متزوجــــــات تفضلو محتاجينكم العرايس

– طبعا لتجهيزج بتكونين مخيطه بـدل الاستقبال ،

خلـي الآوفـر لأول الايام

<< انا خيطتلي 2 اووفـر لأول يوميـن ،، آوفر لأن فيها تطريز خيوط زري و شوارفسكي و صوب الكم مو مبطن التور مع الدانتيل

– و 3 فيهم شغل لبستهم عقب اول ثنتين ،، شغلهم راااقي و الكلف مطرزه و حزام تحت الصدر

– و عقـب هذيلآ كل بدلـي نوااااعــم ، كل بدله فيها حركه تقريبا

– يعنـي –

آول يوميـن لبسـي آكششـخ ثنتيـن و تحسين شغلهم يلفـت

عقبـهـم لبسـي اللي اقل شغل لييما توصلين للنواعـم

>> عـقـب النواعـم بفتـره :: لبـسي البدل البنطرونات الرسميه على قمصان الاستقبال ، الدراريع المطرزه من فوق لتحت ، دراريع الكلـف والشوارفسكي

و استـقـري على النوااااعــم

__________________________

– حزة الغـدا دراريـع مريحين عشان لي دشيتي المطبخ تساعدين خالتج عادي ،، من الفروانيه اللي خامهم قطن اخذي الوان فواتح و فيهم تطريز بس اللي تحسينه مو خساره تدشين المطبخ فيه

– انا لأن غرااامي المطبخ ، استااانس اقص سلطه او اذا خالتي تعبانه اسوي المجبوس بمساعدة خدامتهم ههههه ،، عاد شريتلي دراريع قطن حدددهم عاديين الصراحه مو كشخه من معرض مشرف لأن ريلي يحب يشووفني اسوي الغذا ،، عاد ما ارتاح الا على جذي شي وااسع و ارفع كمومي اقصص و اطبخ

بالعكـس يمكن تقولون ويي انتي عروس ليش مسويه جذي
بس انا طبعي جذي احب المطبخ وآخذ راحتي وهالشي يعشششقه ريلي
و حمولتي يستانسون لي شافووني اساعدهم و اجابل فـ ما اكشخ حزة الطباخ

اما عقـب المغرب لا والله للحين البس بدلي النواعم و اتمكيج و اقعد معاهم لأني ساكنه فبيتكم عندي غرفتين و حتى لما اولد بظل معاهم

^^ آدري طوّلت عاللبس ،، بس عقب العرس كل وحده بتعرف نظام حمولتها و بتتعايش معاه

– نصيحه لا تبدّون الكشخه واللبس على شغلات اهم !

مثلا:: جابلي ريلج بدل ساعتين مكياج ولبس

* * * *

– التعامـل مـع الحمولــه ::

من خلال تجربتـي

1. خـآلـتـج :

ساعديها لي حسيتيها محتاجه شي !

مثلا : تدور شغله مو محصلتها ، قوليلها تبين اسأل لج عنها ؟؟

اذا دشت المطبخ لحقيييييييييييهـآ :: خاله اساعدج بشي ؟؟

طبعا بتستاانـس والله ،، ممكن تقول لج لأ ، بس خلج راعية وااجب

قولي وين المواعين اوديهم الصاله؟ وين السفره؟

– حاااولــي عقـب شهـر العسل :: تسوين عالغدا سلطه بشكل شبه يومي ، يعني لي قمتي مبجر وحسيتي بملل روووحي سوي سلطه و زينيها >> حتى لو ما طلبو منج ،، انتي وريهم السنـع

^^ طبـعـا المطبخ :: بعد شهـر العسـل تقريبا دشووه ،، موو عبالكم من ثاني يوم هههههه

* * * * *

– لـي تبخرتـي قبل ماتنزليـن لهم ،، آخذي مبخرج و حطي فيه بخور يديد و نزلي حطيـه بصالتهـم

عمـي لـي شم بخوري :: يقول يه يه اشهالريحه الزينه عطيني خل اتبخر

^^ الحركه وااايد حلوه ،، حتى خالتي كل يوم تسألني شنو بخورج اشحلات ريحته

* * *

لــي سولفو حمواتج و خالتج ،، لا تقعدين عالوحده ،، خليهم يحبووون قعدتج

سولفـي بالشي اللي تعرفينه ، لا تفلسفين على بو بتسولفين وبس هههه

* * *

لـي حطـو طاولة الجاي والقهوه اليوميـه لا تكثريـن تحسسينهم انج يوعانه

حـددج استكانتين جاي ،، و القهوه براحتج

– اذا خالتج خلصت استكانتها قوليلها : خاله اصبلج بعد ؟؟

* * *

اذا كنتي رايحه بالويك اند لأهلج ،، لي رديتي ييبي معاج حلو او كيكه عطيها خالتج ، قوليلها هاذي نقصه من امي – و شعورها راح ينعكس تجاه معاملتها لج

* * * *

كـل فتره سوي حلو و نزليه معاج لهم سواء مع القهوه آو يحلون فيه عقب العشا

* * *

خلـج وين مارحتي يقولون يحليلها و يحليل قعدتها

لا تقطين نغزات حتى لو شي مو عاجبج

لي تضايقتي لاتنفسين و تقعدين مبوزه ،، ترا عااادي ممكن تصير مواقف تضايقج بحكم انج بالبدايه بس صبري و شوووفي

* * *

لا تصيرين نحيييسه ، كل ما سألوج عن شغله ماتقولين الصج

و لاتزيدين سعر ملابسج و جناطج ههههههه ابيييـخ حركه تقولين بدلتي بـ200 واهي بـ70 ترا اذا عرفو بينقـدوون عليج وبيحسون ان ماعندج ثقه بنفسج

* * *

امممممم

آهم شي والله خلللج طبيعيه لأن هالشي بسرعه يبين

اذا تصرفتي عكس طبيعتج هالشي اشكككره بيكون مبين عليج انج تجاملين او بيحسون ان موعاجبج

و اخيرآ :: ادعي ربج

و احفظي اسرار ريلج ، لاتسولفين معاهم بخصوصيات ماله داعي

و اعتبريهم اهلج و عامليهم بطيب عشان تكسبينهم لأنج فـ بداية الطريج محتاجه تكسبينهم عشان ريلج

و ريلج بيقـدرج حييييل اذا معتبره اهله اهلج ،، خصوووصا امه

و الله يوفقكم انشالله – لا تفكرون واايد هالشي بيطلع تلقائـي والشاطره اللي تحفظ درسي