|
|
مساء الخير
اليوم عندي لكم موضوع ولازم اتناقش فيه معاكم وهو الهجوم الشرس من بنات المنتدى على اي موضوع يخص الزوجة الثانية
ويحطون الزوجة الثانية في قفص الأتهام كأنها إهي اللي بايقة الريال من مرته مع انه هذا شرع الله حلله لحكمه الله يعلمها
بما اني زوجه ثانيه والحمدلله لا لفيت ولا بقت ريلي هو من نفسه يي وخطبني من أهلي لسبب انه الله حلل لريال ياخذ اربع
وزوجه وحده ماتكفيه ولحديث الرسول (ص) تزوجوا الودود الولود فإني مكاثر بكم الأمم يوم القيامة
وبعدين بعضهم يتهجمون ويقولون اشلون تبنين سعادتج على تعاسة غيرج شنو هذا المنطق ترى على ايام الصحابة واجدادنا ماكان عندهم كلام المسلسلات والافلام والخرابيط واكبر مثال هو قدوتنا الرسول (ص ) كان عنده تسع زوجات
و ارجع مره ثانيه واطرح بين يدكم السؤال ليش تكرهون الزوجة الثانية ؟؟لييييييش!!!!!!!!!!!!
bs etha zoji wedda ynte7er 5al ytzawaj 3alay:-p
ana wana broo7i amooooot mn el’3eera…lo 9ar 3nda zoja thanya shbe9eer feeniiiiiiiiiiiii
حطي روحج بمكان الزوجه الاولى
انتي تقولين هالكلام عشان انتي زوجه ثانيه واكيد الوحده ماتحب احد يهدم بيتها
والرسول زواجه فيه حكمه مو خراب بيوت ومشاكل
|
المشاركة الأصلية كتبت بواسطة غدنااااء
 انتي ياكاتبه الموضوع اسالج بالله لو كان لج زوج وبيت ترضين وحده ثانيه تجي وتاخذ ريلج وتشاركج فيه وتدخل بحياتج
حطي روحج بمكان الزوجه الاولى والرسول زواجه فيه حكمه مو خراب بيوت ومشاكل |
صح أنا معاها.. حطي نفسج بمكان الزوجة الأولى ترضين زوجج يتزوج عليج؟ .gif "Eh S(1)")
يمكن في اساباب
بس الحين بهل وقت لا مااكو لا اسباب ولا حتى يعدل بينهم بس يبي يتزوج وبس
وبعدين الصراحه شلون يعني لو انا احط نفسي مكانج يعني مثلا واحد ايي يخطبني ويكون متزوج شلون انا ارضى اني اتزوج وااحد متزوج
وشلون اهلي راح يرضون يزوجوني واحد ممتزوج .. خلصوو الريايل بالديره
وبعدين حطي روحج مكان الزوج الاولى لو انتي متزوجه وريلج راح تزوج عليج شنو راح اتسوين يعني ؟؟
اكيد الزوجه الاولى من تدري ماراح تقعد دقيقه وحده مع الريال لان تزوج عليها وتطلب الطلاق >> هذاا مايسمونه خراب بيووت
يعني حرام انا اتزوج واحد متزوج واخلي مرته تتطلق يعني حرام >> في وايد ريايل بالديره ليش يعني الا المتزوج
هذي وجهة نظري وشااكره لج
انتي شنو شعورج اذا تزوج علييج الثالثه؟؟؟
لاتقولين عادي والله ماراح ترضين
اذا مسالة قدوتنا الرسول عليه افضل الصلوات فليش اللي يعجبنا قلنا الرسول سوى واذا شي ما عجبنا قلنا احنا كيفنا ؟!!
ومسالة الزوجة الثانية بموضع الاتهام واايد حريم شرايج ومابينهم مشاكل مو لازم تتعممين عالكل بعد جبدي 
على حسب الزوج نفسه وعلى حسب صراحته مع زوجته و مقدار تفكيرها ..
انتي كزوجة ثانية على سنه الله ورسوله ماقلنا شي لكن لو زوجج نوى يتزوج عليج بتوافقين ؟؟!!
اذا انتي بتقولين لاا فشلون رضيتي على غيرج ..
