ليلتي الحمرا مع زوجي بالصور

السلام عليكم

شلونكم يا متزوجات والغير متزوجات

مو مشكله ولا عيب نتثقف ابدا مو عيب

اسمع وااااااااايد عن الليالي الحمراء وتذكرت ان عندي ليله حمرا ومصورتها بعد لا تخافون مافيها شي

وترى مو شرط الليله الحمرا يصير فيها بلاوي وسوالف والله الوناسه بالالوان والسوالف والفرحة بعيون حبيبي تسوى الدنيا وما فيها

فاللي تقول ليش اسوي وريلي ما يحب وما يقدر ووو انا اقول سوا هالسوالف لنفسكم ترى تنحسب لج مو عليج

المهم ما ودي اطول عليكم كان هاليوم براس السنه وانا وبعلي مالنا عادة نحتفل بهاليوم بس قلت بسويله مفاجأة وحركات بركات … بدون لا يدري

ويوم صارت الساعه 12 الا خمس ويصارخ علي يالله بنطلع بسرعه تجهزي بنشوف الالعاب النارية وبنتمشى عالبحر انا بقلبي والتجهيز اللي مسويته جان اقوله يالله بتجهز والبس والله تنوره وقميص يوم تصير الساعه 12 جان اسحبه وادخله غرفه النوم وتطيييييييييير عيونه متى وشلون سويتي كل هذا وانا ما حسيت فيج نيااهاهاهاع ..

تعالوا اوريكم شسويت بلحظات وطبعا التخطيط كان مسبق ..

كتبت على منظرة الحمام ((كل عام وانا احب موت وعساك تحبني زود)) حبيبتك
وبالزاوية كتبت شعار ((2008 هالمرة غير)) بقولكم بعدين سالفته

واهني زينت غرفة النوم عندي اضاءة على قلوب حب حمره وليتات الابجورة بدلتهم بحمر مع شموع بالزوايا

واهني دخلت كرسيين من غرفة الطعام وعندي طاولة صغيره من ايكيا حطيت فوقها مفرش تور وشموع تسبح بالماي والليتات اللي تشب وتطفي عالخفيف اللي اهم بالارض موزعين مع شموع وقواعدهم بالارض

الغرفة صايره معبد من هالشموع لووووووووووووووووووووول بس والله احلى شي ترى

تابعوني ..

عالتسريحة

وبعدين يوم دخل وما توقع هالتجهيز قعد عالكراسي وهون عن الطلعه

وتمت الضيافه ((طبعا مجهزته بالثلاجة مصبوب مو تلطعين الريال ))

العصير كان فراولة وكيوي شاريته من مال العصير اينن ..

وعقب العصير فاجأته بشي ثاني

نطروني في تكمله

قالي يعني مصره ماكو طلعه اليوم حسيتها بخاطره قتله لا ناكل ونطلع شورانا

وفي هذي الاثناء يا طويلات العمر تذكرون ((2008 هالمره غير)) كان قصدي نفتح باب حوار انا وزوجي ونتصارح عن احلى الاشياء اللي عاجبتنا ببعض والاشياء اللي احنا نحس ان مقصرين فيها ونحاول نطور من نفسنا ونغير للأفضل وكانت الجلسة حييييييييييييل حلوة عرفت اشياء ماكانت تطري ببالي وحسنتها واهو كذلك

طبعا هالصور بالفلاش والاضاءة بالطبيعة هادية وحلوة حيييييييييل مثل هالصورة

شوفو ايد ريلي حده مكيف ..

طبعا المفاجأة ال 3 كانت كيكة شفتها بالجريدة وعجبني شكلها قلت بشتريها .. بس كنا حدنا منغثين

واتفقنا ناخذها من باجر حق حمولتي ونستانس ونسهر معاهم .. شوفوها اهني في بيت حمولتي

وآسفة اذا طولت عليكم بس حبيت افيدكم ببعض الافكار وحياكم الله

مشالله ..

شغلج ناعم وبسيط بس حييل حلوو ..

عسى الله يهنيكم ياااارب ..

بس حبيبتي ممكن أسأل سؤال داخل عرض شويه ؟؟!!

طقم الفوندو اينن عليج بالعاافيه ..

من وين ماخذته وبجم ؟؟

ومشكووووره ..

mashalla
raw3a
fnana

واااااااااااااااااااااااااااااااو روعه الله يهنيكم ببعض

بصراحه شيء عجيب ومنعش ومناسبة حلوه

واسمحيلي خذيت المكتوب على مراية حمامك بكتبها لريلي مسج بذكري زواجي أوكي

ملاحظه بسيطه ….
تنورتك طالعه ليش لابسه طووووووووووووووووووووووويل
ترى أتغشمر

الله يوفققج ان شاء الله ويتمم علييكم اللهم مييين

بس بعداذنج من ويين ماخذة الكيكة شكلها يشوق ؟ ممكن تفيديني ؟

انطر منج الرد

حياج الله حبيبتي

ماخذته صارلي اكثر من سنه من سيرز بس الحين ما عندهم

وحياج حبيبتي

والله حبيبتي الروعة اسلوبج ومشكورة على ردج

حنون المزيون

حلالكم حبيبتي الكلام والافكار وكل شي

ام عبداللطيف

حياج حبيبتي هالكيكة من سابلية سووها فترة بمناسبة راس السنة

الله يوفقكم طقم الفودنو من وين ماخذته؟

اينن علييييييييييييييييييج بالعافية
وعسالله يهنيج

الاسطورية حبيبتي من سيرز من قبل سنه والحين ماكو منه !!

يمكن تحصلينه بالجمعيات الكبيرة صوب الاواني

وام حمودي

انتي اتيننين وعسى الله يخليلج حمودي ويرزقج باخوان له اللهم آمييييييين

الله يهنيكم ويسعدكم يارب

ما شاء الله عليج @بدعت واذا عندج افكار حلوه جذى عرضيها لنا وراح تؤجرين وشكرا 0