|
|
مبروك زيادة شؤون الطلبه البنات عندي بالمدرسه دشوا موقع الوزاره عند شهادة تفصيل الراتب ال 100 دينار للدرجه الخامسه الف مبروك….بس ضاق خلقي حنا بعد نشتغل ونتعب وبحاجه للزياده ..مفروض كل اصطاف القسم الاداري..ليش يسببون حزازيات ساوا الكل انا مو حاسده بس ابي العدل …
زين والله على البركه تستاهلون
والله انج صاجه
انا سكرتاريه
والله العظيم
اني اشتغل شئووون طلبه
بس الله كريم
ان شاء الله ماراح يخلونا
كل الإداريات
انا للاسف امينة مخزن الله كريم بس
انا شئون طلبة ما نزل شي
اهيه الزياده بس حق التربيه ولا اي وزاره ؟؟
هذي التربيه حتى بزيآداتها مآكو عدل .. مو كآفي مآلنا كآدر سنع ولآ بدلآت ولا ترقيآت ولآ حتى زيآدات وكل شي يحطونا فيه نصير مثل الجوكر يملونآ بكل فرآغ .. والله مره قعدوني مكآن الوكليه ..!
أساسا إحنا إداريات المدارس مظلومين حييييييييييييل ( شئون الطلبة – السكرتاريا – المخزن – محضرات العلوم – منفذات الخدمة – حتى المكتبات والتقنيات شهاداتهم بكالريوس ومعاشاتهم مو شي ) وإحنا ومعاشاتنا ماتسوى وتفشل وكل وحدة لو تروح لوزارة ثانية تلقى معاشها أحسب بمليون مرة من التربية وماشفنا لا زيادة ولا كوادر ولا أعمال ممتازة وللعلم آنا شئون طلبة و لي 10 سنين خدمة وليما الحين الدرجة الرابعة وإذا عن المكافأة لها 9 شهور و ماشفنا شي ليما الحين مانزل لنا والله ذلونا عليه ماتسوى علينا واخصمو منه الـ55 القديمه مع إن الإخت إفليتا ما قصرت متابعتنا أول بأول على هالموضوع … والمدرسين لما أقرو لهم زيادة 200 دينار انصرفت على طول ولا انخصم منها ولا فلس … آنا ما أحسدهم الله يرزقهم ويرزق الجميع … خواتي مدرسات .. وأتمنى لهم كل خييييييير بس إحنا نبي العدل بيننا بالتعامل والقسم الإداري اهو راس المدرسة ومن غيره ماتمشي المدرسة بس مانقول إلا حسبي الله ونعم الوكيييييييييييييل … والله يرزق خواتنا الإداريات الباقين
بصراحة وانا بعد شئون طلبه حرام لا100ولاشي كلها 50وماكلين منها حرام شلون نطالب تنزل لنا كامله محد استفسر بهالموضوع ليش قاصين منها واللي عندها خبر تقولنا اولازم نشتكي هذا كادر لازم ينزل كامل.
ماكو زياده جذب انا ع الخامسه ومانزل شي