واذا بتقولين اي عادي خل يتزوج فهالشغله تنبني عليج انتي مو على كل حريم المجتمع لان مو كل الحريم مثل الشي
السموحة حياتي عالاطالة
لكن هذي وجهة نظري لا غير وياريت ماتزعلين لانه مو هجوم مجرد رايي ^_^
أكيد هذا شرع الله …بس وين الرجل اللي يعرف شرع الله ويعدل …الزمن الحين غير ..أي متزوج من مره وحده ياالله قادر يربي ويصرف على عياله …عشان يتزوج ويجيب عيال بعد ياخذون من وقته………
حتى لو مقتدر ماديا …وين العيال وتربيتهم ..والفرقه اللي راح تصير بين الزوجتين …
عندي سؤال لج …ترضين زوجج ياخذ الثالثه …ولا انتي ضامنه ان مافي أحد بعدج.؟؟؟؟؟؟؟؟؟؟؟
لكــــــــن في بعض المرات تكون هناك اسباب منها عدم الانجاب او انه الزوج مايرتاح مع زوجته بس مايقدر يتخلى عنها
وغيرها من الاسباب
عشان جذي مو لازم تكون الزوجه الثانيه محل اتهام دايما………
مستانسة على حساب الزوجة الأولى المقهووورة …
زواج الرسول (ص) ما كان لمجرد التعدد نفسه ولا المتعة ولا غيره
كان لهدف يخدم الإسلام والدين ، فلا تقارنين الرسول (ص) برياييل هالزمن اللي ما يترس عينهم شي أبد ..
ولو انعاد السيناريو وتزوج ريلج ( يا زوجته الثانية ) عليج وحدة ثالثة ، وبس جذي لأجل التعدد وانتي مو مقصرة !!
قصي على نفسج وقولي إنج مستانسة وإن عادي وهذا حقه <<< اووووكي ، ابيج تعيشين الدور وتمثلينه عدل بعد
سلام ،،،
سُئِلَ العلامة الوالد عبد العزيز بن باز رحمه الله تعالى عن حكم اختصار اسم الرسول صلى الله عليه وسلم بـ (ص) أو (صلعم) فأجاب طيب الله ثراه: ما ينبغي هذا، ينبغي لمن كتب اسم النبي – صلى الله عليه وسلم – أو نطق به أن يصلي صلاة كاملة، يقول – صلى الله عليه وسلم-، ولا يقول: صلعم، ولا ص فقط، هذا كسل لا ينبغي، بل السنة والمشروع أن يكتب الصلاة صريحة ، فيقول- صلى الله عليه وسلم-، أو – عليه الصلاة والسلام-؛ لأن الله قال جل وعلا: إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً [الأحزاب:56)]. ويقول النبي – صلى الله عليه وسلم -: (من صلى علي واحدة صلى الله عليه بها عشرا). وجاء عنه عليه الصلاة والسلام أن جبريل أخبره أنه من صلى علي واحدة صلى الله عليه بها عشرا، ومن سلم علي واحدة سلم الله عليه بها عشراً. الحسنة بعشرة أمثالها، فلا ينبغي للمؤمن أن يكسل، ولا للمؤمنة أن تكسل عند الكتابة، أو عند النطق باسمه – صلى الله عليه وسلم – على الصلاة والسلام عليه خطاً ولفظاً، أما الإشارة بالصاد أو بـ صلعم فهذا لا ينبغي.
…
اممم برد لموضوعج
اختي بصراحه ما ادري شنو اجاوبج << حاولت اقلبها براسي ماركبت ابد
أدري انه شرع ان اصلا رفضنا لتعدد الزواج مايجوز لأن نؤمن بشي ونترك شي ماقلنا شي ، لكن صعببببببه على الزوجه الأولى مهما كان
ودايم بالغااالب الزوجه الثانيـه مسكينه اقولج ليش ومو دايم مسكينه لكن الغالب ..
يتزوجها الزوج وهو للآن يفكر بزوجته الأولى واذا كانت الثانية مو شطارة الاولى خلااااص انتهت حياتها معاه
ومع التفكير ومحاولة منه انه يرد المياه لمجاريها
فجأه يتنازل عن الطرف الاضعف الي مايربطه حيل و هوو الزوجه الثانيـه
والمجتمع دايم نظرته للزوجه الثانيه نظره قاسية ماترحم مثل ما كتبتي بموضوعج
وهني خسرت الإثنين انصاف المجتمع و الزوج
وهذي القصة ياكثر ماتتكرر للأسف
وليش كل هذا لأنها تزوجت من غير لا تسأل و تستفسر ليش تزوج على وجته
مو بس شرع وخلاص حتى الدين فاهمينه غلط وكل شي نقووول قدوتنا الرسول ياليت نقتدي فيه بكل شي مو بس هالنقطه الي ماسكينها علينا الرياجيل
انتي فجأه دخلتي حياة وحده ما ابي اقول خربتيها لكن مهما كان انجرحت لأنها مره والمره مهما كان ضعيفه
ممكن هي معاه وللحين ماتطلقت لكن صدقيني لابد وانها منجرحه وهذا شي طبيعي
وانتي تقولين مثنى وثلاث ورباع صح بس وين وان خفتوا ان لا تعدلوا
هل زوجج عادل ؟!
