|
|
والله الحريم ماعاد فيهم حياء
سلام عليكم ورحمة الله وبركاته
وشلونكم وشخباركم اربكم بخير ,,,,
وشلون الوالده والوالد وشلون العيال وشلون اقصراكم بعد خخخخخخخخخخخخخخ
والله يا بنات ماربح شركات الاتصال الا كثر السلامات والتحفي
لو الوحده تتصل وتعطي المفيد كان ابرك
والله يعني بدقين تطلبين مثلا اسم صالون من خويتك اخذي عاد تسلمين عليها وتحفينها وعقب يطري عليتس اختها
معرسه تباركين لها مع هثره التجهيز والا يطري عليتس عمتها مريضه تنشدين عنها عقب تسكرين الخط وانتي ما قلتي وش له متصله
ولاطرى عليتس كلاكيت مره اخرى خخخخخخخخخخخخخخخخخ
الموضووووووووووووووع يا بنت والله لاهبدتس
سوري بناااااااااااااااااااااات
مالكم بالطويله والله يا محفوظات السلامه السالفه زادت عن حدها اي اصبحت ظاهره عندنا
ماعادبه حيا ولا مستحا
المره تمشي ومعاها رجالها وتخز بالرجاجيل اللي في السوق او المطعم وعادي
وهو يا غافلين لكم الله على وجهه
اول انقد على الرجال اللي يخز ومرته معه وادعي عليه اقول يمال المرض لعنبوه مايصبر الين يقطها البيت عقب يخز الين يعجز لكن المفروض يحترمها
لكن الحين انعكست الايه المره اللي تخز
طيب لو رجالتس ذا ماهو بعينتس شي وماهو عاجبتس ولو انه فلو اي خدش ما ينتبه وما عنده شخصيه
على الاقل احترميه قدام العالم
عما والله امس في ارض المعارض الدولي اللي المفروض يسمونه ارض المعارض الصيني والمصري
والله ما يغيرونهم ابد
المهم كم وحده اشوفها تخز الشباب اللي هناك ورجالها معاها
صحيح فيه خشوف بس عاد الشكوا الله اذا ربتس ما رزقتس من ذالمزايين
تحمدي العافيه واستتري واستحي واحترمي اللي معتس سواء رجل او اخو او ابو
خلي لرجالتس هيبه واحترام قدام العالم
وحتى الرجال ماعاد فيهم شيمه يمشي ومرته معاه بكامل زينتها لعنبوك مافيك غاريه ماتحس
ابكيه والله
والله وحده تقول كنت بالسوق واشوف ذاك الاطخم اللي يمرج العقل طول وعرض وسكسوكه
وشئ مو طبيعي عاد هي توصف وانا اتحمد ربي اني ما شفته كان انصرعت بمحلي
المهم وتقول والله ماطاحت عيني منه من زينه
عقب تقول معاي عيالي شوي الا ذيك الحرمه اللي تسلم علي الا هي بنت خالتي
وهذاك الاطرق طلع رجلها
وينقص وجهي قلت الحين اكيد بيسالها بيقول ذالــ…. .. اللي سلمت عليتس منهي
يا فضحي فضحاااااااااااااااااه
ابكم والله اني لارحت السوق وشفت مكان فيه ارجال ما ادخل الف من مكان ثاني
والوحده تقول يالله الستر ولا بعد نبي الفرقا من رجالنا ,,,
عيييييييييييييييب والله العظيم عيييييييييييييب
العين تزني ترى
ما عاد الاهي اخز الرجاجيل
عاد انا والله مظلومه مرات ابو الشباب يتهمني وانا مسكينه على وجهي
ما اكون فاطنه لحد ماغير اراقب عيالي
يا بنت الحلال منحده كلش ودتس تشوفين عوضي مثلي ههههههههههه
حطي على الصحراء او المختلف
والا عندي لتس شورتن ثانيه
مابقى عرس للعايله الا وتفرجت على الفيدو بس كله بالخش والدس
عاد صدق ان عيالنا مو بذاك الزوود بس الضيفاااااااااااااااااان يابرى حالي بريااه
لاعاد لازم اعرف منهم واجيب العيد من النشده
مين اللي حظر العرس وكان قاعد كذا
الين انفضح
ادري طولت عليكم وقرقرت واجد بس شسوي من القهر من اللي شفت
اسلوبج يوننننننننس …. صج سالفتج دايم تكون جدام عينا …. واذا تبين الصج اختج بعد مالها قلب عالزين هههههههههه …
مشكووووووووووورة حبيبتي عالموضوع وايد موجود والله انا مرات بالغلط اطالع جدامي الا هذاك الريال المزيون وانا والللللللللللله مو قصدي اطالعه بس الجمال يبرررررم برم ما احس الا مرته تخزززززززز عاد اهني ودي تنشق الارض وتبلعني ودي اقولها والله ما اقصد 
ليه اطالع الرجاجيل وانا اللي عندي اطرق ولا اذا طلعنا بس يحصل هالتكفخ مني كل ما خزته وحده اطق ايده اقوله اكيد تعرفها عاد هني اخذي منه انواع الحلفان
لين دخلو ماده الاتكيت بالمدارس …
وتعلمو البنات من الصغر انه عيب جذيه ..
الله يهداهم …
بس الحين انت معترضه ع المطالع وبعدين تقعدين لحالك تطالعين افى بس افى………..
اجل انا مشكلتي مختلفة ……..انا ماطالع ابد مادري ليش ودي يعجبني احد واطالع بس لي سنين ماحد عجبني وكل ماحد قال فلان حلو قلت وع ابد مايعجبني…….. اخاف اني صرت متبلدة بس………..
وانا اقولج هذي قليلة الادب
اظاهر اني من كوكب اخر كوكب المزايين خخخخخخخخخخخخخخخخخخخخخخخخخخخ