متى افرح ياربي تعبت من هذي الدنيا

بسم الله الرحمن الرحيم
********************

أنا معذبة انا مظلومة أنا تعبانة يارب أموت وأرتاح من الدنيا

حرام ما استانس بحياتي
اللي مستانسين بشنو أحسن مني
متى أرتاااااااااااااح ويتعدل حظي مثل باقي الناس فلانه ليش احسن مني ليش الناس يكرهوني ليش كل ما اسوي شي يصير العكس وغيره وغيره 0000000000000 الخ
هذه العبارات وغيرها الكثير التي تبعث على اليأس والقنوط والتفكير بالموت
ليش

اوقفي الحين بسج , توقفي عن تمثيل دور الضحية , دور الضحية لن يجلب إلا المزيد ولمن؟؟؟؟؟ هل يوجد هناك من يستحق ؟؟؟ ستقولين لا ……
اذا لما كل هذا التشاؤم ؟؟؟؟؟
تفائلوا بالخير تجدوه
راجعي نفسك متى اخر مرة ضحكتي من قلبك متى اخر مرة كنتي فعلا فعلا تضحكين ومرتاحة ؟؟؟؟
طبعا في الغالب ما راح تعرفي تجاوبين نفسج على هذا السؤال لان نظرتج لنفسج اصلا تشاؤميه

وتبين زوجك وعيالك يعيشون مستانسين معاج

انتي الي كله تتشكين وتتحلطمين وكله مو عاجبج حالك اذا سوالك ريلك ي زين قلتي ويه زين طلعت منك ولا لفيتي بوزك 360 درجه وعطيتيه تعكنن ما صار وقلتيله اكيد وراك شي ولا ولا من كلامج الي يسم البدن

طيب تحبين تتغيرين تحبين تصير حياتك أفضل والي حاوليج يحبون يقعدون يمج وما ينملون من قعدتج
تحبين تقعدين من النوموتحمدين ربج أنج عايشة وأنك تعيشين يوم جيد وجديد
تحبين كل أيامك تكون مشرقة وتملاها الضحكة
تحبين توقفين بكاءك على اتفه الاسباب كل يوم
أكيد تحبين (مو محتاج الموضوع مقدمات ادخل في الموضوع )

كوني سعيدة الآن
السعادة ليس لها شروط ومواقف ….
السعادة لن تأتي بالسيارة بالبيت بالزواج بالأولاد …….. طبعا كله مهم وكله راح يجلب لك سعادة بس ليش نستنى هذه الأشياء بينما بامكانك ان تكوني سعيدة الآن وهالاشياء ملكج الي عندها زوج تدور الطلايب والي ما عندها زوج تقول ادعولي اتزوج انزين شلون كلنا نكون سعيدين
في هي اللحظة وأنتي تقرين كلامي ضحكي شوي

خليني اشوف اسنانج الصف اللولو ارسمي ابتسامة عريضة زين اشوة تعرفين تضحكين ( حق النكديه بس هالحجي ) علينا هالحجي شفتي وتوقعتي الموضوع مو بها السهولة راح أقول بكل سهولة بامكانك تكوني سعيدة بدون سبب بس مجرد شعور أنا سعيدة
طيب أقول شي علمي العلماء يقولون العقل يعد 17 ثانية فقط حتى تترسخ الفكرة انزين
أنتي ما عندك 17 ثانية تجلسي فيها بروحج تفكرين أنك سعيدة
رددي أنا سعيدة أنا سعيدة أنا سعيدة كل يوم انا سعيده لان عندي

بيت

زوج

اولاد

صحة

اهل

عزوه

صديقات

ملابس

راحة

دوام راتب وظيفة

مشتركة في مدونة كويتيات نسائية وهذي اول شي حطيه في بالج

لو تدورين الي عندج تتحسفين على كل لحظة ضيعتيها من حياتج بنكد ويبتي الامراض حق عمرج من التفكير والمحاتاه والمقارنات الي لا توودي ولا تجيب ولا تجيب الا المرض والهم

في بداية الأمر حيكون مثل اللي يضحك على نفسه بس بعدين تلقين في تحسن تلقين نفسك فعلا حسيتي حالك سعيدة ومن قلبك

وهني لا تستغربين ان الكل راح يلتم حولك واولهم زوجك الي خليتيه ينفر منج وينحاش ويمكن يدور غيرك لانج حولتي حياته

الى نكد

شلون الحين انتي تقدرين تكونين سعيده