حتى زوجات النبي كانوا يغارون وهم صحابيااات
وكانوا كل وحده تحاول تخلي الرسول عليه الصلاة والسلام يطول عندها
مثل ماحصل مع سيدتنا عائشه وما اذكر اي وحده من زوجاته ما اتذكر القصة بالتفصيل لكن بما معناه
ان كانت وحده من زوجاته كل ما بغى يطلع من عندها ويروح لـ ليلة الثانية كانت تقوله يارسول الله اشتهيت لك هالعسل وتوكله بس عشان يتأخر عن عائشه رضي الله عنها
واكتشفت سيدتنا عائشه واتفقت مع زوجاته انهم يتأففن لما يحاول الرسول عليه الصلاة والسلام تقبيلهن
وكانت تقوله انها تشم رائحه غريبه وتحاول تكرهه بالشي الي كلاه << حريم هههههههههههه
وقالها انا آكل عسل دايم من فلانه قالت لا تاكله لأن ريحته مو طيبه بالفم
ومن بعدها ماقام يستجيب لزوجته الي توكله العسل وماقام يتأخر ههههههههههه
والله هالحادثه ما اتذكرها عدل عدل لكن سامعتها من وحده ثقه
الي بوصله ان حتى زوجات النبي يغارون وانتي لاتقولين تغارين من زوجته الأولى واذا قلتي لأ اسمحيلي ماعندج احساااس او ماتحبينه
واذا ماتحبينه ليش ماخذته !!
والي يفكر ياخذ وحده ويتزوج مايمنعه عن الثالثه والرابعه شي الا من رحم ربي
انتي خلاص تزوجتي والله يوفقج ان شاء الله
وموضوعج راح يفتح عليج ابواب ربما كان افضل انج ماتفتحينها وكن افضل لج انها تكون مغلقه لأنها بتضايقج اكثر
انتي حاولتي تحطين هالموضوع دفاع للوجه الثانيه
بس اسمحيلي مالها شعبيه الزوجه الثانيه
انا ماني عارفه اقول انتي مسكينه ولا الأولى
على العموم الايام وحدها بتجاوبج على كل كلامج مو احناااا
وانا شخصيا بنت عمتي الكبيره زوجها تزوج عليها وهي انقهرت لان عندها منه عيال لكن كتمتها بقلبهاااا
وماكان يعدل بينهم لأن صعب حيييل الواحد يعدل لا تقولين
وبعد مده تزوج عليها الثالثه
هي تقول انا ما انقهرت تعودت بس الثنيه ماتت من القهر لين سعت في طلااق الثالثه
شفتي بس قولي الله لا يوريج حره الشريكه
والله يعينج ويعينها هي بعد الأولى
تعاطفي مع الأولى
بكل صراحه
وانتي أدري انج مالج ذنب وهو الي طق بابج بس في خيارات افضل نقوم فيها
و ليش الكل معلق انه حطي نفسج مكان فلانه … يبا اهيا بمكان فلانه … و اكيد اهيا ما انحطت بهالموقف من فراغ … هذا حلال و شرع بس اكون ناس تامن فيه و اكو ناس ترفع خشومها فوق … وتلاقي فيها عيوب الدنيا والريال ما فكر بالثانيه الا اكو شي ناقصه
<<<<<<<< مو متزوجه بس معايشه حالات مماثله
ليش ماكو عواطف و مشاعر اللي تحب زوجها مستحيل تقبل غيرتها بتولع نااااااااااااااااااااااااااااااااااااااااااااااااا ااااااااااااااار
الحين الانا اكتب وانا مقهورة
ريلي حبيبي و قلبي اللي عشت معاه المره و الحلوه و عطيته عيوني بيقارني بوحده ثانيه لا يبا لا ما يبلها اي ادنى تفكير
الزوجه الثانيه اناااااااااااااااااااااااااانيه ما فكرت بشعور غيرها
اتوقع اللي ما تحب زوجها اهيالوحيده اللي راح ترضى ان يتزوج عليها بس اللي تحبه مستحيييييييييييييييييييييييييييييييييييييييييييييي ل
واااااااااااااااااااااااااااااااااااااااااااي حريتوني تالي الليل
واختلاف في الراي لايفسد في الود دقضيه