متى اجهز؟؟ وانا عرفت جنس المولود

السلام عليكم ،،
انا عرفت شنو فيني .. الحمدلله والله اعلم
والحين انا 19 اسبوع يعني بالشهر الخامس .. باقيلي اسبوع واخلصه
مادري متى ابدي اجهز .. وشنو اشتري اول شي ؟
مع اني بسوي استقبال .. ما ادري اجهز اغراض الاستقبال اول والا اغراضي واغراض البيبي.؟

لازم اتبلشين من اللحين عشان لا تسين شي اول شي بلشي حطي لسته مقسمه احتياجات البيبي و احتياجاتج و احتياجات الاستقبال و حددي 3 ايم بالاسبوع او يومين للسوق اتخلصين اشيء معينه و تشطبينها عشان تمشي معاج الميزانيه صح و بنفس الوقت ما تنسين شي

انا اقول دام السوق كله تنزيلات لاتطوفين روحي وخلصي …

اتكلى على الله بلشى

انا بروحي متشوقه اروح من اول ما حملت .. وريلي كله يقولي توه الناس نطري ونطري .. لين برد الحماس اشوي مللني ..
الحين متردده كله احس انه مبجر .. مادري متى اجهز
وددي اشتري نفانيف .. لانه فيني بنوته .. على قولة الدكتورة حجية عنونه .. الله يحفضها يارب وتطلع على اخوها ..
بس هم اقول اخاف اشتري نفانيف ويطلع ولد

انا من رايي لي خلصتي الاسبوع 25 جهزي

مثل ماقالو البنات

وتقومين بالسلاامة

خمسة وعشرين اخاف ماقدر امشي ؟ هههههههه
انا من الحين متكسرة .. ما قلتلكم .. زلقت قبل جم يوم .. بالحمام وانتو بكرامه وبسطت على الارض

حبيبتي ابتدي من الحين احسنلج

دام انج خايفة انا اقول اشتري سرير بدون كفر واشتري حقج واغراض الجمعية والحسو والاعشاب حقج وشوفي شكثر يطولون عقبها سوي سونار بعد …

الله يسهل عليج حبيبتي …

ابدي الحين لان بشهر رمضان راح تدخلين شهرج وحدج ماراح اتكونين فاظيه هذا من غير الثقل الي راح اتحسين فيه

انا نفس شهرج وبديت من امس اجهز وسويتلي جدول ان كل شهر اروح اشتري جزء من الاغراض بحيث ما اوصل السابع او الثامن الا وانا خالصه كل اغراضي وبحيث ان بشهر رمضان ارتاح واتفضى بس حق المساير وطلاعات وطبعا بالاول العباده لانه شهر فضيل

حبيبتي اشتري الاشياء الاساسيه للبيبي اول و اختاريهم الوان محايده و الشهر الياي بلشي باغراض الاستقبال لانج بالسابع رابح تبدين تثقلين و اذا تأكدتي انها بنوته يبيلها اللي بخاطرج بس النفانيف تو الناس لان ياهل الاربعين كله لافينه و منخش بالسرير يعني ان شاءالله لى طلعتي من الاربعين اشتريلها نفانيف … و الله يقومج بالسلامه :*

جهزي من الحين استانسي انا انشاءلله الشهر اياي بجهز

بلشي من الحين احسن لج

انا بديت من السابع حطي قائمه بالي تحتاجينه والله يهون عليج يارب