ماهي طريقة المعاشره الصحيحه للحمل ؟

السلااااااااااااااااام عليكم

وانا اسفه على جرئتي لطرح هذا النوع من الاسأله

انا متزوجه وصالي شهرين تقريبا واستغربت انتي ماحملت لماالحين

للعلم انا خواتي وبنات عمي وبنات خالتي كلهم باول شهر يحملون

ومستغربين هم باني لما الحين ماحملت

فما ادي يمكن من طريقة المعاشره !!

انا مع احترامي للكل واسفه على جرئتي هذي … بس من حرجه اسأل احد من اهلي

فأن شاء الله القا حل عندكم
يعني مادري انا زوجي يعشرني طبيعي بس المشكله انه الكته تطلع ماتدخل داخل

انا اسسسسسسسسسسسسسسسفه على هالموضوع بس ابي اعرف الحل لو سمحتو

اول حللي هرمون الحليب تاكدي

وطريقه الجماع على الظهرررررررررررررررررررررررررر افضل للحمل

الاحسن وضعية السجود وبعدها حطي مخدة تحتج وظلي جذي
بس انتي توج حبيبتي لا تقعدين توسوسين ترا التفكير يأثر

بعدج عروووووووووووووووس

تو الناس عليج

تو الناس ما مداج تزوجتي .. صبري عالاقل سنه يالله تبلشين تحتارين ليش ما حملتي

تو الناس حبوووووبه …

شلون طريقه السجوود ؟؟

اولا اللي يكون رحمها في وضعه الطبيعي تكونين على ظهرج واذا خلص تحاولين ماتقومين لي الصبح ، واذا رحمج مقلوب او موفي مكانه الطبيعي(وهذا شي عادي ) تنام بوضع السجود يعني (فرنسي) وبعدها تظلين فتره ربع ساعه تقريبا طبعا هذا كلام الدكتور أو بعد مايخلص وانتي على ظهرج رفعي ريولج على تاج السرير نفس الوقوف على الرأس والدكتور قالي ان الحيوانات المنوية 80% منها مفقود يعني طبيعي يطلع بره، والله كريم ومو كل الناس مثل بعض والله يرزقج انشالله بالولد المعافى الصالح يارب

الله يرزقج

الله يرزقج الذرية الصالحة ، عادي أي طريقة تصلح مادام المني داخل بس لا تقومسن بسرعة ظلي ساعة منسدحة

اولا حبيبتي كل جسم غير عن الثاني عادي انا اهليي كلهم يحملون بسرعه وانا طولت..
افضل وضعيه السجود

الله يرزقج ويرزقنا ويرزق كل محروم يارب
وتوج عرووووووووووووووسه واذا تحاتين روحي طبيب

انا اقول تو الناس حبيبتي استانسي بزواجج وبعدين فكري بالحمال على الاقل سنه مو اكثر

اول شي انتي توج وثاني شي ليش شايله هم الحمال جذي وبعدين اذا هلج نوعهم ابسرعه يحملون فهذا من رحمة رب العالمين هو يرزق من يشاء ون شاءلله ما فيج الا العافية بس انتي لا تقعدين تفكرين وتحاتين من الحين ديري بالج ترا التفكير ينعكس عليج وتقعدين توسوسين ولا سمح الله وعلى كلام الدكتوره ادقول ان الوحده اذا فكرت متى احمل وليش ما حملت وهذه الاشياء كلها سبحان الله كانج ادقولين لجسمج انا مابي احمل ويبدي الجسم يستجيبفأنتي حاولي انج ما تفكرين وايد وتخلين التفكير يأثر عليجوربي يرزقج الذريه الصالحه ان شاءلله عاجلا غير اجل يارب ولا تنسين الدعاء في الثلث الاخير من الليل

انا مع الاخت بالوضعيات بس دكتورة مهجة قالت لي انه معظم الحيوانات المنوية تدخل و الماي اهوا اللي ينزل
كل دكتور على كيفه

شكرا لكل من شارك بالموضوع وانا نفعني ردكم وايد