|
|
صباح الخير
انا تعبت من خالتي من يوم خذيت ولدها ماشافت مني العيبه والله يشهد علي
مناشبتني بكل شي خلاص تعبت كم مره نعيش احنا
ليش اصبر على شي ماني مجبوره اصبر عليه
ليش اتعب نفسي واحمل نفسي امراض النفسيه ويمكن الجلطات لو اقعد اكثر عندهم
خلااااااااص ماعاد اقدر البيئه الحموات والحموان عايله فاشله كلن همه نفسه اناااانيين
وزوجي هو الغلبان بينهم والطيب
بس لمتى هالطيبه؟؟
كل ماقوله طلعني يقول ماقدر مانبي ايجارات ومابي افارق اهلي
طيب انا شذنبي مو القانون فرض مسكن الزوجيه بروح
ليش طيب هالشقا ليش اكره وانا عمري ماعرفت الكره !
ليش احقد وانا عمري ماعرفت الحقد !
الله يسامحك يازوجي
انا احس وصلت لدرب مستحيل اقدر اكمله
ابي حلول شافيه ابي تجارب
منو اللي قدرت تطلع بيت بروحها وزوجها كان رافض ؟؟
تكفووون ابي من اللي مرت بالتجربه تساعدني ولها كل الاجر
والا الطلاق مصيري 
ولين ياتج العيال بيحس بالضيق وبتطلعين ان شالله
انتي ماعليج منهم انعزلي عنهم لوحاسه احتكاكج فيهم تاعبج
والله موعارفه لان اناابي اطلع بس عشان الضيق ولين الحين موقادره
الحمدالله على كل حال
طلاق عشان اهل ريلج ؟!!
شوفي انا اول زواجي كنت بيت اهل ريلي وما اقول لج شنو كانو يسون بس كنت ساكته ومتحمله عشان روحي وريلي ,
والكل كان يقول لي انه مستحيل ريلج يطلع من البيت اهو يحب ابوه وما يطلع ,
بعدها بثلاث سنين اهو الي طلعني مو اناا الي قلت له ,
صبرت واي شي يسونه كنت اطوف لهم الحمدلله ريلي زين معاي ومو مقصر واهم خل كيدهم حقهم
كبري راسج وطوفي ياقلبي والله الدنيا ما تسو تحطين هم لهم عامليهم بطيب اصلج ونيتج ومهما سوو استغفري ربج وطوفي
والصبر الصبر الصبر مفتاح الفرج ان شاء الله ,
بس شتسوين مالج الا الصبر
المكان ضاق بالعيال
والمعاش مايقعد مايجي اخر الشهر الا هو منتف منتفينه اهله
وكل شي مناشبيني فيه سفره طلعه اي شي تعبت
صبرت واايد ماعاد فيني اكثر افكر ارفع قضيه مسكن
بس اكيد بيطلقني لارحت محكمه
بس خلااااااااااااااص عووووووووووووووووع من حيااااااااااااااااااااااااااااتهم
وتقولين المعاش مايقعد منتفينه……….طيب مصروفج تاخذينه وإلا مقصر عليج بالمصرف أقصد راتب الزوجه اللي تصرفه له الحكومه… وبعدين ليش ماتعزلين نفسج عنهم دامهم جذي ولاتنزلين إلا بالمناسبات وبعد لاتطولين وقدمي على وظيفه ترى قعدة البيت تملل وإطلع الروح ومنها بعد مصرف لج … وحبي لاتفكرين تتطلقين عشان أهله موزينين محد بيخسر غيرج وشدعوا ماراح تقعدين طول العمر طقيها حمل ولاده ليما يكثرون العيال ويضيق البيت عدل وراح يطلعج<<<<هالطريقه تنفع مع المتنحين بالطلعه وراح يطلع غصب.
والله رسميه وياهم بس ماينفع فيهم
والا فيه وحده تقول عن جدة عيالها واهل عيالها عووووووووووووووع … 
صدقيني لو انتي طيبه وفيج خير ماقلتي هالاكلاااااااااااااااام ولاتكلمتي عنهم جان صليتي لربج ان يهديهم لج
^^
^^
الاخت شفيها مشتطة عسى ماشر ؟؟
واللي ايده بالماي مو مثل اللي ايده بالنار
اذا ام الزوج شرانية وراعية مشاكل عووووووووووووووع منها ومن طوايفها بعد
شنو يعني ام الزوج ؟؟ احترمها واقدرها على شان زوجي وعيالي ماقلنا شي وعلى عيني وراسي
اما اذا اهي ماتحترم وماتقدر عوووووووووووووووووع منها ولا لها احترام ولا تقدير عندي
صاحبة الموضوع الله يعينج حبيبتي احقريهم وانا اختج واكسبي عمرج وصحتج وافتكي من عوار الراس
زوجج من النوع الهادي اللي وده يرضي الكل لكنهم اهله وصعب يخليهم
حاولي تهدين شوي وتفكرين
اذا اهله مايحبونج ليش يوسعونلكم بالبيت !!!!
جان قالووا حق ولدهم اطلع انت ومرتك فارقونا !!
معاش ريلج يتحمل اجاااااااااااار؟؟ انزين عندي لج فكره بيت اهلج ما فيه مكان تروحون تسكنون عندهم توفرون عليكم الأجار؟؟