|
|
السلام عليكم ورحمة الله وبركاته
حابه اعرف البنات اللي تزوجوا اشخاص اعلا من مستواهم الاجتماعي واجهو صعوبات بحياتهم من اهل الزوج او الزوج نفسه بالمستقبل ؟
ياريت كل وحده متزوجه شخص اعلى من مستواها الاجتماعي والمادي تحط تجربتها اهني عشان نتجنب الوقوع بمثل الاخطاء او نتصرف في اي موقف يواجهنا
وحابه اعرف راي اهل الزوج وتقبلهم فيج اذا كان الزوج اهو اللي يبيج ؟
بانتظار ردودكم
بس حبيت اقولج دام الريال شاريج وعارف وضعج اكيد اهله بيحترمونج غصب مو طيب لانه احترامج بيكون من احترامه
بالنسبه لو خذيتي ريال غني والله منعم عليه انتي تقدرين تتكيفين معاه يعني من حيث الثقافه والأسلوب وطريقة الكلام واللبس اذا كان المجتمع مخملي وراقي جدا مااحب هالكلمه لوووول
واهم شي ثقتج بنفسج اهيا اللي راح تبرزجج واكبر مثال عندج الملكه رانيا مشاءالله تزوجت أمير مو ريال عادي غني شوفيها قدرت تتكيف
حطي اسمها باليتيوووب وشوفي اسلوبها وذرابتها
يعني ببساطه ثقتج بنفسج مهمه جدا جدااا
انتوا قلتوا الأميرة رانيا
وانا أقولج كذا وحدة خذت واحد اهل بيته متحررين باللبس والسفرات ويمكن اكو اللي احلي منها واكشخ منها
لكن ساعات الريال يدور شي مختلف عن بنات عايلته يمكن الشكل الخارجي او الحشمة او الثقافة او البساطة
بالمجمل نظرة الريال غير عن نظرة الحريم
واللي بتنقد من اهل الزوج وبتقول أش لاقي فيها ترا مردها بتتعب وبتسكت
الفلوس تروح وترد والحسب والنسب ممكن يكون نقطة اختلاف لكن أكرمكم عند الله اتقاكم
وتقبلي مروري
وماتكون مشفوحه كأنها مو شايفه خير كل يوم رايحه لها مجمع وشاريه لها من والى واذا اشترت شيئ او اهدت اهلها شيئ يكون بحكمه وبدونمبالغه
وتحسب ام زوجها معاها عشان تتقرب لها اكثر وتكسر الحواجز االي بينهم
يان يكوون الاهل مع الزوجه او يكرهوونها عيشتها
وشخصيه الرجال اذا كانت قوويه او مهززوزه
يعني الحظ لها دوور
|
المشاركة الأصلية كتبت بواسطة مواصله
 المفروض الوحده تكون واثقه بنفسها وهالشيئ يبين من كلامها وهدوءها وتصرفاتها
وماتكون مشفوحه كأنها مو شايفه خير كل يوم رايحه لها مجمع وشاريه لها من والى واذا اشترت شيئ او اهدت اهلها شيئ يكون بحكمه وبدونمبالغه وتحسب ام زوجها معاها عشان تتقرب لها اكثر وتكسر الحواجز االي بينهم |
اوافق مواصلة الراي
اهم شي الثقة والرزانة والرصانة والاسلوب الراقي والهدوؤء اثناء المحاورة كلها اشياء تلعب دور
والطبقة الاجتماعية والفرق بين اي طبقتين ما تأثر بالشخص الواثق بذاته يعني ياما ناس متحررين بس بناتهم كلش ملش ماكو اسلوب وياما ناس بسيطة بس شوفي اسلوب بناتهم في الرد والحوار العقل اهم شي لاحظي البعض مو الكل والعكس صحيح
احسن شي الوحدة تثقف روحها بروحها وما شاء الله البنات فهالمنتدى ما يقصرون باي جانب من جوانب الحياة 
بس ان شاءالله الله يسهل الامور واهو بالعكس اللي عاجبه فيني شخصيتي واسلوبي وثقافتي هذا الشي اللي خلاه يخطبني
بس كل تفكيري باهله وتقبلهم لي وبالعكس الثقه موجوده وبكسبهم ان شاءالله
وثقتي بنفسي موجوده دام الولد شاريني ان شاءالله اهم بعد يتقبلوني بينهم
واتمنى اي وحده مرت بنفس هالتجربه تطمني وتريحني
عسى الله يريح بالها بدنيا واخره
ومشكورين مره ثانيه عالردود والله يريحكم ويسعدكم يارب
|
المشاركة الأصلية كتبت بواسطة مواصله
المفروض الوحده تكون واثقه بنفسها وهالشيئ يبين من كلامها وهدوءها وتصرفاتها
وماتكون مشفوحه كأنها مو شايفه خير كل يوم رايحه لها مجمع وشاريه لها من والى واذا اشترت شيئ او اهدت اهلها شيئ يكون بحكمه وبدونمبالغه وتحسب ام زوجها معاها عشان تتقرب لها اكثر وتكسر الحواجز االي بينهم |
بالضضضضضضضضضضبط
اخو رفيجتي
طلق مرته عشان هالسببب!!@
اضحكج اذا عندهم مناسبة مايقولون لي الا قبل يوم عشان اتوهق وما اكشخ
هرانية وأفتخر
وبنظرهم العكس!!!!!!!!!! ما يجوفون شهادتي ولا عايلتي ولا فلوس أهلي ولا سمعتهم ولا شييييييييييي
بالعكس يحاولون ينكرون ولا ييبون طاريس هلاشياء ويحقروني حقرهم الله!!!!!!!!!
فمو مهم إهمه أعلى ولا أنزل أهل الزوج للأسف متحيزين إلا ما رحم ربي
يعني انتي المستفيدة إذا اهوه احسن منج
حريم اخواني أنزل بوايد من أخواني بالمستوى الاجتماعي والاقتصادي والدراسي والثقافي وحتى الأخلاقي
ومع ذلك !!!!!!!!!!!!!!
إهما يرتفعون ويطيحون من حظ اخوانا شوي
يعني الاعلى يسحب الادنى لي فوق وإهوه ينزل شوي
فيصيرون بمرتبه وسطى!!!!!!!!!!!!!
من وجهة نظري وخبرتي
وبانتظار راي باقي البنات