|
|
السلام عليكم
مهنة التعليم مهنة عظيمة وبنفس الوقت متعبة اللي مو حاسها قاعد يعارض الكادر وايمانع لييييش بس؟
لو اتداوم ياللي مستخسر بالمعلم الكادر لو اتداوم يوم واااااحد بس بترد البيت وبتاخذ بنادول وماتتغدى واتحط راسك واتنام من شدة الللوية بالمدرسة والتدريس ..لا.وركضتنا احنا يالمعلمات من حصة لي حصة عند رنة الجرس على الحصة اللي وراها حسب الجدول وكل حصة ماشاء الله الله يزيد وابارك بعيالنا يارب على 27 تلميذ او اكثر حسب المدارس وتعااااال اتفرج على الازعاج اللي طبلة اذوووونا ما تهدا دقيقة من سماع الازعاج ليييييييما انرد البيت عكس الوزارات الاخرى كنت اراجع عندهم استغربت من الهدووووووووء تمنيت نفسي مكانهم وبنفسيتهم المرتاحة لان المعلم دايما جاد مع التلاميذ عشان لا يصير فوضى …احيانا الحصص متتابعة حصتين ورا بعض ما يمدينا نشرب ماي نبل ريجنا لان لو تاخرنا عن الحصة في معلمة مشرفة مناوبة للجناح تاخذ اسم المتاخرة عن الحصة للادارة وتاحذ لفت نظر …واحيانا ما يمديها المعلمة اتخلص من الحصص الا وراحت اتبيع بالمقصف وكل هذا وااااقفة على ريولها ….
وبعد من المعاناة …فوق الحصص احيانا تصادف وهذا كثيييير يحصل ان يكون عندها مناوبة الفرصة توقف المعلمة بجميع انواع الطقس واتراقب التلاميذ سواء من رمي الفضلات او الهواش مع بعضهم الخ بذمتكم لكم مقااااقة على هالشغلة ياللي قاعدين وتتكلمون عن المعلم ومتحسفيييين فيه الكادر….gif "Eh S(10)")
وهذا غير الاجتماع الاداري والملف الانجازي رصد الدرجات عالكمبيوتر وتدقيقها مع رئيسة القسم
واذا معلمة رسم تعاااالو شوفوا عملها بالمدرسة وشمها للاصباغ طول العام الدراسي باااايعة صحتها بس تصبغ وريحة الصمغ ضااار بالصحة
وكل حصة حسبوها يوميا 10حصص اضربوها بطول السنة الدراسية واهيا ريحة الالوان بخشمها يوميا وهذا غير رسم التلاميذ وتلصيقها حق لوحاتهم
معلمة الموسيقى كذلك تسمع الازعاج والتدريب للتلاميذ يوميا وطول السنة
معلمة العربي دروس وعلى راسها التوجيه والتصحيح والوسائل من جيبها طبعا …واعتقد مافي مهنة تصرف من جيبهاااا على الدوام الا المعلمات بس والمعلمين يعني ربع معاشنا راااد للدوام
ولالالالالا وكله كووووم وحصص الاحتياااط كوووم ثاني يعني المعلمة ماترتاح باليوم ابد لالالازم تاخذ حصص احتياط فوق شغلها ومناوبتها او اشرافها الثابت طول السنة لجناح معين تديره واتراقبه …وغير تحضير كل معلمة لبرنامجها لاذاعة المدرسة حسب جدول مبرمج لكل المدرسة ارجوووووكم هذا قلييييل من كثير انصفونا ماااا نبي بس الكادر نبي حل للضغووووط اللي على المعلمين
لازم منفذات خدمة من درجة الشهادة المتوسطة اتدور لها وظيفة حطوها اتبيع بالمقصف او تناوب بالفرصة خلوا المعلم يدخل حصته بكل طاقته لان وراه مسؤولية بيعطيها للتلاميذ بيعلمهم بيطور منهم مو يدخل مهدووووود حيله من جذي كثر الغياااب بالمدارس وتدنى مستوى التلاميذ لان المعلم منهد حيله مااافيه طاقة طاقته سلبت من كثرت الاعبااااء
وظيفته يدرس المادة وبس مو يكرف مثل الخادم عييييييييب هذي مهنة لها احترامها وقدسيتها افهموا لي متى الجهل متفشي فيكم وقرارات فااااااشلة من جذي ما راح نشوف عباقرة للجيل القادم ولا طب ولا فيزياء ولا اختراعات لان التلميذ معتمد عل عطاااء المعلم والمعلم مهدووووود حيله بس ما عندي حجي اقوووله ….من حرتي طلع الحجي وسامحووووني
.gif "Eh S(4)")
لا تتعبين نفسج بالتبرير لناس ماعندها الا تشكك بنوايا الناس وهي نايمه على وصاختها بفراشها
انا بعرف اللي تقول المعلمات بس يغيبون ويروحون المجمعات على اي اساس قالت هالكلام ؟؟؟
مسويه بحث واحصاء والا مراقبه كل معلمات الكويت !!!!!
