متزوجه صارلي ثلاثة أشهر و أبي الطلاق

السلام عليكم خوااتي…

انا متزوجه من ثلاثة أشهر ..يا بنات قولولي أنا فيني شي..كارهته كره اليهد و الموت أكره ما أحبه..أنا والله اني وافقت عليه بس عشان أمي لما بجت و قالتلي يا بنتي ودي اشوفج عروس و انا كنت رافضه و رافضه قلت ما ابي ما ابي اتزوج بس بعديت تعوذت من ابليس و وافقت عشان امي ..يا كويتيات..الريال حرام مافيه شي بالعكس طيب و حليو بس انا مو حابته لأن لايعه جبدي منه و من ويه و اللي قاهرني انه عنيد و مخه تنك و مايفهم بسرعه و مرات يقهرني و أنا يعني بروحي ما أواطنه هالمره يتحكم …امبي انا كل يوم ابجي ما ابيه ما ابيه و اكره مادري شسوي..انا ادري اذا تطلقت راح انحكر في بيت اهلي حكره مو طبيعيه بس ياربي انا مو مرتاحه انا وحده مو راعية زواج و تنظيف و مجاملات الحموله و تحكحك و سوالف ..انا يالله نفسي و الريال يبيله مجابل و انا جتى ماني قادره اجامله لأني مو حابته..بنات حتى اذا جا يعاشرني احس بموت اسوي كل شي بس عشان مايحوشني والله ابجي بجي مو طبيعي اذا حاشني امبي وويييع اكره اكره على كثر طيبته وياي انا مو متقبلته والله..ساعدوني اشفيني انا ..حدي تعبانه

يابنت الحلال تعوذي من ابليس وحاولي تحبينه وتتعودين عليه اذا اهو على كلامج خوش ريال ليش تسوين فيه جذي حرام عليج شنو تبين يعني ما تبين تتزوجين هذا سنة الحياة وهذا نصيبج اللي الله كاتبه لج حاولي تحبينه واذا انتي حاطه هالافكار الهدامه براسج عمرج ماراح تحبينه

والله شفتي هذا اللي تقولين ما احبه لو تكتشفين او تحسين انه يكلم او يحب وحده غيرج والله بتموتين من القهر لا تضيعين الريال من ايدج الوحده موكل يوم لها ريل
حاولي تتقربين منه وخلي الشيطان عنج وموبعيده يمكن عين دايما اقري قرآن وادعي بصلاتج ان الله يدخل الحب بقلبج بلا طلاق بلا خرابيط توج عروس استانسي بحياتج وهالفتره من الزواج ماتتعوض لا تخربينها بالمشاكل

الله يهديج وان شاء الله نسمع عنج اخبار زينه

انا من زمان والله ما احب الزواج اكره فكرة اني لازم اخاف من الطلاق و لازم اتحمل و هذه سنة الحياة ..اشدعوه الدنيا تطورت و انا ما احب اكون خايفه منه و من الطلاق يعني شسالفه و ليش اسكت اذا زفني..امبي ويع ويع اكره الريايل بس يبون الفراش هذا اللي قاهرني احسه بس ما يهتم بمشاعري بس يبي فراش..و حدي مليت 24 اتسبح و اقوله ياولد الحلال وراي صلاة تكفا خلها بليل مره وحده ..اهوه لأ يتليعن ووووووووويع..لاعت جبدي و بعدين انا اللي قاهرني رجلي احس مو سنع يعني ما وداني شهر عسل و حتى يعني قلبه طاير عالبر و البنادق و وبس حجي يقولي جمعي جمعي عشان نسافر بالصيف أقووووووووووووول بابا انا اجمع و انت شنو مهنتك أي شي…امبي ويع..بروحي كارهنه..ليش قاعده اتحمل و ادوس على راحتي و أأقلم نفسي غصب و اهوه هذه حياته و ماتغير شي بس اللي تغير بحياته ان عنده وحده بس حق نوم..

