|
|
واي بنات تخيلووا اول سنة بالامعة قبلوني بالهندسة رحت سويت جدولي ولله لا يوريكم كلش مو شي والمشكلة في تضارب بالفيزيا و علم النفس بالفاينل وقبلهم على طول انجليزي واي ماادري شنو ههالحظ اللي علي قولولي شسوي ؟! في احد خذا حسبان عند سمير سلام قولولي شلونه هالدكتور زين مو زين؟؟ وعلم نفس عند نازك؟؟ شاركوني همي
ثاني شيء.. عااااااااااااااادي ترى يكون امتحاني نفس اليوووم.. هونيها وتهووون ..حاولي تدرسين أول بأول..
اما عن الدكاتره والله ما ادري بس عندج موقع فناتق https://www.fanateq.com/school/
وشوفي اذا يصير سحب واضافه..سحبي ..
والله يوفقج
انا اول كورس لي بالجامعه كان عندي كيميا وحسبان نفس اليوم
بس الحمدلله عديتهم اثنينهم اهم شي تدرسين عدل اول بأول
دكتور الحسبان ما اعرفه انا خذيت عند نجيب السماوي وكان الدكتور وايد زين والمنهج كله مال الثانويه وزياده عليه شويه مو وايد نفس منهج الثانويه العامه اذا كنتي عامه
و منو دكتورج الفيزيا؟؟؟ والفيزيا يبي لها مجابل يعني انتي شدي حيلج من اول شي
وبالنسبه حق نازك وعلم نفس ترى المادة وايد سهله وحلوه والدكتورة تحب تشاركين معاها بالنقاش حتى لو غلط انا خذيت المادة عندها اول كورس وكانت حلوووه
والله يوفقج ان شاء الله
سجلي بدورات خدمة المجتمع ترى وايد زين حق حسبان وفيزيا واخذي اوراق من القوائم ولا المكتبه تلقينهم بالعلوم ولا بالهندسه
وايد تستفيدين منهم ولا تطوفين ولا دورة
استمتعي فيها
اول شي مبروووك….
ثاني شي حتى انا باول كورس انجليزي ونصوص بنفس اليوم….
توكلي ع الله لانه الجدول ما راح تغير…..
ومدام مواد علمي انتي اوردي راح تدرسين اول باول….
وعلم نفس سهل…
والله يوفقج….
أول كورس طبيعي يكون يضايق واوقاته وموادة مو بكيفج …فمشي حالج وشدي حيلج وعدي هالكورس ان شاالله والخيرة بالكورساات اليايه
وموفقه ان شاالله
الله يوفقج انشالله
انا مابي اخرعج
بس بفهمج جم شغله من الحين عن سمير سلام عشان ما تنصدمين
انا كنت اعشق الرياضيات و اموت فيها و اول كورس بالجامعه اخذت كالكولاس عند سمير سلام
امبيييييييييي هالدكتور مادري شقول عنه
صوته حده واطي و مجابل السبوره و يشرح حق نفسه
و الرياضيات عنده بس كلام ! مايحل مسائل وايد لا يعطيج شرح كلام و انتي عاد فهميه بروحج
و بما اني كنت خريجه مقررات و نص منهج كالكولاس A نفس منهج رابعه ثنوي النظام العام و مجموعه من البنات الي معاي كانو خريجات ثنويه عامه فكان يشرح على بو الكل فاهمين شالسالفه مايعطينا مقدمات لا على طول يدخل بالعميق
ماكان يراعي ان في بنات مقررات و مو ماخذين الي كان يقوله
لي درجه اني من بعد اول مد تيرم اول ما شفت درجتي خخخخخ على طوووووووووووووول رحت كليه الحقوق اسال عن التحويل
كنت بحول من كليه علميه لي كليه ادبيه بسبته بس الحمدلله ان ظليت بمكاني و ما اثر فيني وايد
المهم الزبده ان لا تخترعين من طريقته اخذي الدورات الي يسوونها بالكليهو حاولي كثر ما تقدرين تحلين امتحانات قديمه لان طريقه الاسئله نفسها بس يغيروون بنوعيه المسائل …
بالنسبه حق نازك
فاهي زينه و امتحاناتها كلها صح و خطا و اختياري فيعني لا تحاتين ان في عندج امتحان ثاني بنفس اليوم
و الله يوفقج حبوبه
بس الموضوع قديم ..
لذا يغلق..