ما ادرى شنو الاحسن قولولى ؟؟

طبعا تدرون تنى تونى جاهضه صارلى تقريبا 3 اسابيع والحين بديت انظف وطبعا الريل ناطر

المهم ذكرى زواجى بعد اسبوعين فما ادرى انطر مره وحده الاحتفال ولا اذا نظفت اخليه عادى بس طبعا من غير نيو لوك ويوم زواجى اسوى اللوك اليديد وغيره

ما ادرى شوروا على

وشنو اسوى باللوك اليديد والافكار الحلوه

حببتي بطه اللى أعرفه أن اللى تجهض تقعد 40 يوم عرفتي فتره نفاس

>>>>> صح اني للحين ما تزوجت بس عندي فكره إن شااء الله تطلع صح

هلا والله لا اللى تولد تقعد 49 بس الاجهاض لا متى ما نظفت خلاص

لا حبيبتي سوي النيو لوك لما تنظفين وكأنك طالعة من النفاس لأن ريلج قاعد ينطر …ويبي يشوف شي جديد ومتشوق…..بس عيد زواجكم كل سنة يجي ومتوقعه……..

سلامات وموتشوفين شر ولله يعوضج
بطة لا الى تولد نقعد 40 يوم مو 49 اما بالنسبة للإجهاض ما عندى فكرة اتصدقين عاد لم اجهضت ما ادرى شالسالفة وكانت ما شية عادى انتى جم يوم صار لج الحين ؟ اذا وايد اقول سوى نيولوك الحين وذكرى زواجكم خليها بسهره حلوة

انا مع راي انا كويتية .. و الله يعوضج خير ان شالله يا بطة

الحمد لله عالسلامة أختي بطة

أنا من رايي أنك تبهرين زوجك بطلاعتك وبيوم زواجك..

أكيد سوي النيولوك حق طلعتج وذكرى يوم زواجج فكري لها بشي ثاني بس انا عندي المناسبه الاولى أهم لان بعد غياب طويل لازم تغيرين
وموفقه حبيبتي وعسا الله يعوضج خير

سلامات يا عمري والله يعوضج خير حبيبتي

خلاص شوركم وهدايه الله نسوى لوكين اشعندنا زياده الخير لوكين

ام الطيب بارك الله فيج والله يرزقج الذريه الصالحه

الحمدلله على السلامه بطه أجر وعافيه والله يعوضج ان شاء الله واعتقد لازم تنطرين تنظفين كلش 40 يوم وبعدين احتفلي وربي يسعدج ان شاالله

اميره وى انطر 40 يوم مافينى صبر يعنى لا ريل ولا ياهل استانس عليه ,,,

على العموم ليه الحين ما نظف الظاهر حسدت روحى

انا اقول نطري ليمن تتاكدين واذا نظفتي سويه واعتقد عيد زواجك بعد اسبوعين يعني ماكو فرق بس تاكدي من نظافتج وعسى ربي يعوضك ان شالله ويرزق ام الطيب

الله يعوضج ان شاء الله باللي احسن منه وهذه يمكن خيرة فيما اختارة الله لك ,,, على العموم انا اجهضت شهر 11 اللي فات من سنة 2024 وبصراحة الحين حامل وهم خايفة بس ماخذة حذري ,,, بس الدكتور قال لي لا تفكرين تحملين في الوقت الحالي الا لما يطوف عليج 3 اشهر عشان اذا حملتي بعد الاجهاض على طول احتمال تجهضين مرة ثانية هذا كلام الدكتور وبصراحة انا خليته 6 اشهر بدل 3 ,,, انتي سوي النيو لوك بس احذري من الحمال على الاقل طوفي شهرين احسن حق صحتج ترى الرحم يتعب والاجهاض يعني ولادة كاملة ترى هذا للعلم …. الله يوفقج ان شاء الله ويعوضج خير يارب

ام هلول الحمد لله نظفت وصليت خلاص …

كشمشه الله يسلم ويتمم لج على خير …. انا هذا ثالث اجهاض لى وقعدت بعد الاول 6 شهور وبعد الثانى 4 شهور والحين ما افكر كلش تعقدت
الله يتمم لج على خير