|
|
مرحبااااااااااااااااااااااااااااااااا
بنات أنا متزوجه من 3 سنين تقريبا أجلت الحمل مدة سنتين لظروف الدراسه بعدها الله رزقني بولدي حبيبي قبل شهرين
اللي حاصل انا قبل كنت اتمنى اكون اسره كبيييييييييييره كنت ابي 7 ——->> قويه صح
بس بعد الحمل والولاااااااااااااااااده آه يالولاده والسهر بالليل والمحاتاة والمسؤولية
بعد ماكنت اروح سينما لي ال 2 الفجر صرت اضطر ارد 10 اذا متأخر بعد ماكنت أخطط للسفر بأي وقت قمت أحاتي واضبط سفرتي قبل او بعد سفرة أمي عشان تمسكه بعد ما كنت اطلع من الصبح لليل قمت التزم بالوقت ومااتاخر يعني فعلااااااااااااااااااا مسؤوليه
انا احب ولدي والله يخليه لي يارب بس احس حياتي تغيرت بصراحه قبل اونس مليووووون مره يمكن لان الوضع جديد وصعب معني قعدت 3 سنين بحريتي لكن هم مسؤوليه
وقمت افكر اجيب 3 بالكثير صراحه العيال امر صعب
ابي
انتو شلون تغيرت حياتكم بعد عيالكم حبايبكم وشلون تاقلمتوا عالوضع الجديد؟
وجم بيبي ناوين تجيبون؟
بليز رفعوا معنوياتي انا متضاايقه اخاف هذا اكتئاب ما بعد الولاده ———–>> شكووو
وبالنهايه الف اللهم لك الحمد على نعمة العيال والله يرزق اللي يبي
و احبك ياوليدي يا حبيبي ياللي غيرت حياتي وحكرتني بالبيت 
انا كله اقول الزواج مسئولية كبيرة والي تبي تحمل لا تعرف المسئولية الي بتدخل عليها لانه بتنشق شقتين بي ن الريل وبين ولدها وبين نفسها
>>>نصيحة ديري بالج تهملين نفسج
شوفي حبيبتي انا كان ودي بأربع يهال وعقب اول ياهل وبسبب ظروفي مقرر اترك بينهم 4 سنين ليما يدش الروضة اكون انا ولدت الثاني باذن الله بس المشكلة انه الحين عمري 30 وعندي ولد وعمره سنة ونص واذا على حسبتي بدخل سن اليأس قبل وبصراحة اليهال يبيلهم مجابل ومراكض والوحدة مننا يالله تعابل بعمرها بهالسن
انا اقول الله يوفقج ويحميج ويخليلج وليدج وريلج وانشالله بتمر الاياممويكبر ونسمع انج حامل مرة ثانية
الحمدلله على النعمةالي احنا فيها يارب
بس صج حكرة خخخخخخ
تعب ومسؤوليه ورياييل ما يقدرون
أنا صارلي 3 سنين متزوجه والله ما رزقني بعيال و بحكم ظروفنا ودراسه زوجي خارج الكويت الوضع ما يتحمل عيال..
بس عايشين بحريه و ليلحين مثل المعاريس بس أكيد مع الياهل كل هذا بيتغير.. احنا ما نطلع الا آخر الليل بس مع الياهل يمكن ننحرم من الطلعه موليه
قبل على كيفي اتاخر لمن الصبح اذا بغيت الحين نوووو
لازم ارد بسرعه عشان ولدي حبيبي
الحياة بالنسبة لي تغيرت راسا على عقب
و اول اونس
بس والله لو مايبنا عيال جان انهبلنا ههههههههههه
الحمدلله على كل حال
و امي كل تقولي بس يكبر شوي بيصير يونس اكثر لمن يبدي يفهم و يروح و يرد معاج…
الله يكون في عون الامهات و يرزق اللي ما عندها عيال
أأأأمييييييين
الله يعينج على حسن تربية ولدج
وليلحين ناطره
و ما اكل حبوب لان ريلي مايرضى
بس كل شي بكتبة الله
احنا كنا مقررين ناخر الحمال .. بس لضروف معينه حملت ببجري … و ما حملت بولدي الثاني الا عقبه بفتره طوييييييله
و الثالث الله يحفظه صار حمال بالغلط و من دون تخطيط و الحمدلله …
حياتي انقلبت 180 درجه ….. عيالي خذوا الاهتمام الاكبر …. ما احب اخليهم عند امي ..
دايما معاي
الا للضرورات القصوىىىىىى
كل فترة ولها طعمها وكل فترة تقدرين اتأقلمين نفسج معاها
انا جذيه الحين بنتي عمرها سنتين ونص كل من طل بويهي يقولي يلا ما حملتي؟؟؟؟؟؟؟
انا الحين ناطرة الوظيفة واحس توني صغيرة بس واااااااي الناس ما تخليج بحالج
والله اليهال يسوون الدنيا ومااافيهاااااااااااااااااااا
مو ابلاش السالفه.. الوحده لازم تتعب وتشقى وكل هذا بميزان حسناتها… لازم تحتسب اجرها الكبيير .. (( المال والبنون زينة الحياة الدنيا))
والوحده بييدها تقدر تخلي حياتها تعب وملل مع اليهال وتقدر هم تخلي حياتها وناسه وراحه
اهي مجرد ترتيبات وتنظيم الوقت وكل شي يهوووووووون
دعواتكم لي بالذريه الصالحه