مافي حل وعلاج للأسنان غير التقويم ؟؟ عفيه ظروري ردو

السلام عليكم

بنات أنا ظروسي محتاجين تقويم ، ومن زمااااااااان من كنت صغيرة وأنا ودي أركب تقويم بس مالله كتب ..

الحين أنا عمري 29 ومو متزوجة ، وبصراحة ودي أركب بس يوم رحت الطبيب قالي مايصير اركبلي متحرك ولازم دائم ..

وبصراحة أخاف اصير نصيب ان شالله هالسنة فمو حلوة عروس ومركبة تقويم

..

المهم … مافي حل غير التقويم ؟؟؟ أذكر المغنية أظن اسمها أنغام عدلت ظروسها بعملية جنة ؟؟

عفيه بنات الي عندها حل ختقولنا الله يجزاكم خير ..

ممم حبيبتي انغام مسويه تقويم وفي صور لها وهي مركبته ..

ليش خايفه منه بالعكس جدااااااا عادي والله انا مركبته وحلوو اذا ماتبين اللوان تحسينها مالت يهال ومراهقات عادي
حطي سلفر اجيج نفس لون الحديده راااااااااقي والله

انا اقول تركيبين لج تقويم وبعدها تسوين لج تنظيف وصيرون ولا احلى ..

بس شنو السبب انه ماتبين تقويم ؟؟؟

ركبي تقويم واذا تزوجتي شيليه قبل العرس بجم يوم وردي للطبيب عقب شهر العسل وحطي المتحرك , انا معاج بركب تقويم باذن الله بس ناطرة المعاش , ومانصحج بالفينير الي اهو يحكون الضرس ويركبون عليه اهو صج يختصر الوقت وارخص من القويم بس الدكتورة الي استشرتها خرعتني من التركيب وقالتلي حرام ماكو نفس الاسنان الطبيعية وانصحتني بالتقويم , وامي هم نفس الشي مركبة اسنان جدام تقول حرام لاتركبين يطلعون ريحة !

في حل حبيبتي .. بس ما أدري إذا تتجرأين وتسوينه ؟؟..

تلبيس الأسنان بعيادة موثوقه .. يبرمون الظرس ويلبسونه ظرس من عندهم .. أبيض وترتيبهم يصير خياااااااااالي ..

وشفت نتايجها حلللللوه

لوول حبيبتي انتي اذا النصيب يالج مايتوقف على حديده ( اقصد التقويم)
وبصراحه برأيي التقويم احلى شي احلى من العمليات بوايد والله بنت خالتي ضروسها فوق بعض فوق بعض وطالعينلها ضرسين فوق جنها دراكولا لوول
وراحت مستشفى دارالشفى عند علااء حسن مادري شسمه وشلع ضروسها الزايديين وحطلها التقويم وشوفيها الحين ضروسها روووووعه صفه وحدا ايننون

اللومنيرز احسن من الفينيرز

بس نصيحه سوي اللي يريحج ولا تاخرين لان عمرج كبير والعمر كله حبيبتي

اهم شي الابتسامه والاسنان لو موتلطخين مكياج وتلبسين ماركات اهم شي الاسنان

حبوبة مافي احلى من التقويم والاخت الي تقول تلبيس لا ماينفع يقلبي لان بالتركيب راح تخسرين اسنان واجد لان راح يبردون من الاطراف وبسرعة راح يطيحون لان تخيلي شي عوج تبردينة ماينفع لازم شغلة ترجعة لشكلة الطبيعي والتركيب لظرس انتي مضطرة علية مو كل الاسنان

تلبيس الاسنان ينصح به الطبيب اذا وجد ان الضرس قد اصبح ضعيف ويخشى علية من الكسر وخاصة بعد تسوس كبير او بعد معالجة عصب الضرس مع كبر حجم الحفرة يعني السن يكون تالف مو سليم

بنات مشكورين يعطيكم ألف عافيه يارب

اختي M!$$.3NoNa الي مايخليني حاليا أركبه … أحس بايخه عروس وتقويم ،، شكله موشي ،، أما ايام قبل مادري الظورف ماساعدت ..

عبير …. عدل كلامج أنا ودي بجذي ،، اركبه وقت العرس اشيله وعقب أركب تقويم متحرك ،، بس الدكتور يقولي مايصير مادري ليش أنا رحت حق الدكتور الي بالبلازا الهندي ماشاءالله وايد زين .. وهم كنت رايحة حق عيادة الميدان بس احس مو شي كلش مع انه وايد يمدحونها ،، لانه قعد يشرحلي شلون بركبون التقويم وشنو الظروس الي بيشيلونها .. احس كلامه غلط ما اقتنعت ويوم رحت حق الدكتور الهندي الي بلبلازا هم استغرب وايد من كلام الدكتور هذاك حتى قالي منو هذا في أي عيادة ؟؟ من كثر ما انصدم ..

البنفسج …. بصراحة ما اتجرأ وأنا ظروسي يعني مو مبين عليهم انه يبيلهم تقويم لا شكلهم عادي الحمدالله ، بس لو افتح حق احد حلجي جني بوري ظروسي اهني تبين البلاوي ههههه

كيكة ترفه …. عدل كلامج النصيب مو واقف على تقويم .. بس أنا اقصد نفسيا ماراح أتقبل شكلي بتقويم عرس وتصوير وشهر عسل مايناسب أتصور

100000 و الانوثة .. مشكورين الله يعزكم .. وأنا ابي التقويم بس مادري ليش اهو يقول ماينفع أركب متحرك يمكن عشان العمر ..

اشحلات التقويم ,, و الحين عندج انواع ,, المخفي و التقليدي ,, و المؤقت و الدائم ,,, و الشفاف و الملون ,,, طبي و تخيري ,,, غمضي عين و فتحيها تلقين رووحج شايلته و مخصله ,,,
و اذا صار نصيب ان شالله ,, ف اكييد رااح يكون في وقت حق الترتيبات و التحضيرات ,, اهوو الريل ما رااح يقووول الخطبة اليوم وباجر الملجة p:

حبيبتي فيه نوعيين تقويم تقدرين تسوين تقويم شفاف
او فيه تقويم داخلي يعني في الاسنان من داخل

لاااااااااااا التقويم الشفاف يصير مصوووفر من الاكل وووع ارف لوول

والله الحل الوحيد والانسب لبريسزز واذا ماتبين اللوان المراهقات مثل ماقلت لج حطي سلفر او الي يعجبج

احين انا خلصت السنه في غمضة عييييييييين والله وشهرين وبشيله بس توكلي على الله ترى مايبيله شي عااااااادي

في التقويم الشفاف بالعيادات الخااصه

انا الصراحه كانت اسناني تحتااج تقويم و قالي يبيلج 4 سنين بعدين تشيلينه

الصراحه ما حطينه

رحت عياده خااصه بالجاابريه مالت اسنان

سويت تجميل حق الاسنان

برد لي الاسنان اللي باارزه و ركب لي عليهم اسنان ما يبين انهم تركيب كللش

الحين الحمدلله اضحك و كل شي بثقه و بدوون تقويم