يبه نستحق ونص وجزانا الله الف خير نفخر بمهنتا اشرف مهنه بالتاريخ
حواري فقط مع العقلاء اما اللي بس تتحلطم وتغلط تفارقني لان لو فعلا همتها مصلحه الكويت كان ايضا راحت شككت بالجمارك واهل النفط والجويه والا الحسد فقط عالمعلمين !
تخيلوا اليوم محضرة علوم تقول احنا "محضرات العلوم" ما نمسك شي و تقولها بكل فخر تقول ممنوع في قرار من وكيلنا ما نمسك اي شي بس نشتغل اول حصتين و نرتاح لي آخر الدوام ما عندنا شغل !!!!!!!!!!
و احنا يالمعلمات من قبل الدوام "مناوبة" لي نهااااااااااااية الدوام و بنص الدوام و كل الدواااااااااام شغل×شغل×شغل×شغل 
ما اقول إلا
حسبي الله و نعم الوكيل
صراحه مو هامني الكادر
كثر مو هامتني هالأعمال اللي مفروضه علينا و المفروض اصلا لها ناس مختصين
احنا "المعلمين" نفس الأخطبوط : نعطي و نشتغل من كل الجهات
و بالنهاية ما في تقدير !
انتي و انا و اهي انعرف احنا شنو كرافنا بالدوام
واهم عبالهم انه احنا ريل على ريل
انا مرة زايرة ناس ولا اتقولي وحدة اتهقين انتو تستاهلون الكادر
قتلها ايي نستاهل كلنا حتى المعلمة اللي مالها ضمير تستاهل هههههههههههههه
شنسوي فيييهم بالله
كيفهم ربج اعلم بتعبنا و خلاااص
حبيبتي جان قلتي لها لا ما نستاهل الكادر كلش
بس جذي نبيه عشان نشتري ماركات اكثر
ههههههههههه
إحنا عارفين إحنا منو وعارفين أنا نستحق الكادر
وما راح نرد على الناس اللي مو عارف قيمة المعلم
اصلا حتى المعلمه اللي ما عندها ضمير على قولتهم تشتغل وأتعب اكثر من الموظفه اللي مقطعه الشغل
واللي باط جبدي رفيجتي دازتلي حب الوطن وبسكم فلوس ومن هالمسجات
قلت لها لو سمحتي ما ابي مسجات سلبيه
وبعدين انت داومي ولج حق تتكلمين
موظفه ومكبره المخده وتنزلج اعمال ممتازه٧٠٠ دينار كل سنه وتوفر تايم
وفوق هذا ما وتسجل لج غياب وكرتج كل يوم يطقه لج حارس الأمن
صج ناس حسوده
والا بالذمه في احد يتعلم كلمه قبل الاحرف .. !
وين ا ب ت ث .. على اي اساس اعلم الولد كتآبة الكلمه بدون تجزئتهآ ..
غير هذآ ..
مثل مافي معلمه شآطره و تشتغل بذمه .. في معلمه ربآديه ومآلها خلق وهالشي نشوفه بعيوننآ
حآلكم حال كل الوظآيف عندكم الزين وعندكم الشين ..
انا رآيي لو يخففون الاعمآل آبرك لكم الف مره من الكآدر .. على قولتهم محد ميت جوع ..
بس الكل ميت من التعب والكرآف ..!
انته بوق شويا وانا ابوق شويا هههههههههههههههههههه
كل الجهات اضربوا محد قالهم ما تستاهلون فيه ناس صكت معاشاتهم فوق ضعف معاشنا وهما ما يتعبون نفس تعبنا ومحد حبطهم بس حنا العيون علينا
وتقولي وحده انتوا معاشاتكم الفين ماتشبعون تبونها تصير 3 الاف قلت لها لا نبي 5 لانننا نستاهل على التعب اللي نتعبه
ياليتهم يعرفون بس انه معاشات المدرسات الحين ما تفرق عن حملة الدبلوم ببعض الوزارات الا مبلغ بسيط ميتين او اقل بعد .. انا اعرف وحده ماخذه دورة 6 شهور ورا الثانوية تشتغل بالصحة تعينت معاي وكانت نفس معاشي اول ما تعينت بالله مو حرام