا ولدي عطيته حليب كي دي دي فريش بالمميه لي سنتين ونص تقريبا

وي وي يو غبرا لا يبا شكلي برد عليه احسن

غيري له نوع الحليب
بس حرام ولدج ليلحين بيبي

انا مفكره على السنتين بقطع المميه و بروجرس عن ولدي ..على الاقل مثل الفطام .. و اعوده على الكي دي دي او حليب السعوديه بدال البروجرس و اعوده يشرب بالقلاص.
و الرضعه الحين ياخذها مرتين او 3 .. الصبح و الظهر بعد الغدا للقيلوله و بالليل .. و حليب الكاكاو و الموز و الفراوله اخليه للريوق و السناك العصر .

انا بنتي عمرها قريب ال3 سنين وماقطعته عنها حرام وايد مفيد أفيد من الحليب السائل ..
بس قمت اعطيها مرة وحدة بالقلاص الصبح قبل لا تروح الحضانة وقبل الريوق ..
وباقي اليوم اذا تبي أعطيها حليب فراولة أو موز كي دي دي ..

انا اقول اذا فيه حساسية من نوع الحليب غيريه بس لا تقطعينه عنه حرام توه صغير ..

ولدي العيار اذا حطيت الحليب بقلاص يقول طعمه موزين خايس ولا يشربه واذا رديته بالمميه يشربه

بس دام انه يشرب حليب احسن من لا اني اقطعه

توه صغير على قطعتة الحليب غيريه له شوفى الجمعيه مترووسه انواع جربىوان شاء الله يستفيد

انا سألت الطبيب هذا السؤال

قالي حليب البودر احسن حق الياهل في هذا العمر لانه مكوناته غير

عن الحليب العادي

اذا كان فيه حساسية من اللاكتوز اللي اهو سكر الحليب .. جربي عطيه حليب الصويا طبعا بعد ما تسألين الدكتور عنه

عندج بدال بروجرس
نيدو بعد العام الأول
سيميلاك غين بلاص
بدياشور
ميلوبا 3
وشوفي شنو اللي يناسبه بس لا تقطعينه حرام
آنا ولدي عمره سنتين وشهر قبل لا اولد بنتي الحين كنت اترجاه يشرب المميه عشان تعوضه عن قلة الأكل وتنوعه كان بس ياكل الصبح كورن فليكس بحليب عادي التمويل ما يحب الكورن فليكس بحليب بروجرس
المهم
الحين عقب ما ولدت من الغيرة باليوم قام يشربها 3 مرات استانست