ماعرف بعض الامور في تجهيزي منو تساعدني

1- من وين اشتري جناط اللي اودي فيهم اغراضي؟
2- من وين احصل الصناديق اللي للاكسسورات مثل اللي موجودة بريفر بس عندهم وايد غالية؟
3- آنا مو وايد مع المكياج فشنو احسن الماركات اللي تناسب البشرة الدهنية؟
4- وين محلات الدراريع الحلوة الجاهزة لأني ما احب التفصيل وما احب اروح معارض؟

والله ماعندي اي فكـره عنهم يعني اذا عاديين وملوت سفر ولا لازم حلوين وفنتق مادري, بس في جناط بالمباركيه احنا دايما نشتري منهم
حق السفر

2- من وين احصل الصناديق اللي للاكسسورات مثل اللي موجودة بريفر بس عندهم وايد غالية؟

عندج بلاند مارك ,, المعلم تحت سرداب مجمع بيروت ,, فاشن ميل فوق مجمع بيروت عندهم صناديق اتهبل

3- آنا مو وايد مع المكياج فشنو احسن الماركات اللي تناسب البشرة الدهنية؟

انتي تقصدين كريم اساس وفونديشن, والله حياتي مادري, انا استخدم كنيبو بودر وخالاتيوبنات خالتي كلهم يستخدمونه وفي منهم الي بشرتهم دهنيه بس الكريم اساس مالهم
انا ناسبني حيل حيل وحلو علي, بس بنات خالتي ماناسبهم ابد, وعندج اذا تبين حق الصبح الدوام قيرلاند روعه بنت خالتي بشرتها دهنيه
بس ماشاء الله بشرتها حلوه "انا اقولج جذي عشان بوريج اشلون البشره يمكن ماتناسبج" المهم, تستخدمه وحيل حلو عليها جنه مو حاطه شي

والباجي الاشياء اتناسب كل بشره من شدو وماسكرا وكحل وكل شي

وانسحج بشدوات ميك اب فور ايفر وماك روعه, وماسكرا لانكوم ماني ذاكره اسمها شنو بس فيه حرف hyp جذي :× وديور الكحليه
وكحل سائل لانكوم روعه والفرشه صغيره
وحمـر عندج سان لوران حلوين وجفنشي, والي احلا واحلا ماك والوانهم اتهبل

وقلوس ديور حلو حيل, وقلوس لوريال شي خيال اثنينهم لمعتهم مو صج والله جنه شوارفسكي لووول حلو التشبيه

وعندج بودر خدود شانيل انا احبه بس عندي القديم حيل وكل سنه يغيرونهم, انتي شوفيهم روحي اهناك وشوفي
وهمن يمدحون بودر خدود بورجوا وللامانه ماجربتهم

وعندج كحل داخل العين مكياجي مو صج مو صج يهبل

وعندج شدو روعه ناعم من لانكوم اهما اثنين ويا بعض لون بني وبيج على ذهبي يههههههبل, ماني عارفه جم رقمه بس حيل طبيعي حق الصبح

وحق الحواجب قلم من بودي شوب حلو وقلم مكياجي همن, وشدو ذا بدي شوب حق الحواجب حلو وايد

واقلام شفايف عندج ديور حلوين ولا تكثرين منهم اخذي عن خاطرج اثنين عالاقل لانه غالين!! وعندج ذا بودي شوب حلوين واستفيدي من العروض اذا شريتي واحد ثاني مجانا جنه الحين جذي عرضهم مادري

وفرش ذا بودي شوب روووعه والله الي حق العين, وفرش بودر الخدود اخذي من ريد ايرث red earth الي بشرق عالزاويه هذا زوغه فرشهم انا شاريتها من جم سنه من زمان والله ليلحين ناعمين حيل عالبشره ولا يغززون وكبار
ولا اختربو, مادري اذا غيروهم او لا لانه حيل من زماان شاريتهم

واخذي لمعه عند عضمة الخدود من ماك اسمه نايلون وهمن تستخدمينه حق تحت الحواجب روعه, وهمن لمعة مكياجي الذهبيه اهيا تعتبر شدو
حق تحت الحواجب روعه

واخذي مثبت مكياج, وانصحج بمزيل مكياج لانكوم حيل يهبل انا ما استخدمه حق ويهي بس استخدمه حق عيوني لانه يدهن على ويهي بس عيوني بسرعه يروح الكحل والله
احسن من لوريال ماال العيون بوايد

وانتي روحي اهناك وساليهم شنو احسن غسول حق ويهج وبيفيدونج

4- وين محلات الدراريع الحلوة الجاهزة لأني ما احب التفصيل وما احب اروح معارض؟

شوفي حبيبتي عندج الاوقاف حلوين, وانا انصحج روحي المعارض مو شرط تشترين لانه حيل غالين على ولا شي بس انتي روحي اخذي فكره
والله ماكو احلا من التفصال ,, تحفظين موديل واتسيوين نفسه وارخص

واذا تبين دراريع البيت حق الغدا وجذي عندج العربيد روعه, وترا لا تشوفينهم جذي!! يعني اذا اعجبتج وحده وفيها شي مو حلو قوليله يسويلج نفسها بس يشيلج الشي الي ماتبينه
ولا اذا الخام مو حلو انتي اشتري خام

احنا نشتري خامات وانوديهم (: