|
|
السلام عليكم
اليوم رحت للدكتوره وشافت الياهل بالسونار وقالت الجنين مافي نمو ولا في نبض
وقالت بعد اسبوع اذا مانزل دم روحي المستشفى وسوي تنظيفات
منو صار لها نفس حالتي وشنو سوت شلون اسوي التنظيفات
والحمدالله على كل حال
انا الحمدلله ماعندي خلفيه وان شالله البنات مايقصرون معاج
والخيره فيما اختار الله
الله يعوضج ان شاءالله بياهل معافى صحيح الخلق والخلقه يا رب
انا صار لي مثلج البيبي كان عمره 8 اسابيع بس بالسونار متوقف عمره 6 اسابيع وماكو نبض
وكان حمالي ينزل علي دم طول الوقت وطاح الياهل من نفسه بس هم سويت تنظيفات لان مو كل شي نزل معاي
وما تشوفين شر ان شاءالله
نفس حالتي الجنين كان دون نبض والمجنونة الدكتورة ……….. عطتني مثبتات وكان حملي الاول وقلت لها دكتورة ما يصير مافي صوت لنبضات الجنين قصت على وقالت : إي هالجهاز من غير صوت ( بس كنت حاسة أنه ميت !! )
لأن من تخلصين الشهر الاول سبحان الله يبدأ عرق القلب بالنبض وتسمعينه
بعدها بجم يوم سقطت على شهر وأسبوع ولله الحمد ينزل بروحه من غير تنظيفات بس بعدها حاشتني التهابات قوية اخذت لها مضاد حيوي بالأبر
ولله الحمد بعد خمس شهور حملت 
بس بغيت اسألج هل حسيتي ان الجنين توقف نبضه او وقف الوحم او اي اعراض ثانيه؟
انتي عبالج بينزل عقلة الأصبع ؟!!
تدرين شنو شكله الحين
مضغة = يعني مثل الدم المتجلط الغاااااامق حيل بس شوية قاسي من غير أى ملامح أو اي شيء يدل على أنه بشر
وبينزل شي ثاني مثل فشة الخروف تعرفين البنكرياس بتاع الخروف مثله صغيررررررررةةةةةةةةة هذى اهي المشيمة
تقريبا حجمهم كبر اظفر ابهامج ثلاث مرات أو اربع مرات
انا لما نزل حسيت بطلق مثل الالام الدورة قوية + مغص شديد وبعدها الصبح حسيت في شي زلق رحت الحمام وإلا المضغة
وبعدها بكم ساعة نزلت قطعة صغيرة اهي المشيمة
وبالسلامة ولا تحاتين سبحان الله خيرة لج يكون صغير مو متكون في غيرج يوصل عمره اربع وست وثمان شهور ويموت احمدي ربج وخيرة لج بإذن الله
وحملي الثاني اذا الله كتب لي ان شاء الله بيتاخر؟ اخاف يصير لي نفس هالحمل ومايكتمل الجنين 
الحمدالله على كل حال
ونطرت اسبوعين ومانزل البيبي وبعدين دخلتها الطبيبه ونزلته بعملية تنظيفات
والحين الحمدلله ياتها بنت
الله يعوضج ياقلبي
والعمليه شلون ابي بالضبط لاني خايفه مابي عمليه اخاف يلعبون فيني
ووين سوت العمليه؟
أهم شي سلامتج
والله يرزقج الذريه الصالحه والخلقة التامة
انتظري شوي لا تحاتين بينزل بروحه بنسبة 50 وباجي ال50 بتنظيفات
وبتنزل عليج الدورة بعد شهر
وبتحملين بإذن الله بعد اربع او سبع شهور
لان جسمج خلال الحمل بيكون افرز هرمونات حمل ويبيله فترة لين هالهرمون ينزل علشان يستعد للحمل
لا تحاتين خيرة باذن الله لج
والعمليه بسيطه وببنج عام
وسوتها بدار الشفا عند فوزيه القطان لانها تراجع عندها بس ولدت الحين عند خالده المجيبل