لييش يالخاله ؟؟!!

انا عضوه قديمه بالمنتدي بس ماحبيت ادش بنكي تقدرون تقولون للحفاظ علي الخصوصيه

انا والله تعبانه نفسيا بشكل مو طبيعي ابيكم تساعدوني وتعطوني حل ماعندي احد اشتكي له غير امي وامي مسكينه مره عوده ومريضه مابي اتعبها معاي فعشان جذي محد يدري بالموضوع غير حمولتي (اللي اهمه ساس البلاااا)

والله يابنات ماجذب عليكم خالتي كانت حالها حال امي وربي يشهد علي كلامي احنا نحب بعض حيييل ونقدر بعض ومدلعين بعض وايد كلش ماتقولون جنه بالعكس جني بنتها

اول شي ساكنين عندها واهيه اللي جهزت حق ولدي كل صغيييره وكبيييره طبعا كله من وراي عشان لا امنعها ووقفت معاي لما ولدت ((يعني سوت اللي عليها واكثر))

وانا نفس الشي والله وايداحبها واموت فيها لي درجه احيانا اناديها يمه وكل ما ارروح مكان اذكرها واشتري لها ( للعلم انا للحين طالبه )) حتي لما اطلع مع ريلي بيشتريلي شي اقوله لا حبيبي تري عندي تكفااا اخذه حق خالتي

وحماتي كانت معاي اكثر من اختي اي شي تبي من اغراضي كنت مستعده اعطيها عيوني بدالهم

بس الصددددددددددددمه
يوم من الايام قاعدين انا وخالتي وحماتي ومرت حماي وحماي
ولاخالتي تعيب علي زوجي ليش متنان ولا اقولها لاخالتي حرام عليج اهوه قاعد يسوي رجيم ويروح النادي ولاتقولي جبي جبي بينفجر لاتخليني انا بعد اعيب عليج انتي ❊❊ طبعا انا عيوني تبققو!!!!

ولا اسكت << قالتلي ها تبين اعيب عليج ؟؟؟؟ وهم سكت مارديت (واقول بقلبي الله يعدي هاليوم علي خيير))

ولاتقولي شمتنج بتنفجرييييين شلون ريلج راضي فيج جذي >>>>> جنه احد كت علي ماي بااااااارد مااااحسيت بنفسي

قمت شوي شوي صعدت شقتي ولااااا كلمه
((للتوضيح انا اضعف وحده بينهم والمتن اللي تتطنز عليه متن حمال توني والده))

ثاني يوم نزلت قلتلها خالتي لوسمحتي مره ثانيه لاتتغشمرين معاي جدام الناس عشان لا افقد احترامي وسامحيني انا اسفه ((لاحظتو انتي تاسفت واهيه الغلطانه اووكي؟؟))
راحت العمره نفس اليوم عقب يوم ردت ادق علي ريلي تقوله مرتك ماتوجب وما تزور بيوم الزواره (زواره ببيت عمته وانا بس يوم واحد طوفت لان كنت تعبانه وعندي امتحان صععععب)

رديت البيت قلتلها عسي ماشر خالتي قالتلي مايصير تقطعين نفسج منا انتي جذي ماتبينااا!!!! وبعدين انتي قلتلي لاتتغشمرين جدامهم ليش انا شنو قلتلج؟؟
قلتلها اللي صار طبعااااا قامت تصارخ علي و اطق بعمرها وانكرت كل شششششششي صااار

انا تاسفت منها وقلتلها خلاص انا فاهمتج غلط ومن يومها نفسها شينه علي وتقط علي نقزات لما ارد من الجامعه ((تقول حق ولدي شوفها شوفها اخاف نسيت ويهها )) (( وتقول حق ريلي ويييه اهيه ياهل واحد موقادره عليه ))

اااااااااااااخ شقول شقووول شسوي تكفوووون تكفوووون يابنات الحلال قمت اكره القعده معاهم كله حاكره روحي بغرفتي
نكدو علي عيشتي انا حاسبتهم مثل اهلي ما ابي اضايقهم فوق كل اللي يسوونه ومابي اتكلم جدام الناس مهما يكون هذول اهل ريلي

قامو يطلعون يتغدون بره ومايقولون لي ويروحون الشاليه كلهم حتي مايرفعون التلفون حتي لو مجامله ياربي انا شذنبي شسويت والله انا مظلومه وربي شاهد علي وفوق كل هذا انا اللي اعتذر بس ربي علي الظالم

الله يخليكم عطوني حل والله العظيم مو متخيلين حالتي شلون صايره وكارهه كل شي بهالدنيا وحتي ريلي كل ما اشوفه انقمت مع ان مسكين والله ماله ذنب بس موبيدي وخصوصا لما اشوف نظراتهم فيهااا كلاام والله مثل السم قررت من اليوم ورايح ما بروح يمعتهم واجابل دراستي وولدي بس ابي حل معاهم

اللي ماتبي ترد او تعطيني حل تدعي ربها ينصرني علي الظالم