ماهو مقياس الرجولة في نظركم؟

بنات الموضوع الي يايبته اليوم حساس وايد وايد اب هالايام و ابي اعرف كل وحده شنو مقياس الرجل.

يعني هاليام صج الي قاعد اشوفه الشين طاغي على الزين و مافي واحد مثل قبل ريال قول و فعل ولا فوق جذي مايسوي لج الشي و الا متأكد انه له مقابل؟!

انا عن نفسي اقول لكم شغل اي قبل كنت احسب المظاهر اهي كل شي بالريال اطلعت المظاهر رخيصه.

الحين مقياس للرجوله مو الشوارب ولا الشكل انما الرجوله بالكلمة و المسؤولية في ريايل وايد مايعيبهم شي بس لحد الحين عقولهم عقول مراهقين و مايبون يتحملون مسؤوليه يبا اذا انته موقد المسوؤليه لا تتزوج و تلعوز بنت الناس.

يعني الحين اعرف رفيجتي كاسرة خاطرة مع هالريل الله يسلمكم تزوجت و تعرف هالشخص لمده اسبوعين بس لاغير و تقدم لها تخيلو حملت منه يعني صارلهم مالجين يعني بو شهر شهر ونص ولا الحين من قبل جم اكتشفت انه ريلها يكلم وحده الحين تقولون شلون درت؟!

الله يسلمكم البنيه خلال اشه حملها صارت وايد شغلات شككت انه ريلها قاعد يخونا ياتلقى بالسيارة كلنكس فيه***** عاد فهموما راحت حاجت امها و قالت لها يما لقيت بالسيارة كلنكس فيه**** المهم قالت لها يابنتي الريال مايصير معاه جذي لا بحالتين يا بكريم او ابنيه يعرفها, البنيه دورت بالسيارة مالقت كريم اكيد الجواب الثاني, هاذي سكتت عنها و المرة الثانيه يتحجج مرة زايره بيت اهلها ولا تدق عليه مايرد عليها و حتى اذا رد قال لها انا مشغول واخوها الصغيرون يعرف وين يعربد ريلها شافه وين بالصاله البلياردو و تخيلو الوقت متأخر لي الساعه 12 بليل و ادق عليه ولين اخوها الصغير تله معاه, ثاني شي يبط جبدي تقول لي مايطلعني و حتى اذا طلعو اهيا الي تدفع يعني موقد المسؤولية يقول لها ناسي بوكي ( ويعهههه) المهم و الموقف الثاني تقول لي مرة ريلها رايح من العصر و يرد الليل و امه المصونه حاطه العيب على رفيجتي تقول لها ليش تخلين ريلج يطلع برة وايد البنيه شتسوي موبيدها,ولا يوم من الايام ايلكم يا بنات ياخذ جنطته و يحط فيها فوطه و ملابس داخليه و قالت لها حق شنو رد عليها قال لها عندي شغل بالمكتب تقول لي تبي اتعرف شنو سالفه المكتب طلع لا مكتب ولايحزنون يقص على المسكينة, مرت الايام و قرب موعد ولادتها تخيلو من شهرها الثامن اب بيت اهلها ولا وايد عليه طلعها مرة حق سوق شرق عشان يمشيها و لمده ساعتين و رداها البيت ( بذمتكم شنو هذا ) و يا يوم ولادتها و يابت صبي الله يخليها لها و يحفظه ياربي المهم ولا تقول له ابي اشوف تلفونك و كل مرة تطلب تلفونه يردها و يسوي من الحبه قبه و استغربت المهم خذت الموبيل قالت له ابي ادز صورة وليدي حق تلفوني و تروح تفتش بالتلفون و لا تروح حق الرسائل المرسلة و الطامه الكبرى انه اخوها داز رسايل غراميه حق وحده و قايللها انه متزوج و يبي يطلق زوجته لانه بينهم مشاكل شسوت خذت الرقم و دزت المسجات نسخ حق تلفونها, و تدق عليها و تسألها أنتي من متى تعرفين ريلي قالت لها من شهر 11 يعني ماصارلهم مالجين شهر و المسكينه ماخذه قرض 3الاف دينار و معطيته اياه و سألتها انتي نايمه مع ريلي قالت اكيد لأ ولا بالتلفون قالت امبلا بس بالصج لأ.

و لحد الحين المشاكل دايرة و اخوها درى و سجل المكالمه و يوم ايا يزورها سأله و قال له انته تعرف وحده غير اختي اول شي قال لأ قاله اكيد ولا يسمعه تعرفون شلون بقق عيونه مو مصدق.

و من قبل جم يوم مسويه حفله نون حق وليدها ولا بنت خالتها قالت لها ابي اييب لج هديه مو مكررة ولا تيب لها مصورة ولا ام ريلها ييت مع بنتها و شريجتها و قاعدين يتمقلون لين شافو المصورة نادت رفيجتي اب نفسيه وتنزرها تسألها انتي ليش يايبه مصورة ردت عليها بنت خالتي يبتها هديه عشان وليدي ولاتقول لها انا الحين ماشية و رفيجتي قالت لها و العشا ترد عليها لا لا مماقدر الوقت تأخر و تمشي (لعنبو دارج احترمي اهل البيت) المهم و مشت بو 10 دقايق ريلها دق مو امه شاحنته و من يومتها يدق عليها و اعتذري حق امي. بذمتكم يا بنات شرايكم برياييل اليوم

و ادري طولت عليكم بس اتمنى الكل استفاد.

