|
|
السلام عليكم ورحمة الله وبركاته
خلونا نتناقش ونتوصل لي نتيجه .. كل وحده تحط المشكله وتشوفها بمنظارها وبمنظار زووجها اذا سألته او تعرف طريقة تفكيره
هي مو مشكلة بس اغلبنا نعاني منها ..
مرة من المرات استوقفني موضوع عضوة معانا .. ان زوجها مايحب اكلها او مايعجبه مع ان مايعيبة شي وهي فنانه في الطبخ وبشهادة الجميع ..
ومرة شفت ايضا في منتدى ثاني عضوة زوجها مايعجبه العجب ..
انا شخصيا خطيبي مايمدحني اذا طبخت له على الرغم ان يطلب مني الحلو .. وحق ربعه وحق الدوااام .. ويطلب حلو معين بذاته اذا انا سويته من قبل .. ولا حتى كلمة شكرا .. لا تقولون ماعودتيه لان انا في كل شي يعطيني اياه اشكره عليه وشويه مدح وكلام حلو .. لكن عمك اصمخ .. ماقالي نفس الشي ..
وازيدكم من الشعر بيت اذا اخته سوت نفس الحلو يمدحها ويعلن اشكره والعين ترى ان اخته احسن وحده حق الحلو .. بذمتكم شي مايقهر ..
هذي اول نقطه ..
ثاني شي زووجي ذوقه موب حلو .. او نقول موب دائما .. طبعا انا مايعجبني الي يقول عنه اذا رحنا نتسوق ملابس او عبايات .. تخيلو اتصادم معاه اذا رحنا حق العبايات يصر على رايه ويبيني اسويه الي يبيه لكن هيهات طبعا انا افوز ..
ومرة طلعنا يوم العيد مع صديقه وزوجته تخيلو عباياتها قديمة ومافيها شي تخيلو لي يومكم ذي يحن علي يبي الا نفسها .. وانا اصرف اصرف فيه ..
هذي النقطة الثانية
صدقوني انا مو مستاءة .. بس ساعات يصير في خاطري يقول لي شي حلو عن الحلويات الي اسويها .. او اي طبق مالح اسويه .. واخته يتفنن في مدحها .. شاسوي هذي قسمة الله
اتمنى اسمع آرائكم عن هالنقطتين ..صدقوني ماعندي مشكلة بس هذي سلبيات الخطوبة تطلع سلبياته من بداية الملجه .. وللعلم اني مالجه من 8 شهور وزواجي بعد 3 شهور ..
اختكم بنت شيوخ
فيه رجال ماايحبون بالمره يمدحووون شئ ولا يعجبهم وحتى لو عاجبم تلقينهم ماايتكلمون عنه بس يتكلمون عن الشئ الشين
يعني هذا طبع فيهم والسلام
وفيه ازواج حتى لوزوجته تسوي شئ مو ذاك الزود بالاكل او باللبس يقووولهاا حلو ويقعد يمدح فيها ويشكرها حتى لو مو عاجبه هالشئ
وهذا طبع حلووووو وناادر
ماتقدرين تغيرين الطبع حبوبه الا بعد ووقت طويل
وبو اطبيع مايجوز عن طبعه … صح..؟
خالي ما شاء الله تبارك الرحمن زوجته جمال ودلال ودلع وسنع ما شاء الله كاملة والكامل الله ما يمدح ها الا بالسنه حسنه وهي عرفت طبعه تقول انا عارفه ومتأكدة انه يموت فيني وما يستغنى عني بس جرعة الثقل عنده زايدة شوي ولا كلمته وتناقشت انا واياه يقول ما ابيها تشيخ علي والا لو الف الارض ما الاقي نفسها
مشكورة دلوعة زووجها وكلامج عين العقل وصحيح 100% بوطبيع مايجوز عن طبعه
حبيبتي انفاسي دخووون .. تسلمين الي حسيته بالضبط نفس خالج
للعلم كل اهل زووجي يمدحوووني وحتى ابو زووجي يقول حق امي مانرجعها لكم لو شنو صارت مناا ويمدحني وانا العزيزة الغالية لكن ولده .. بالضبط الج حسيته نفس زووجي ..مايتنازل والثقل جرعته زاااايده فعلا
فديتج ماقصرتي ونورتي الموضوع
كيكة تووفي شاكره لج مرورج العذب
احتاج لدعمك وتأييدك عشان ابدع<<وبهالغشمرة بتلاقينه يعلق وان نسى هم ذكريه واول ماتحطين الصحن بعد اول لقمة باغتيه هاااااااااااااا شرايك حلووو موو والله بالغصب ضبطته وبيتعود كل ما كلا يطالعج ويقول حلو تسلم ايدينج وقوليله بالعافيه
وترا يوعتوني
فديتج اشتياق ويا حلو كلامج
تصدقين يوم الجمعه سويت حلو .. وهو اول وااحد يذووق وبعدها زوج اخته ضاق الطبق الا قمت طالعته قلت له حلو .. تخيلي شنو رد علي قالي زين .. بس كلمة زين وحطي تحتها مليون خط عاد سويتها حق بيتنا اخوي قام يمدحني ويقول كلام حلو .. والله جبر بخاطري
ودايما اقول اخوي دايما يمدحني ويقول تسلم يدج حتى لو موب حلو تصدقين
على العموووم ..ونستيني وريحتيني والله الله يريحج دنيا واخره ابوي
ولوووو العفوو ماسويت شي والله يجزاج خير عالدعوه الحلوة
بالمختصر سوي الي يبيه بذوقه وفيه لمسات من ذوقج عشان اثنينكم ترضوون
واذا على المدح والكلام الحلوو هذا طبعه ويمكن يستحي يمدح فأنتي بس تسوين شي قوليله شرايك حبيبي فيه ؟
واكيد بيقول رايه يا عمري ,,
والله يهنيكم ياارب ,,
استغفر الله مايعرفون الا التحطيم شكرهم واذا راحوا لاهلهم ماشاء الله يطلع الاسلوب الحلو استغفر الله اتذكر مره اخت زوجي طبخت طبخه الله لايبلانا ماتنوكل تخيلوا غصبوني اكل وبطني عورني اكل مااستوى وكله ثوم يع يع ياربي
ومن جا واخته كيف العشاء وهو طايح له مدح فيه وانا ياعمر ي لو شسوي مايمدح لازم يطلع عيب مع ان طبخي حلو واكبر دليل انه يطلب نفس الطبق مره ثانيه <<قالت قصة حياتها
وحياكم الله ..
توتا سعودية الحال من بعضه حبيبتي .. عاادي .. كلهم هلون
والله يجبر بخاطرج ان شاء الله