متزوجه ومنقبه وعندج سفره بالصيف حياااااااج؟؟؟؟

السلام عليكم

قوة يامتزوجات والله طرت على بالي شغله انا منقبه وان شاءالله بعد اسبوع بروح مع ريلي مصر

عاد في سؤال يدور فبالي انتوا كمنقبات لسافرتوا لمصر او اي دوله ثانيه تقطون النقاب بغض النظر اذا ريلج
يرضى والا مايرضى لان ساعات مايقولون شي الرياييل لسافرنا اوربا نقط بس دوله عربيه ماجربت
عاد قلت اشوف كويتياتنا المنقبات لراحوا مصر شلون عاللبس عادي محد يستنكر شكلج بالنقاب
ودي اقط بس مدري اخاف اشوف منقبات واطييييح من عين نفسي ههههههههه

لاتبخلون علي بالردود الموضوع للنقاش ؟؟

انا ما رحت مصر رحت سوريا بالعكس شكثر كانوا هناك منقبات وانا والله ما قطيت نقابي بالعكس

رحت مصر ونقابي علي عادي والشعب متعود على الخليجيات

المنقبات وافتخر اني منقبة

مصر عادي ليش تقطين النقاب : دوله عربيه مصر و فيها منقبين وااايد محد يستنكر شكلج ! .. قطي النقاب لي سافرتي اوروبا اصلن الحين مايرضون اب اوروبا تلبسين النقاب بالمطار او اي مكان لازم تقطيينه ..

انا لا ما اقط

حتى الدول الاوربيه ما يستنكرون النقاب بعدين انتي لابسته لربج مو للناس

انا بالمانيا ما قطيت نقابي ولا في اي شخص خزني ولا قط كلمه

بالعكس اللي يخزون كانوا العرب

حلوة الردود ما قصرتوا

وانا يابنات ماقلت استنكر من النقاب وادري وملتزمه فيه الحمدلله
ولابسته ستر لنفسي ……..قبل كل شي

بس لان في بنات اعرفهم ومتزوجات بعد عادي يقطون لسافروا برا الكويت والله حتى بالعمره قطوا وجدامي
عاد انا بس حبيت اتناقش معاكم بالموضوع هذا كذا مره بعد خالتي ام ريلي منقبه وماعليها من عيالها من هي بمطار الكويت تقط قبل لاتختم
الجواز هههههههه ياحليلها ..

عاد الناس اطباع ..

وتسلمون عالردود ..

الازهر بمصر مانعين النقاب عندهم اي وحده تروح الجامعه او اي مكان يمنعنوها عن النقاب << كلام سمعته بالاخبر المصريه قبل فتره ..

حتى دوري بقوقل .. المهم يا قلبي اصلا اهم شي انج مستوره وعلى راسج حجاب وخايفه الله لا تحاتين شي حبيبتي وانتي والي يريحج ياقلبي ..

طبعنا لا

سواء استنكرو ولا لا بالطاقاق فيهم انا لابسته عشان ربي مو عشان الناس ولا جان سوينا اشياء وايد تغضب ربنا عشان ما يستنكر احد علينا

وحتى لو ريلج عادي عنه فهميه انج معتزه بنقابج رضى لربج

حبيبتي مالج شغل بالناس باجر اذا رحتي لربج بعد عمر طويل كل من يقول نفسي نفسي

والله يهدي الجميع

والله عادي تيكت ايزي وبعدين انتي لابسه النقاب لربج

انا رحت جزر وعالبحر ونقابي علي خخخخخخخخخخخخخخخخ تخيلي راكبه برشوت وعباة ونقاب الاجانب عبالهم باتمان خخخخخخخخخخخخخخخخخخخخخخخخخخخ

بالنسبه لي أنا

اعقه يوم أسافر اي مكان كان بس في البلا البسه

لالالا تقطينه

لالالا تقطينه
حتي المصريات متنقبات
النقاب فخر لكل مسلمه
بالعس راح ترتاحين فيه
وان شاء الله تروحين وتردين بالسلامه

يا عزيزتي توكلي على الله وسافري وانبسطي ونقابج عليج ,,, ويلي تقولين اوروبا يستنكرون النقاب احب اوضح لج ان الاوروبيات من كثر ما يشوفون النقاب دائما يسألون صاحبته ليش لابسته ومنو أمرج ؟؟ وشلون متحملته ؟؟؟ وسبحان الله شكثر اوروبيات اسلمواااا بسبب نقاب

امس بجريدة الوطن اعداد اعتناق الاوربيات للاسلام بازدياد من كثر مايشوفون المسلمات يصلون بالمسجد شدتهم الصلاة وركوعها وأسألوا عنها وبعدها أسلموا << ياربي لك الحمد ,,, ادخلي دخلت عرض بس حبيت اوضح لج

ولعلمج ناويه اصيف بلندن هالصيف إن شاء الله ونقابي علي ,,ولاطاعة لمخلوق في معصية الخالق ,,,