واي اختي شفيج ليش هالكآبه

لاتزعلين من كلامي عديني اختج وقاعده تكلمج

بالبدايه

شوفي عدي نفسج لما تكونين معاه كأنه هالريال كنت تحبينه من سنين ورب العالمين جمعكم حاولي وحبيه

ترى رب العالمين يمكن يبليج بواحد اهو مايحبج ولا يشتهي يشوفج وانتي تركضين وراه

حااااااااااااااااااااولي وصدقيني بتلقين نفسج تحبينه لان انتي تقولين ان طيب وخوش واحد

لاتضيعين نفسج بسالفة طلاق

لما تشوفين شنو أسباب المطلقات وانا وحده منهم تقولين أحطه على راسي وأمشي دام اهو يحبني خلي أحافظ على هالشي

ثاني شي اذا ماتبين تحبين الزواج ليش تزوجتي
انتي بجذي راح تقهرين أهلج زياده وزياده والله حرااااااااااام
اذا حسيتي نفسج ماراح أقول تظلمين نفسج لااااااااااااا اذا حاسه نفسج بتظلمين هالريال تركيه قبل لاتحملين

وعلى قولت رفيجتي ناس مو محصله وانتي ماتبين

حبيبتي تعوذي من ابليس
انتي تقولين انه طيب
اتوقع هالشيئ يشفعله
انتي مدامج حااطه ببالج فكرة الطلاق وانج تكرهينه ومستحيل تحبينه ماراح توصلين حق حل صحيح
تعووذي من ابليسسس وشيلي من بالج هالفكرة نهائياااا
وحاووولي تحبينه وتشوفين الخصال الحلوووة الي فيييه
وحطي ببالج شغله مهمه ان كل انسان فيه عيوووب واهو فيه حقه من العيوب مثل ماانتي فيج حقج من العيوووب
وصدقيني ريلج احسسسن من واايد شباااب وريايل بس انتي مو حاسه لان الشيطان عامي عينج وقلبج
حاولي تفتحين قلبج وعيينج حقه وحاولي تتقبلينه وتسمعين له وتشاركينه حزنج وفرحج
وانتي توووج ماصارلج 3 شهوور ل طولي بالج وديري بالج على نفسج ومصلحتج

اي والله ليش هالكـــآبه

سمعيني يا قلبي

انتوا اول الزواج وشي طبييييييييييعي يكون في اختلافات في التفكير والمعامله

شوي شوي الين تتعوديووون على بعض .

وبعدين المواجيب الرسميه هذه ملزووومه فيهاااا كل الناس جذي وكل الحريم جذي لازم يكوووون مجابلين رياييلهم وحمولتهم خصوصا بداية الزواج تكثر المعازيم والطلعات والزوارات ..

وبعدين انتي تقووولين انه طيب هذا اهم شي مدام اهوا طيب كل شي راح يتغير .. ويصير احسن بس الصبر حلوووو ومن صبر نال .

لا تفكرين بطلاق كل وكلي امرج لله …

وخير يا طير ما رحتي شهر العسل صج شهر العسل شي حلووووووو

بس مو شي مهم …!! موكل من راح شهر العسل عايش ومنتهني

وبعدين اهووا يقووولج جمعي جمعي ..

قوليله انت بعد جمع جمع

عشان نسافر سفره حلوووووووه ونعوض شهر العسل

وبس …!!

كل شي بالهدااااوه ينحل

مزيانا

عالجي طبيب نفسي اذا الريال على قولتج طيب ليش اتعذبين الريال معاج حرام وترى المحبه من الله صبري شوي عقب صار ريلج اخر شي تقولين مابي ليش مافي فترة ملجه اكيد بين انج ماتحبينه ولا ارتحتيله ليش كملتي الطريج معاه خلاص تحملي شنو 3 اشهر وتتطلقين شنو هالسبب اللي مايدش العقل وشلون اقصبوج طقوج اذبحوج اهلج ….الله يهديج بس

حبيبتي ترى الف وحده تتمنى تكون مكانج حتى لو ماحبت زوجها

بس المهم يكون لها بيت وعيال ورجاااال يكون لها سند وظهر لان محد دااايم لج

وباااجر لو تطلقتي ومشى فيج العمر وشفتي نفسج بروحج لا زوج ولا عيال بتتحسفين قد شعر راسج

وصدقيني حياة الدلع والطلعات ماتفيدج كثر مايفيدج بيتج كلنا كنا مدلعااات ومانقدر على المسؤليه والعيال

وهذا احنا الحمدلله تزوجنا وعيلنا ومااااشين وعلى فكره حبوبه ترى الطلاااااااااق مررررررر حتى لو كنتي ماتحبينه

وانصحج تمسكين بيتج وزوجج قبل لايطير منج وذيج الساااااعه ماتنفع ياليت ولو

والله يهديج لزوجج ويسخركم لبعض

اختي لا تزعلين مني تبين الصراحه الله يعينه أهو عليج

حبيبتي هذا مو اسلوب تتكلمين فيه عن ريلج هذا جزاه حابج وحاشمج يعني علشان ماوداج شعر العسل صاار مو سنع !!!!!!!!!

