|
|
احساس بايخ ،، بس احس فيه احيانا
وحبيت اعرف
انتوا بعد تحسون فيه ؟؟
وقت الزعل ،، وقت العصبية ،، وقت النغزات عند الحمولة ولما تييلهم حالة الرسمية الزايدة
( ماشالله عليهم الحمولة عرات مرة اصير بنتهم ،، ومرة وحده اول مرة يشوفونها بحياتهم !! )
ما تحسين نفسج احيانا
او تطري على بالج فكرة
( اول وتالي مهما صرت زوجة زوجي وام عيالة ،، انا بالنهاية غريبة عن هالعايلة ،، وممكن اصير غريبة عن زوجي لو الله لا يقوله انفصلنا اكيد برد اتحجب عنه وممكن آخذ ريال غيره )
بالذات احيانا تمر ظروف
بينه وبين اهله
ما احب اسأل واعرف شالسالفة ،، لان في قناعة نفسي معرفتي بخصوصياتهم ماراح يقدم ولا يأخر بالموضوع
بس هم اييلي احساس
بالنهاية
انا وحده غريبة ،، لي حدود ما اتخطاها
لاني مقتنعة في امور مالها اهمية اني اعرفها ،، فليش اللقافة الزايدة
مهما قالوا انتي بنتنا
انتي اختنا
انتي مرت ولدنا
هم بالنهاية انا غريبة
والله ما ادري ليش ساعات احس
حتى بقمة المشاعر الحلوة مع زوجي
لو اقعد بعدين بيني وبين نفسي اقول
ممكن زوجي ياخذ غيري
وممكن آخذ بعدين غيره
ونرجع اغراب مثل قبل لا نتزوج !!
انا ما قلت انه هالشي بيصير
بس
ممكن انه يصير
بالذات عقب ما شفت وايد بالعايلة بنات كبري واصغر مني
كانوا يموتون على ازواجهم وازواجهم ما يستغنون عنهم
فجأة
سمعنا انهم انفصلوا
ومحد فيهم يداني الثاني
!!!!!!!!
انتي وين تشوفين نفسج ؟
هل بالفعل اييلج احساس انج في نهاية الأمر انتي غريبة ؟؟؟
لما تزيد المشاكل او يصير سوء تفاهم اييلج احساس انج مجرد زوجة زدتي عدد العيال لهالعايلة وخلاص ؟؟
ما ادري ليش
فكرة غريبة ويديدة صايرة تييلي
مرة تناجرت على الخفيف مع زوجي
جان على ضحك اقوله
تدري اني اكتشفت شي ؟؟
قالي شنو ؟؟؟
قلت له مثل ما الخدامة ما تعجبنا ونرجعها المكتب ،، وندور غيرها
ممكن الزوجة بعد فترة يرجعها زوجها لأهلها ويدور ياخذ غيرها
اهو ضحك
بس انا قلت
شالفكرة الغريبة والتشبيه الغريب اللي يه على بالي !!!!
آخر شي
ادري ان موضوعي غريب
بس صارله جم يوم يخطر على بالي وحالة المنتدى الغريبة ما تساعد على الكتابة
بس قررت اليوم اني اكتبه
بشوف
هل انا فعلا غريبة ؟؟
والله عقب كتابتي للموضوع
اكتشفت اني مو بس غريبة
الا
انتيكة بعد
ههههههههههههههههههه
بس المهم
طلعت الكلام اللي بقلبي
ويخطر على بالي
عاد تدرين وايد تعجبني مواضيعج وافكارج
ثاني شي احس مادري يمكن لاني ماجربت هالشعور وتوني بنوته عزوبيه 
بس اذا انتي كنتي مو مقصره مع زوجج ليش تفكرين هالتفكير انه بيتزوج غيرج او انج غريبه ..؟!
وثاني شي الله يوفقج انشاءالله معاه وعقباال ماتشوفون عيال عيال عيال عيال عيالكم ياارب ويرزقكم الذريه الصالحه
وشيلي هالوسواس من راسج لا اتلج من عنقوصج عشان لاتتعبين بعدين هذا بليس يوسوس لج
بس انصدمت من موضوعج هذا نوعا ما ترا انتي موغريبه يمكن في بعض الحريم يحسوون بهالشي بس دام واااثقه من نفسج شيلي هالاوهام من راسج ياحياتي
والله يوفقج يارؤوحي
شي طبيعي راح اتحسين ابهالشي
بس اذا احتكيتي فيهم وايد واهمه صج معتبرينج مثل بنتهم جان ماحسيتي انج غريبه بالعكس جان حسيتي انهم اهلج وتاخذين راحتج وياهم
الغريب ان لو انتى تصرفتى بهالتصرف زعلو منج و ياخذون منج موقف و يشتكون منج لزوجج و انا هالشي شفته بعينى
واونسهم بس ارجع لبيتي احس بالاحساس هذا مادري ليش وهم ناس مسالمه وايد
يعني ماتسولف وايد فأمل من جلستهم وانا من النوع اللي اكشخ وايد وذا طبعي
وهم على البساطه يقابلوني فأحس مو مرتاحه لانهم بس يطالعوني
بس لاني ماتعودت عليهم حييل … !!
يمكن لا ولدت يتغير هالشي
اما حمولتي داااااايم احس ويحسسووني اني غريبه
واااي لاتفكرين جذي الا لا يقوله
انا ييني هالاحساس وايد مع الحموله مع انهم واييييد حبوبيييين معااااي بس مادري انا من الاول عندي احساس اني اتم غريبه عنهم فخلاااص تعودت ماحب ادش بتفاصيلهم .. وتصير مواااقف وايد يسولفون جدامي او يفضفضون لي وانااا ساكته وودي هم لو اني ماسمع ماحب ادش بتفاصيلهم
بس مع ريلي لا عمره ماياني هالاحساس والله لا يقوله ونصير اغراب عن بعض
بالنسبة لزوجى احس انه اقرب من اقرب الناس لى
يعنى باختصار علاقتنا مو زواج وبس
لا
الزواج شكل واحد من اشكال العلاقة بيننا
لانى جد احسه ابوى واخوى وعمى وخالى وصديقى وحبيبى
وحتى حواراتنا
احيانا تكون حوارات اصدقاء
واللى زاد هالشئ ان ربع زوجى جدا محدودين وانا كذلك وهالشئ قربنا اكثر واكثر
بالنسبة لاهله اعاملهم بالحسنى بس مانى شاغلة بالى فيهم وايد
|
المشاركة الأصلية كتبت بواسطة ( مي )
 لو اقعد بعدين بيني وبين نفسي اقول ممكن زوجي ياخذ غيري وممكن آخذ بعدين غيره ونرجع اغراب مثل قبل لا نتزوج !! |
يؤيؤ والله ظيقت خلقي هالجمله 