الحين اب اعرف شنو مقياس الرجوله حقج انتي؟؟؟

تحياتي و سموحه اذا طلع كلام مني ولامناك

ريايل اليوم ماعندهم غيره عل اهلهم
وبعد بس يحبون نفسهم مااتحسين انهريال بمعنى الكلمه
وفى فئات زينين لا نظلم احد……………..

اول شي الله يعين رفيجتج على ريلها وثاني نصيحه خل تراجع نفسها يمكن اهي مقصر معاه بشي اللي خلاه يشوف غيرها ….

وثاني شي انيي على مقياس الرجوله …. الرجوله يا حبيبتي اهي …

اخلاق الريال الطيبه و اهتمامه بزوجته وبيته و غيرته عليهم ويحب لهم ما يحب لنفسه .. و شخصيته اللي تهز هز لى مشت معاه ولى سمعت عنه عند الأهل والقرايب والناس ….

مسكيييينه رفيجتج الله يعيينها بس لاتسكت له لازم اخوها او اي احد من اهلها يتصرفون ويحطون حد له
مالت على هالنوعيه من الرياييييل متزوج ويخون زوجته ماادري شنو يسوي لو مو متزوج
كرهت الرياييل والزواج مالت عليهم صج

والرجوله ماعتقد لها وجود بزمنا هذا إلا القليل والرجوله ريال بمعنى الكلمه يخاف الله بزوجته ويحافظ عليها ويغار عليها ومايخونها

الله يكون بعونها رفيجتج بس شعقبه بعد ما يابت ضني منه
الله ييسر أمورها ويسخر لها ريلها ويبعد عنه بنات الحرام
أنا برأيي مقياس الرجوله أنه يكون قد المسئوليه ويشيلها مع مرته ويعينها مو يشيل أيده بالمره
وما تكون زوجته دايما علي خطأ وأهله دايما صح يعني ينصفها ويعد الحق

بصراحة ماكو رجولة بهالايام
مجرد شوارب وذكور
اي رجولة اي بطيخ ياعمي
وبالنسبة لرفيجتج بصراحة زوجها حقير
وكلمة حقير شوية بحقه
خاينها وهي للحين عروس؟؟؟؟؟؟؟؟؟؟؟؟؟
اجل بعدين شنو بيسوي
انا في نقطة مافهمتها
منو ماخذه قرض رفيجتج ولا صاحبته ؟
انا كل مااقرا قصص واسرار البيوت انصدم لكمية الظلللللللم الي يسوونه الرياجيل بالحريم
ليشششششششش؟
والله شي يقهر
وين رياجيل اول الي يستعيب ياخذ فلس من مرته ويستعيب يرفع ايده على مره
وينهم؟؟؟؟؟؟؟؟؟؟؟؟؟؟؟؟؟؟؟؟؟؟

الله يعينها و يهديه و يسخره لها يا رب ..

مقياس الرجولة عندي :

احترام المرأة اكبر دليل على الرجولة

الكرم و الشهامة و الغيرة على العرض

القدرة على اتخاذ القرار و التفكير المنطقي

الاحساس بالمسئولية و حسن التصرف

عدم استخدام القوة و الضرب مع النساء

مافهمت !!!

شنو يعني يا كلينكس يا بنيه ؟ !

اهم شيء في الرجل
ان يخاف الله في زوجته و في اهله …… يخاف الله و عقابه
لذلك صديقتك اخطأت في اختيار الزوج
و المفروض يسألون عنه اكثر قبل لا تتورط لان هذا زواج مو لعبة.

اهم شرطين في الرجل : التدين + الأخلاق
اما باقي العيوب ممكن علاجها
بس اذا كان مايخاف الله يصير عادي عنده الخيانه
و اذا اخلاقه صفر عمره ماراح يحس بمسئولية او يفهم شنو يعنى زواج.

والله ياكويتيه ترى التدين مو كل شي
يما عرفت ناس متدين لكن من تحت و تحت و لهم عقائد م معتقدات فيهم

مثل يوصولون مستوى اهم الي يفتون على راحتهم

و اكيد يخاف ربه

و مشكورة على ردج

وسن الباجي

مسكينه رفيجتج تعور القلب
بس اهي اللي يابته حق نفسها
ليش ساكته ومو قاعده تتصرف ماشاءالله عندها اهل وعزوه ليش ساكته علي عمرها
ريلها ان مالقا احد يوقفه عند حده عمره ماراح يوقف

والرجوله
اهي لو خليت خربت لي الحين ولله الحمد في رياييل ينشد فيهم الظهر وزينين بس وينهم؟

كلش ولا سالفه يطلعها وهي تدفــــــــــــــــــــــــــع

انا تحرني هالسالفه

وين رجولته شلون يرضى مره تدفع له صج ما يستحي ……..

على راي شبابنا يوم يقولون وين حريم اول

احنا نقولهم وين رياجيل اول………..اللي كل شي فوق روسهم

تدرون ان المرأه الكويتيه 70 %
تصرف وتتحمل مسؤوليه بيتها وتودي المدارس والمستوصفات والمستشفيات والجمعيات والاسواق

رااااااااااااحو الرياجيل راااااااحو

الرجل مجرد طوفه هبيطه

اي والله يا بنات

وينهم رياييل اول