الله يعينه ويهديج

اذا مافيه عيب
انتي عالجي نفسج
الظاهر عين ماصلت عالنبي
والله يكون بالعون

قضبي مينونج لا ايلج الي اين منه !

انا من ناحيتي اشوف ان المشكلة فيج مو فيه الصراحه ,, انتي اللي حاطه تصورات عن الزواج والرياييل من قبل ومو راضيه توخرين عنها , عموما أي ريال بوضعه توه متزوج بيستانس يعني عادي ,, وانتي من الأساس غلطتي لما وافقتي ,, شنو يعني اوافق على شان امي , هذا زواج مو لعب , الحين انتي تزوجتي و كل شي تم , حاولي تتأقلمين بالوضع اللي انا ما اشوف فيه شي ,, كل شي ايي بالتفاهم مو كل بالعناد والزف ! وما رحتي شهر العسل هالسنه بتروحين السنه اليايه ,, انتي استعيلتي لما وافقتي عليه , لا تستعيليين و تنفصليين و بعدين تتحسفين!! تعوذي من ابليس و شيلي هالافكار من راسج و لا تتكلمين عنه ابهالطريقة ترى مو حلوة . ماخذج بالحلال والحين اهو اسمه ريلج تصونيينه و يصونج ! تستريين عليه ,, ما اقول إلا خلف الله على هالزمن

يمكن أنتي بصدمه الحياة الجديده
أستهدي بالله وصلي ركعتين وتعوذي من بليس وعسان أمك اللي بكت عشان تشوفك عروس
تبين تحرينها بإنك مطلقه.
باكر لفقدتيه وطلاقك ومحد خذاك راح تتحسفين وتندمين مو كل يوم لك زوج.
قعدي مع نفسك وشوفي الأشياء اللي تكرهينها وقوليله مافيها شي أهو زوجك وله حق عليك.

انا اشوف المشكله فيه و فيج
و المشكله من ناحيته هذا حلها :
حطي ورقه و كتبي عيوبه بصوب و مزاياه بصوب و شوفي عقلج شنو يحكم بالموضوع و تقدرين تكلمينه و تفتحين معاه موضوع صريح يختص بعلاقتكم مع بعض و زواجكم و معاملته لج
و المشكله من ناحيتج:
انج ما تحبين الزواج و لا الحموله و المسؤوليه و التنظيف لابد كل بنت في بيت اهلها لها دور في المناسبات و الترتيب و التنظيف و المسؤوليه ماكو وحده شايله ايدها من كل شي .
و جايز لانج غاصبه نفسج عليه كارهته .. و المحبه من الله .
و الطلاق مو حرام بس ابغض الحلال اللي ما يلجأ له الشخص الا اذا استحالة المعيشه و العشره .

و اسمحي لي على موضوع المعاشره ارد عليج بصراحه ..اذا انتي مأديه صلاتج في وقتها ما تدخل الصلاة الثانيه عليكم .. فيه وقت بين الفروض .

و احنا ماراح نقدر نساعدج لان مبين لنا جزء بسيط من الموضوع مو الموضوع كله .

حاولي اتقبليييينه ترى هذا ريلج حرااااااااااااااااام اتقولييييين عنه جذي شكله انتي تبين واحد عصبي ينومج بطراق ويقعدج بطراق حمدي ربج فيي غيرج مة حاصلهم ريل انا بعد شهر العسل ماسافرت عادي كاني قاعده مستانسه مو كل شي بالمظاهر وسالفت المعاشره شي طبيعي توه متزوج عادي مع الاشهر اليايه اتقل

متزوجه صارلي ثلاثة أشهر و أبي الطلاق

اترك تعليقاً إلغاء الرد