|
|
أهلين حوامل ووالدات
شخباركم ,,,,
اليوم خالتي قالت لنا سالفة ضيقت خلقي انا وحماتي (تصير بنتها)
اثنيناتنا حوامل ماشالله …والله يسهل علينا …
موهني السالفة ….
خالتي كانت برحلة علاج مع حماتي الثانية مريضة الله يشافيها ويشافي مرضاكم
واللي فيها جاها من العين …
عاد قالتلي بنت خالتي الثانية خلي خالتي تقولج سالفة المرة اللي شافتها بلندن
وماتبي تقولكم ما تبي تضييق خلقكم …
عاد انا اشتغلت الحنه الا اعرف السالفة …
المهم تقول لمن كنت بالمستشفى وانا اتمشى بالممر الا وحدة كويتية
شافتني وتسولف معاي وعزمتني اروح غرفتها نكمل سوالفنا…
تقول ليتني ما رحت معاها …
تقول اول مادشيت والا اشوف بنتها مثل القمر بس نايمة عالفراش ومبطلة عينها وحلجها
وجنها بغيبوبة …
عاد خالتي سألتها من شنو هذا اللي فيها …
جان تقولها … هذا من بعد استقبال بنتي وهي على هالحال صار لها 6 شهور
والبربيش ببطنها وحاطين لها بامبرز …تكرمون ماتدري عن الدنيا ….
خالتي قالت ليش جذي شنو كانت مسوية
قالت بني ماشالله عليها مدرسة وحبوبة ولها معااارف وااايد فقررت انها تسوي
استقبالها بالمستشفى وتعرفون لازم على مستوى … عشان الناس اللي يايينها
تقول بس خلصت استقبالها وينقلب حال البنت … حتى ولدها ما مداها تفرح فييه
تقول اللي كاسر خاطري عيالها اكبر واحد بالابتدائي… وهذا ما تهنت فيه
والله خالتي تقولي تكفين لا تسوين اسقبال ماله داعي الناس ما تعطي خيير
والله العظييم اكتأبت لمن سمعت السالفة ….
عشان جذي بنات ماله داعي الخبه والفشخرة الزايدة ترى الناس ما تعطي خييير
وارقوا نفسكم قبل لا اييكم احد….
واحسن واحد انه يرقس نفسه على طول
وماله داعي الخبه والحوسه وايد المهم شغل ناعم ومرتب
والله حمينا وياكم من كل شر وسوء اللهم امين ويشافي البنت الاى شافتها خالتج
لاحول ولا قوه الا بالله
الله يشافيها ويعافيها ويسهل علينا ولادتنا ويبعد عيون الحساد يارب ويرزق كل محرومه
الله يشفيها ويشفي الجميع
صج العين تذبح والله مجربينها
يعني شنو بيخسر الانسان اذا ذكر الله
تعور القلب سالفتهم ..
وكانت مسويته بالامبراطوري…
نقول امها مو مخليه احد مو عازمته امها ناظرة والبنت مدرسة
عاد شوفي وزارة التربية كلهم حاضريين ..ههههههه
عاد تقول رفيجتي ما شالله مبدعو بعمرها ..هالنفنوف وهالكفر
وفالة الشعر ولابسة تاج وهالمكياااج تقول ما شالله جنها عرووس
تقول يوم ييت اسلم عليها والا اقعد يمها وارقيها من العين
قلتلها تبين تنسدحين مرة وحدة خبلة انتي مسوية هالهيصة كلها ؟؟؟؟
قول والله انا طلعت وقلبي يعورني من اللي شفته…..
وجزاكي الله خير على النصيحه
الله يحمينا يااارب
حلات الشي بسيط خاصه الاستقبالات ومثل هالمناسبات
والناس ما تعطي خير توها والده وجايبه بيبي ما فيه الا العافيه وكاشخه وقاعده جنها مو توها والده وحاطه شي وشويات والله بعض العيون الله يكافينا شرها تصيب على طول
البساطه مع الرقيه احسن شي والحافظ الله
الاستقبال ايكون بسيط احسن لا خبه ولا مكياج والا شنو
كونوا على طبيعتكم احسن
الله يبعدنا ويبعدكم عن العين الحسوود
المشكله الواحد يحط الاستقبال عشان يفتك من ان كل من يجي البيت بروحه ويصير كل يوم داخل وطالع تعب
أحسن شي الواحد ما يختب ولا يحط شي مبالغ فيه
الله يكافينا الشر