متى ابدأ بتعويد طفلي على الاستغناء عن الحفاظه؟

[SIZE=5]باي عمر لازم انعود الياهل ان مايلبس حفاضه, انا ولدي عمره سنه ونص وكل من يقولي قطي الحفاظه لازم تعودينه .
هل هذا العمر مناسب؟
هل يستوعب ويسيطر على نفسه؟

فيدوني وفيدو غيري

[/SIZE]

كنافه

هذا أنسب عمر

أنا خواتي وحريم خواني بدأوا معاهم من عمر السنة ونص

شوي شوي

يبدأ الياهل يتعود

أقولج فكره

أولا الله يخليلج ولدج

شوفي حبيبتي

قوليله أنا رايحة الحمام ( عزج الله ) ودخلي وسأليه قوليله حبيبي ما تبي أتروح الحمام

وشجعيه دايما

بالهدايا والألعاب

والله يخليه لج

أنا خواتي كله جذية

سنه ونص مناسب بس لازم كل نص ساعه تودينه الحمام حتى لو مافيه شي بس عشان تعودينه مايسوي شي بحفاظته ودايمن شجعيه بالكلام ونبهيه انه اذا فيه شي لازم يروح الحمام وفي البدايه اشتري له القيصريه مالت الجهال عشان يتعود عليها آنا بالنسبه لي بنتي عجزت وانا اعلمها ليما صار عمرها سنتين ونص اهي بروحها قالت ماما مابي حفاظه تقلد بنات خالتها

طيب بنات اذا انتوا طالعين اتلبسون اليهال الحفاظه ولا كل شويه اتودونه الحمام؟

شوفي بسكوته اذا الطلعه حق بيت اهلج لا لاتلبسينه اما اذا بتروحين السوق ولا عياده ولا زايره ناس لا فشله لازم تلبسينه

وبليل متى انسب عمر لقطع الحفاظ؟

لاعاد هذي تجي من الله انا بنتي عمرها 4 سنوات وللحين البسهابالليل واختي بنتها الكبيره ب2 ابتدائي وللحين تلبسها المسأله هذي تطول شوي الا اذا لج خلق تغسلين كفراتهم كل يوم

انا عن نفسي الحمدلله
ما اتاذيت وايد مع اليهال
الاول امي بدت معاه من ثبل لا اييب خدامه
وكانت من تغير له حفاظته تخليه يسوي شي
وشريتله قصريه واستانس عليها
ومع التعود وكنت اقوله اذا فيك شي قووول
وصج الحمدلله
تعلم من كان عمره سنتين وجم شهر تقريبا

وولدي الثاني بعد تعلم بسرعه لان كان يشوف
اخوه الكبير ما يلبس وكنا نقوله الحفاظه ويع
ومتى ماراح الكبير يروح اهو بعد

والحمدلله
والمسأله يبيلها صبر اشوي
لازم تتحملين
مو تقولين تجاسه او واي شلون
تحملي كلها شهر شهرين وباذن الله يتعلم
وطبعا بالبداية لمن كنت اروح بيت ابوي عادي ما البسة شي
اما اذا كنا بنطلع البسه وبالنووم اشوي يطول على ما يتعلم
والله يعينج انشالله

بالنسبة لي قطيت حفاظة ولدي بالليل لما لاحظته يقعدني علشان يبي يروح الحمام بالليل مع انه لابس حفاظه ودايم الصبح ألاقيها فاضية علشان جذي قطيتها

انتي الحين اتعودينة علي ما يصير عمرة سنتين يكون تعود شوي شوي بس بليل خليها علية ونطري شوي الجو يدفيئ حرام برد علية الحين
واشتريلة بامبز دارلينج اللي يجي علي شكل سروال هذا الزين حق التعلوم اسع علشان لما اتشلينه اسرعلج

مشكورين ماقصرتوا على الردود……………….بس مشكلة ولدي يخاف من القيصريه وبصراحه لازم اكون متفرغه طول اليوم عشان اوديه الحمام وانتو بكرامه…

تو الناس عليه نطري خل يكمل سنتين

الصبي يأذي مو مثل البنت

سنه ونص توه الناس ولا راح يفهم

انا ولدي سنه وسبعه اشهر

وللحين مايعرف هالسوالف يعني ما يتحكم في نفسه

انا اقول سنتين وجم شهر راح ابدأ اعلمه صراحه توه الناس

بيتلفني ويتلف البيت فوق راسي

امي تقول من 6 شهور تعلمنا كل شوي تنزعنا الحفاضه حتى لو مافي شي .. بعدين تلبسنا .. ليما نتعود ويصير عمرنا نمشي بعدها ما نحب الحفاضات ونتعلم عالسنه او سنه ونص بالكثير