ما بقى شي لعرسي تكفون لاتخلوني :(-تم تعديل العنوان من قبل الإشراف

السلام عليكم
بنات انا تطلقت قبل 12 سنة
ومن هذاك اليوم وانا اهتمامي بنفسي يكاد يكون معدوم
لا اقصد النظافة ولكن من جهة الاهتمام بتوحيد اللون
والسمنة

والملابس البس فضفاض واغلبه قطني
يعني عايشة اكبر من عمري
صح عمري 34 سنة
بس اللي يشوفني يقول 40 سنة
بنات والمعرس بعد التحليل حدد شهر واحد ويبي يعرس
لانه ولد عمي متوفي وهو ابوي مريض
ما بنسوي عرس بس عزيمة للاشهار وبس
المهم بنات مضغوطة نفسيا ما اعرف شسوي
والله متوترة ومتضايقة وما يمديني اسوي شي
ابي حلول سريعة احاول اشتريها
او اسويها والله ما اشتكيت لاحد الا انتم
متوهقة حدي والله

اول شي ألف مبروووك والله يوفقج ويسعدج

حبوبه اول شي تسوينه تبدين بالحمام المغربي وتسويلج جم جلست نظاره للوجه قبل الزفه
وشعرج سوي كراتين يومين بس ويعالجلج الشعر ويعطي شعرج لمعه والاسنان سويلج قوالب تبيض

وبالنسبه لتجهيز من عطور ومكياج وبدل وجناط هذي سهالات بسبوع تخلصينهم لا تحاتين
والله يوووفقج ويتمملج ع خير *

قلبي دكتور يقول لي اقدر اسوي لج نظارة بس بشرة وجهي تعبانةحييل
جافة وحساسة وما ينفع لازم ابر الصفايح بس تكلفتها غالية 1000دينار وفوق جذي كل 3 اسابيع جلسة
ما يمديني
شعري ناعم ما يحتاج كيراتين يعني سشوار يرقع الوضع ههه
وحمام مغربي تقصدين صالون والا اجيب الخيمة بالبيت؟
وجم مرة اسوي بالاسبوع
محتارة حدي وربي مضغوطة حدي

تبين نصيحتي والله مو عن دعــىية ولاشيء تعرفين التاجرة غراس اخذي منها
مجموعة مون لايت ثنتين وحدة لوجهج ووحدة لجسمج واخذي لالئ الصابونية واللوشن والله تهبلل تهبلل وعن تجربة واذا ميزانيج ماتسمح اخذ المووون لايت هي للوجه بس استخدميها للجسم وبتدعيلي
والله يوفقج ويهنيج يااارب

لا حبوبه الكراتين مو حق بس الشعر الخشن هم للي شعرها ناعم واذا سوتيه مايحتاج حتى تسوين استشوار بس تنشفين شعرج 
والحمام المغربي عادي اذا بتسوينه بصالون او تجيج وحده للبيت بالشهر سوي مرتين بس وراح يبين معاج الفرق

اذا بشرتج جافه استخدمي مرطب فتامين سي تلقينه بالصيدليه او العطار بس تاكدي انه الاصلي وبالنسبه للنظاره لااا تغزين ابر سوي تنظيف بااحماض الفواكه ونظاره للي تقدرين عليها لموعد زواج
*

الله يجزاج خير انا نصحوني بصابونة شقرا ومزيونة
طيب المون لايت عبارة عن شنو بالضبط؟
عسى ربي يبارك لج ولا يحرمج الاجر ياغالية

طيب باذن ربي اسوي حمام مغربي
والكيراتين
شريت كريم سيتافيل وغسوله
وباذن ربي اشتري فيتامين سي من الصيدلية لانه اضمن
عسى ربي لا يحرمج اجر تفريج كربة

الله يوفقج ويكتب لج السعاده

خلج مع الحمامات المغربيه وانا من رايي روحي عيادات للبشره اسرع من الخلطات والكريمات خصوصا ان الوقت مايمدي

الف الف مبرووووك نصيحه مهما اهتميتي بنفسك وسويتي اهم شي خلي عينك ع روحك حتى بعد الزواج واهم شي الرياضه لاتتركينها او راح تتعبين نفسيا طول حياتك الله لايقوله …يعني اهتمام دااائم… وربي يسعدك ويهنيك

ألف مبـروك

الله يتمم لج على خيـر يا رب

حبيبتي الله يوفقك و يسهل عليك و يرزقك كل خير يااا رب

بالنسبه لمظهرك الخارجي آستخدمي الخلطات اللي قالوا عنها البنات

أو أي شي ثاني تحبينه بس المهم يجيب نتيجه

و سوي حمامات مغربيه مره وحده بالآسبوع

و كل يوم آستخدمي الخلطات اللي قالوا عنها البنات مع الترطيب و الحمايه و غيره

من الحين بلشي تشربين عصير سيزر برتقال بالجزر و كثري من الكميه قبل عرسك ب 10 آيام

حطي ماي ورد بمرش صغير و حطيه بالثلاجه و رشي على وجهك كل شوي و مع كل وضوء

آلفازلين و الدلاغات لا تطيح من رجولك و كريم الحمايه و الترطيب للوجه و الآيدين كذلك

و شعرك ممكن تسوين له جلسه كولاجين << كولاجييين مو كيراتين عند الصالون يعطي لمعه و نظاره للشعر

تقدرين تآكلين حبوب خميره و فيتامينات و حديد عشان تساعدك على تعويض اللي فاقدته من فيتامينات

بخصوص التجهيزات الباقيه عندك كل المحلات مسوين عروض و خصومات الحين

بآث آند بودي وركس ، سنتربوينت ، لاسنزا و نعومي ، و بيضون ، شكثثثر حتي المعارض و المشاغل النسائيه

شغالين الحين على قدم و ساق عشان العيد فاستغلي هالوقت و مري عليهم فصلي كم دراعه و كم بدله

و بنفس المعارض فيه تلقين اكسسوارات و مكياج و شناط و كل شي ممكن تحتاجينه

أنا نفسك عروس و قاعده اجهز مع انه من زمان محددين عرسي بس توني ابلش تجهيز و ما بقي لي شي

عرسي شهر 11 بس بديت الحمد لله من قبل رمضان بس باقي لي آشياء اقدر اخلصها بسرعه

و الله يوفقنا واياك لكل خير و يسهل أمورنا يا رب و أي شي تحتااجين لا يردك الا الكيبورد

مبرؤؤؤؤؤؤكك والله يوفقج