ليش دايما اتحطون الغلط على المره ؟!!!!!!!

السلام عليكم بنوتات شلونكم

بنات كتبت هالموضوع لاني تنرفزت من ردود بعض البنات على بعض المواضيع

ليش دايما اتحطون الغلط على المره؟
يعني اتقول لكم ريلي تزوج علي عقب 10 سنين ولا 6 سنين
ولا حتى تونا معاريس هم اتغلطونها وان الريال ماتزوج بدون سبب!!!!!
من قال ان لازم المره امقصره ؟
ومن قال ان الريال يدور سبب عشان يتزوج؟
ولا اتقول البنت ريلي خاني
الرد يكون شوفي حبيبتي انتي مقصره بشنو
مو شرط اتكون امقصره ممكن شايلته من الارض شيل بس اهو مريض وبوخزوز
نخيلو مره واحد تزوج على مرته واهي ملكة جمال والله الي خذاها مالها لون الحمدلله الذي عافانه والسبب
يقول مليت من الجمال
يعني ممكن يكون الريال تافهه وما عنده سالفه عشان جذي تزوج ولا طالع بره
ولا اشرايكم؟
اتمنى من البنات الي يشوفون ان ماكو نار بدون دخان (قصوره بالمره) يوضحون لنا وجهة نظرهم

ماعندي كلام بعد كلام gourges

صح مو شرط القصور من المرأه

أنا زوجي قبل قايل لي سالفتين واحد طلق مرته بدون سبب بعد ما كانت شايلته
وحايفته حووووف ومو مخليه عليه قاصر وتلبي طلباته وتزوج غيرهااا

وسالفه ثانيه واحد تزوج على مرته يقول مليت بغير والأولى كانت مو مخليه عليه قاصر
وبعدين عرف قيمتها يوم تزوج الثانيه وطلقها ورد حق الأولى

ووايد سووووالف مو شرط المره اهي الغلطانه عشان زوجها يتزوج عليها

حبايبي شاكره مروركم ونورتوني
بس حبيت اوضح نقطه اني مقتنعه ان لازم يكون في سبب بس مو بالضروره اتكون المره السبب
كاج قلتي ممكن احد لاعب براسه انا اعرف واحد عقب 20 سنه تزوج على مرته والسبب ربعه بالدوام وماكانت المره السبب
انا ماقولج ماكو حريم انسوره وتدخلج البحر وتطلعج ناشفه بس مانعمم ونقول ان لو مو انتي مهمله جان ماتزوج ولامو انتي لسانج طويل جان ماخان ممكن تكون اسباب خارجيه اهي مالها شغل فيها

وعليه على هالمره ..
كل شي اهيا السبب فيه !

حتى لو فرضا انها مقصره جك بوم تزوج
ليش انتي مقصره بجذي وجذي وجذي

انزين ويينك من قبل ليش ما قلت هالحجي مو ممكن انها تتعدل تتغير ..

ولو كل وحده بتقصر بنقطه معينه بيتزوج عليها ريلها جان الكل متزوج ثنتين وثلاث
لن لااااااابد في قصور بالمره خو اهيا مو ملاك ما تغلط
ماكو الا شرفه في ام البنات الي ا تغلط وهم تزوج عليها
يعني ما نشوف هالشي الا بالمسلسلات بس …

وليش الوحده لا طلبت الطلاق عشان ريلها مقصر وتلقين باشياء واايد مو شي
ولا خاااين ..
قالوا ميخالف تحملي وصبري !!

اذا المره مقصره قلعتها خل يتزوج عليها !
بس اذا الريال مقصر تحملي غصبن عليج كل الرياييل جذي !

اصح كلااااااااااااامج حبيبتي والله المره مسكينه كل شي تسوي على شان تسعد زوجها وما تكون مقصره بس الرياييل ما يي في عينهم الا التراب …………………. المره
دايما تبحث كيف تكوني زوجه صالحه كيف تسعدي زوجك ؟…. اكلات ملابس قمصان نوم صبغ حف وطبعااااااااااااااااااااا

غير اليهال والحمال والولاده ………………. واهل زوجها ومشاكلهم والماديه تكون ضعيفه بس هم نصبر ونصبر …………….

بس اقل تقصير يروحون يتزوجوووووووووووووون ……………………….

