ليش هالنوع غالي؟

السلام عليكم

بنات القطو النوع الهمالاين ليش سعره غالي ؟ وشنهي عيوبه ووميزاته؟

والله حبيبتي ما اعرف اب هل سوالف انشالله البنات يفيدونج.

و الله ما اعرف و كان بودي اساعدج

قطوتي هملايا صح غاليه ماخذتها ب100 بطلع الروح عقب ما نشف ريجي ودشيت له نشبه بخلقته
بس تبين الصراحه سعرها فيها وتسوى شكلها سبشل وطبايعها حلوه

يمكن عشان نوع نادر….مادري…ياحلوهم

ثانكس بنات بس اتمنى اعرف اطباعهم وعيوبهم شنو يميزهم عن الشيرازي وغيرهم !!!

القطط الهمالايان قطط هجيبنه
ذكاءها متوسط و عموما هذيل قطط دلع
بس سعرها مناسب مقارنه بغيرها لأنها منتشرة بالدول العربيه
مثلا القطو البنغالي نوع نادر يوصل سعره 2000 دينار و البرتش شورت هير يوصل 1000 .. الخ
أما الهملايان ما يتعدى 350 مع شهادة الاصل

اطباعهم مثل اطباع الشيرازي هادي
يحتاج عنايه شديده بالفرو و العينين .. الشيرازي و الهملايان عندهم مشكله بالعيون عشان جذي يدمعون وايد

حلاااته الهملايا كتكوووت
بس ولا مره لقيت واحد بالكويت
من وين ؟؟

الي عندها صورته تحطه

الهيماالاين غالي لأن توليده صعب و غالبا المواليد منهم يموتون بسرعه

لكنه وايد حلو و فروته طويله و ناعمه و له عده الوان من الشوكلت و البلو و الأورنج و اللينكس و التورتي لينكس
و حتى الشكل يجي البيكي اللي انفه مخفوس لي فوقأو المون فيس اللي انفه نازل لي تحت
أما البيكي فهل نوع غالي يجي سعره من 100 لي 350 دينار و اكثر لو معاه شهاده الدي أن إيه أو لو حاصل على جوائز في مسابقات ملكه جمال القطط في الدول الأجنبيه

و هاذي صور لهم

اكره الهملايا وويه المخفوس!

ياحلوهم

مشوره على الصوور

والله مادري ليش اغلى بس غالبا الحيوانات الي تكون غاليا يكون تزاوجها وتوليدها اصعب بس اللي اعرفه انه الهملايا نوعا ما اذكا وونوعيه شعره احلى وماتطيح مثل الشيرازي بس بالنسبه حقي مادري ماحب شكله بالذات الي ويها مخفوس