|
|
السلام عليكم ورحمة الله وبركاااااااااته
موضوعي بتكلم فيييه
عن الأشيااء اللي سويتيهاا أثنااء اول شهر لأاخر شهر من حملج
وقلت انا سويت جذي اكلت جذي
قالولج وخرعووووج يتشووه الجنين يصير فيييه جذي وجذي
يعني مثل بندووله بالغلط خرعووج منهاا
اكلتي دارسين وماتدرين او ماهتميتي اتكلتي على الله
أي شي
ياليت تذكرين الشي وشنو طلع عقب ولادتج
وكل شي بيد الله الواحد الاحد
والصلاة والسلام على سيدنا محمد وعلى اصحاابه اجمعييين
السلااااااااااااااااااااااام ……………….
نبهتني انه موزين علي الريج و ما كانت تدري اني حامل
لمن سويت سونار و لا المشيمة فيها انفصال خفيف
بس الحمد لله الله تمم علي
البندول موزين <<<< شكثر اخذ وماضرني
مافي علاج للحامل لمه تمرض او تنتشل بالعكس وايد علاجات خذيتها ومضادات وعيالي مافيهم الا العافيه
في ناس وايد يشيشونج انج ماتسمعين كلام الاطبه ولاتاخذين علاجهم مالج شغل الطبيب اهو اكثر واحد يعرف مصلتج وابد
مايصرف شي غلط
خرعوني من الفراوله والمنجا وبولدي الله يحفظه كليتهم لين شبعت وكاهو حبيبي يراكض جدامي
همممممممممممممممممممممممممم بعد شنو فيه وايد سوالف بس ماذكرها
وخرعوني بالكيوي والاناناس لان ينزل الحمل
والشاي الاخضر لاني متعودة اشربه قالوا لا انزل البيبي
والروبيان والاكل البحري لان حار على البيبي
بس كله خرابيط على قولت يدتي كل شي كلينا وماصار شي.
يختلف من وحده لي وحده
وسلامتكم
وعقب من دريت اني حامل وقفت ماخذيت ولا شي
وللحين ان شاء الله ماياثر وقلت حق الدكتور قالي ان شاء الله عادي ماياثر ادعولي
رحت مره اشتري بندول كولد اند فلو وانا بالسابع .. الصيدلي عصب و قال انتو الامهات ما تعرفون شي و ما تسمعون الكلام … هونت ما شريت … عقب مده رحت للطبيب و لما سألته قال عادي لان انتي عديتي الاشهر الاولى !
ما عرفنا لهم !
الستر من رب العالمين و الله يحفظ الجميع
والله انا اول مرة حملت كل يوم ايام البرد اشرب حليب مع دارسين و مع ان خالتي كانت تشوفني بس ما نبهتني
اخر شي عرفت ان البيبي نزل من الدارسين بس بعد اقول ان الله مو كاتب له يعيش
و عن نفسي حاليا ما استعمل شي او اكل شي الا لمن اتاكد انه زين للحامل
أب
تجارب الباقي
وأنآ طووول حمآآآلي تقريبا كل يومين أسوي لي أنآنآس طآزج وآكل
لمن أقول بس لوول
ومآصآر فييني أو في بنتي شئ !!
جان تقولي اكلي اللي تبين لاتحطين بخاطرج شي بس لاتكثرين منه يعني انتي ماراح تاكلين كرتون اناناس مثلا
بس صج فيه شغلات مو زينه مثلا كثره الدراسين ..
بس صج صج الله سترر كنت اشتغل حيل واكرف في البيت ومرات انسى اني حامل وقدر وجتني طلوق بالسابع لولا رحمه الله جان ولدت بالسابع من اهمالي بس الحمد لله اول مادخلت التاسع بعده باربع ايام ولدت من فضل الله وبنوتي بصحه وبعافيه ..
انا قالوا لي الحامل ما يصير تعالج اسنانها بس غلط هالمعلومه الطب تطووووووووووووووور يااااناااس
بس نصيحه لكل حامل تهتم بافيتامينات والكالسيوم لان من الشهر الخامس تبدى تعورج ضروسج لانه البيبي قاعد يسحب منج كل شي
الحامل مفروض تنتبه لعمرها عدل والشغلات اللي تخرع توخر عنهاااا
وحده بالدوام قالت لي مو زين على الجنين
و هالحمال رحت حق د معصومه مخصيد و سألتها
جان تقول لي .. عادي انتي ما راح تشربين 10 أكواب حليب صويا
بس قالت لي ابتعد عن الجزر لأنه فيه فيتامين ألف و هو مو زين على الحامل