في مره سمعتي ان الرياييل يبحثون عن كيف اكون زوجا صالحا…………..لا لا لا طبعا

كيف اسعد زوجتي في الفرااااااااااااااااااااااااااااش ؟؟؟؟؟؟؟؟؟؟؟؟؟؟؟ طبعا لا لا لا

الريال كله عند نفسه ان مو مقصر وحمدي ربج علي …….. وكل حسباله ان اهو ملك ما في مثله

وبعد كل هذا كل المره مقصررررررررررررره ومو زينه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كلامكم عدل مو معنات هذا ان كل الي تزوجو على حريمهم سواتهم غلط لا في بعض الحريم تستاهل
بس الاغلبيه وعليه كراف في كراف
ان يتي دوام حالهم حال الرياييل وترجع اتحط الغدا وتدرس اليهال الي اهو مايدري باي صف وتعشي وتبدل وتغسل وتنوم ولازم تكشخ له وماتكون امبهدله وبس سكتو بابا نايم وهذا يبي جنطه للمدرسه وهذي يبيلها تطعيم والثالث عند اجتماع بالمدرسه
لو بعدد ما انخلص وفوق كل هذا لا تنظغطين ولا تغلطين ترى الحريم غيرج واااايد!!!!!

ايه والله صدقتتي الله ايعينا بس

لو خليت خربت
في حريم سنعات وفي البعض لا والله لا سنعات ولاشي
وفي رجاجييل سنعين ويخافون ربهم ويعرفون شلون يصيرون ازواج صالحين ومومقصرين مع حريمهم وفي البعض لا

كل وحده او واحد يشوف نفسه ولا يقارن نفسه بالثاني

ترى موشرط الرجل اذا خان او خلى زوجته يعني مقصره زوجته لا بالعكس
في حريم اعرفهم لا جمال ولا بياض ولا شهاده ولا اسلوب
وزوجها مايخونها حتى لو بنظررررررره

انا براايي هذا نصيب من الله وكل شي ربي كاتبه بيصيير لعبده

تقبلي مروري

اولا الشرع حلل اربع وفى اسباب ومع هذه مادرو عنها الرياييل

انا اعرف وحده ماخذه زوجها عن حب وعشت معاه 30 سنه موشويه ويابت له 5 بين اولاد وبنات ومرته اتهبل سنع ومنع واصل وفصل يعنى مشاله حياتهم كانت مثاليه وكل سنه سفرات بصيف يعنى صراحه عيشه كل وحده تتمناها لفت عليه وحده بدوام وخلته يطلق ام عياله وطبعا المره حاسه زوجها تغير عليها وماقام يصرف على البيت ويسافر بروحه فجاه تزوج ذيك وطلق هذه انزين خو خلها على ذمتك وتزوج لالاء مره وحده طلعا اووت من حياته وتحبه مسكينه لى الحين تتقصى عن اخباره

والله في رياييل مايترس عينهم الا التراب

واشرايكم باللى يتزوج بس لانه ما جربت علاقات قبل الزواج ومتحسف الحين

تزوج مره ومرتين وما عنده مانع كل مره زوجه غير بعذر انه ما تعرف من قبل ….. طايفه نص عمره خخخخخ

هذا شتقولون عنه بله هم مرته غلطانه

والمصيبه اهو نفسه يعترف ويقول انه مافيها اى قاصر

ياربى لا تبلينا يارب

مو الا يكون في قصور من المره عشان الريال يتزوج انا ما اتكلم عن الرجل الخاين اتكلم على الانسان الطبيعي وتزوج مره ثانيه

من الناحية الشرع الاصل في الزواج التعدديه مو يعني اذا ريلي تزوج علي بطبل له وارقص بعرسه لأ باحتسب اجري عند الله وانا واثقه انه زواجه الثاني مو قصور مني ولكن يمكن انا في ناحية عنده مو قادره اشبعها يمكن اهو يبي يهال وايد وانا مابي لا اثنين ثلاث يمكن اهو عنده طاقه ما اقدر عليها .. عشان جذي اهو انسان سوي مايب الحرام اللي يقدر يحصل عليه واييب منامراض ولوعة جبد فيروح يتزوج وسبحان الله طبيعة الرجل وفطرته يحب الجنس الثاني عشاان جذي ربي بعباده وحلل له التعدديه .. والريال اللي يتزوج على مرته مو يعني انه اهو يكرها ادري انه في بنات اللحين بيكفخوني لاني دافعت عن التعدديه

اما الرجل الخاين انا اعتبره انسان مريض نفسي مافيهه وازع ديني ومو معتبر مرته سواء كانت مقصره او مو مقصره